1 Ma o wee ruo na Onye-nwe nyere m iwu, ya mere e mere m epekele nile nke ntụ igwe ka m wee kanye n’elu ha akụkọ-ndekọta nke ndị m. Ma n’elu ^aepekele nile ahụ m mere a kanyere m akụkọ-ndekọta nke ^bnna m, na kwa njem anyị nile n’ime ọzara, na amụma nile nke nna m; na kwa ọtụtụ ibu-amụma ndị nke m ka m kanyeworo n’elu ha.

2 Ma a mataghị m n’oge m mere ha na Onye-nwe ga-enye m iwu ka m mee ^aepekele ndị a; ya mere, akụkọ-ndekọta nke nna m, na akụkọ-agbụrụ nke nna ya ha, ma ọtụtụ ihe mere mgbe anyị nọ n’ime ọzara ka a kanyere n’elu epekele ndị nke mbụ bụ ndị m kwuworo maka ha; ya mere, ihe ndị mere tutu mụ emee ^bepekele ndị a bụ, n’ezi okwu, e kwuru ihe gbasara ya n’uju n’elu epekele ndị nke mbụ.

3 Ma mgbe m mesịworo epekele ndị ahụ dịka e si nye m n’iwu, mụ, Nifaị, natara iwu-nsọ nʼije-ozi na ibu-amụma nile, akụkụ ndị dị mfe nghọta na oke mkpa n’ime ha, ka a ga-ede n’elu ^aepekele ndị a; ma na ihe ndị e dere kwesịrị idebe ka e were kuziere ndị m, onye ga-enwe ala ahụ, na kwa maka ^bebum-n’obi ndị ọzọ bara uru, bụ ebum-n’obi ndị Onye-nwe ma nke ọma.

4 Ya mere, mụ, Nifaị, dere akụkọ-ndekọta n’elu epekele ndị ọzọ, nke na-enye nkọwasị, ma-ọbụ nke na-enye nnukwu nkọwasị maka agha nile na ndọrọ-ndọrọ nile na mbibi nile nke ndị m. Ma nke a ka m meworo, ma nye ndị m iwu ihe ha ga-eme mgbe m gafeworo; na kwa na epekele ndị a ka a ga na-enyefe site n’otu ọgbọ ruo n’ọzọ, ma-ọbụ site n’aka otu onye-amụma ruo n’ọzọ, ruo mgbe a ga-anata iwu-nsọ ọzọ site n’aka Onye-nwe.

5 Ma nkọwasị maka ^aime epekele ndị a ka a ga-enye ma emesịa; ma mgbe ahụ, lee, a na m a ga n’iru dịka ihe m kwuworo siri dị; ma nke a ka m mere ka ọtụtụ ihe ndị dị nsọ ga-abụ ihe e ^bdebere maka mmata nke ndị m.

6 Otu o sila dị, a naghị m ede ihe ọbụla n’elu epekele ma ọbụghị nke m chere na ọ ^adị nsọ. Ma ugbua, ọbụrụ na m dehie, ọbụna ndị ochie dehiekwara; ọ bụghị na m ga-agbanarị ụta n’ihi ndị ọzọ, ma n’ihi ^badịghị ike nke dị n’ime m, dịka n’anụ arụ, a ga m ewezuga onwe m n’ụta.

7 Maka ihe ndị nke ụfọdụ mmadụ chere na ha bụ nnukwu ihe, ma na arụ ma na mkpụrụ-obi, ndị ọzọ kpọrọ ya ^aihe efu na-azọgide ha n’okpuru ụkwụ ha. E, ọbụna Chineke nke Israel ahụ ka ndị mmadụ ^bna-azọgide n’okpuru ụkwụ ha; A sị m, zọgide n’okpuru ụkwụ ha; ma a ga m ekwu n’ụzọ ọzọ—ha kpọrọ ya ihe efụ, ma ha anaghị an̄a ntị n’olu nke ntụzi-aka ya nile.

8 Ma lee ọ ^ana-abịa, dịka okwu nke mụọ-ozi, n’ime ^bnarị afọ isii site na mgbe nna m hapụrụ Jerusalem.

9 Ma ndị ụwa, n’ihi ajọọ-omume ha, ga-ekpe ya ikpe ka ọ bụrụ ihe efu; ya mere ha ga-apịa ya ụtarị, ma ọ ga-ekwe ka ọ dị otu a, ma ha ga-akụ ya ihe, ma ọ ga-ekwe ka ọ dị otu a. E, ha ^aga-abụkwasa ya asụ n’arụ, ma ọ ga-ekwe ka ọ dị otu a, n’ihi ịhụ-n’anya na obi ebere ya na ogologo ntachi-obi ya n’ebe ụmụ nke mmadụ nọ.

10 Ma ^aChineke nke nna anyị ha, ndị ^bedupụtara site n’Ijipt, site n’ịbụ-oru, na kwa chekwa ha n’ime ọzara, e, ^cChineke nke Abraham, na nke Aịsak, na Chineke nke Jekọb, ^draara onwe ya nye, dịka okwu nile nke mụọ-ozi ahụ siri dị, dịka mmadụ, n’ime aka ndị ajọọ mmadụ, ka e ^ebulie ya elu, dịka okwu nile nke ^fZinọk, na ka a ^gkpọgide ya n’obe, dịka okwu nile nke Niụm, ma ka e lie ya ^hn’ili, dịka okwu nile nke ⁱZinọs, nke o kwuru gbasara ụbọchị atọ nke ^jọchịchịrị, nke ga-abụ ihe ịrịba ama e nyere maka ọnwụ ya nye ndị ga-ebi na ala ndị bi n’etiti oke osimiri nile, nke ka nke, nye ndị bụ nke ^kụlọ nke Israel.

11 N’ihi otu a ka onye-amụma ahụ kwuru: Onye-nwe Chineke n’ezie ^aga-eleta ụlọ nke Israel nile n’ụbọchị ahụ, ụfọdụ n’olu ya, n’ihi ezi-omume ha, ruo na nnukwu ọn̄ụ na nzọpụta ha, ma ndị ọzọ o ji ^begbe-elu igwe nile na amụma nile nke ike ya, site n’ebili mmiri, site n’ọkụ, na site n’anwụrụ ọkụ, na igirigi nke ^cọchịchịrị, na site mmeghe nke ^dala, na site ^en’ugwu ukwu nile nke a ga-ebuli elu.

12 Ma ^aihe nile ndị a n’ezie ga-emezurịrị, ka onye-amụma ^bZinọs kwuru. Ma ^cokwute nile nke ala ga-agbawasịrịrị; ma n’ihi isu ude nke ala, ọtụtụ ndị eze nke ala ndị di n’etiti oke osimiri nile ka a ga-akwalite site na Mụọ nke Chineke ka ha tie mkpu sị; Chineke nke okike na-ata ahụhụ.

13 Ma ọbụrụ ma ndị bi na Jerusalem, ka onye-amụma ahụ kwuru, mmadụ nile ^aga-esogbu ha, n’ihi na ha ^bna-akpọgide Chineke nke Israel n’obe, ma tụgharịa obi ha n’ebe ọzọ, jụ ihe iriba-ama nile na ihe-ebube nile, na ike na ebube nke Chineke Israel ahụ.

14 Ma n’ihi na ha tụgharịrị obi ha n’ebe ọzọ, ka onye-amụma ahụ kwuru, na kwa ^aleda Onye-Nsọ nke Israel anya, ha ga na-akpagharị n’anụ arụ, ma laa n’iyi, ma ghọọ ^bihe ịma ọsụ na ^cokwu gara-aga, ma bụrụ ndị a kpọrọ asị n’etiti mba nile.

15 Otu o sila dị mgbe ụbọchị ahụ ga-abịa, ka onye-amụma ahụ kwuru, nke ha ^ana-agaghị kwa atụgharị obi ha megide Onye-Nsọ nke Israel, mgbe ahụ ka ọ ga-echeta ^bọgbụgba-ndụ nile ahụ nke ya na nna ha gbaworo.

16 E, mgbe ahụ ka ọ ga-echeta ^aala ndị di n’etiti oke osimiri; e, ma ndị nile bụ ndị nke ụlọ nke Israel, ^bka m ga-achịkọbata, ka Onye-nwe kwuru, dịka okwu nke onye-amụma Zinọs, site n’akụkụ anọ nile nke ụwa.

17 E, ma ndị ụwa nile ^aga-ahụ nzọpụta nke Onye-nwe, ka onye-amụma ahụ kwuru; mba nile, ebo, asụsụ na mmadụ nile ka a ga-agozi.

18 Ma mụ, Nifaị, edowo ihe ndị a nye ndị m, na e leghị anya e nwere m ike gbaa ha ume ka ha cheta Onye-nwe, bụ Onye-mgbapụta ha.

19 Ya mere, a na m agwa ụlọ nke Israel nile okwu, ma ọbụrụ na ha ga-enwe ike inweta ^aihe nile ndị a.

20 Ma lee, e nwere m ọtụtụ ọrụ n’ime mụọ, nke mere ka ike gwụ m, ọbụna na njikọ arụ m nile esighị ike, maka ndị nke nọ na Jerusalem; n’ihi na ọ bụrụ na Onye-nwe enweghị obi ebere, igosị m gbasara ha, ọbụna dịka o si nwe ndị-amụma na mgbe ochie, a gara m alakwa nʼiyi.

21 Ma n’ezie o gosịrị ^andị-amụma nile nke mgbe ochie ihe nile ^bgbasara ha; na kwa o gosịrị ọtụtụ gbasara anyị, ya mere, ọ dị mkpa na anyị ma gbasara ha n’ihi e dere ha n’elu epekele bras ahụ.

22 Ugbua o wee ruo na mụ, Nifaị, kuziri ụmụ nne m nwoke ihe ndị a nile; ma o wee ruo na a gụụrụ m ha ọtụtụ ihe, ndị a kanyere n’elu ^aepekele nile nke bras, ka ha wee mata ihe gbasara ihe-omume nile nke Onye-nwe n’ala ndị ọzọ, n’etiti ndị mgbe ochie.

23 Ma a gụụrụ m ha ọtụtụ ihe ndị e dere ^an’akwụkwọ nile nke Moses; ma ka m nwe ike gbaa ha ume n’uju ka ha kwere n’Onye-nwe bụ Onye-mgbapụta ha, a gụụrụ m ha ihe ndị onye-amụma ^bAịsaịa dere; ^cn’ihi na e jiri m akwụkwo-nsọ nile tụnyere anyị onwe-anyị, nke ga-eme ka anyị nweta ^duru na mmụta.

24 Ya mere, a gwara m ha okwu, sị: Nụrụ nụ okwu nile nke onye-amụma, unu ndị bụ ndị fọdụrụ nke ụlọ nke Israel, ^angalaba nke ekewapụrụ-ekewapụ; nụrụ nụ okwu nile nke onye-amụma, nke e dere nye ụlọ nke Israel nile, ma were nụ onwe unu tụnyere ha, ka unu wee nwe olile-anya na kwa ụmụnne unu nwoke bụ ndị esịrị n’arụ ha kewapụta unu, n’ihi n’ụdị a ka onye-amụma ahụ deworo.