1 Ma o wee ruo na mgbe anyị bịaruworo ọzara ahụ bịakwuru nna anyị, lee, ọn̄ụ jupụtara ya obi, otu a ọn̄ụ jupụtakwara nne m, ^aSaraịa obi karịa, n’ihi na n’ezi okwu, o ruwo uju n’ihi anyị.

2 N’ihi na o chewọrịị na anyị anwụwo n’ime ọzara ahụ; n’ihi na o mewokwa mkpesa megide nna m, na-asị ya na ọ bụ onye na-ahụ ọ́hụ̀; sị: Lee, ị siwo n’ala nke nketa anyị dupụta anyị, ma ụmụ m ndị nwoke anọghịkwa, anyị wee na-ala n’iyi n’ime ọzara.

3 Ma-ọbụ ụdị okwu di otu a ka nne m jiri na-ekpesa mkpesa megide nna m.

4 Ma o wee ruo na nna m gwara ya okwu, sị: A ma m na m bụ ^aonye na-ahụ ọ́hụ̀; n’ihi na ọbụrụ na m ahụghị ihe nke Chineke ^bn’ọ́hụ̀, agaraghị m ama ịdị mma nke Chineke, kama m gaara anọgide na Jerusalem, ma sorokwa ụmụnne m ndị nwoke laa n’iyi.

5 Ma lee, enwetawo m ^aala e kwere na nkwa, n’ime ihe ndị nke m na-an̄ụrị ọn̄ụ; e, ma ^bamakwa m na Onye-nwe ga-anapụta ụmụ m ndịkom site n’aka Leban, ma kpọghachịkwara anyị ha n’ime ọzara a.

6 Ọ bụ ụdị okwu di otu a, ka nna m, Lihaị, jiri na-akasi nne m, Saraịa obi gbasara anyị, mgbe anyị gawara njem n’ime ọzara ahụ gbagọ n’obodo Jerusalem, ịga weta akụkọ-ndekọta nke ndị Juu.

7 Ma mgbe anyị laghachịrị n’ụlọ ikwuu nna m, lee, ọn̄ụ ha zuru oke, akasikwara nne m obi.

8 Ma o wee kwuo okwu na-asị: Ugbua amaara m n’ezi-okwu na Onye-nwe enyewo di m ^aiwu ka ọ gbaba n’ime ọzara; e, ma amakwa m n’ezi-okwu na Onye-nwe echekwaworịị ụmụ m, ma napụtakwa ha n’aka Leban, ma nye kwa ha ike nke ha ga-eji ^bmezuo ihe nke Onye-nwe nyeworo ha n’iwu. N’ụdị asụsụ dị otu a ka o kwuru.

9 Ma o wee ruo na ha n̄ụrịrị ọn̄ụ nke ukwuu, ma chụọ kwa ^aaja na onyinye nsuru ọkụ nye Onye-nwe; Ha wee nye Chineke nke Israel ^bekele.

10 Ma mgbe ha nyeworo Chineke nke Israel ekele, nna m, Lihaị, weere akụkọ-ndekọta nile bụ ndị a kanyere ^an’epekele bras nile ahụ wee gụọ ha site na mmalite.

11 Ma o wee hụ na ihe dị n’ime ha bụ ^aakwụkwọ ise nke Moses dere, nke bụ nkọwasị banyere okike nke ụwa, na kwa Adam na Iv, ndị bụ nne na nna mbụ nke anyị;

12 Na kwa ^aakụkọ-ndekọta banyere ndị Juu, site na mbido wee ruo na mmalite ọchịchị nke Zedekaịa, bụ eze Juda;

13 Na kwa ibu-amụma nile nke ndị-amụma dị nsọ, site na mbido, wee ruo na mmalite ọchịchị nke ^aZedekaịa; na kwa ọtụtụ ibu-amụma ndị nke ekwuworo site n’ọnụ ^bJeremaịa.

14 Ma o wee ruo na nna m, Lihaị, chọpụtakwara n’elu ^aepekele bras ahụ akụkọ-agbụrụ nna ya ha; ya mere, ọ matara na ya si na agbụrụ nke Josef: e, ọbụna ^bJosef onye bụ nwa ^cJekọb, nke ^derepụrụ n’ala Ijipt, na onye, aka nke Onye-nwe ^echekwara, ka o wee nwe ike ichekwa nna ya, Jekọb, na ezi na ụlọ ya, site n’ịla n’iyi nke ụnwụ.

15 E ^adupụtakwara ha site na ndọkpụ n’agha na kwa site n’ala Ijipt, site n’aka otu Chineke ahụ chekwara ha.

16 Ma otu a ka nna m, Lihaị, si chọpụta akụkọ-agbụrụ na ezi na ụlọ ndị nna ya. Ma Leban bụ kwa agbụrụ ^aJosef, ya mere, ya na ndị nna ya debere akụkọ-ndekọta ahụ.

17 Ma ugbua mgbe nna m hụrụ ihe ndị a nile, o wee jupụta na Mụọ, o wee malite ibu amụma gbasara mkpụrụ-afọ nke ya—

18 Na epekele bras ndị a kwesịrị ịgazụ mba nile, ebo nile, asụsụ nile, na ndị mmadụ bụ mkpụrụ-afọ nke ya.

19 Ya mere, ọ sịrị na epekele bras ndị a ^aekwesịghị imebi emebi; ma ọbụghị kwa n’oge ga-emechu ha ọzọ. Ma o bukwara amụma ọtụtụ ihe gbasara mkpụrụ-afọ nke ya.

20 Ma o wee ruo na ruo ugbua mụ na nna m debeworo iwu-nsọ nile nke Onye-nwe nyeworo anyị.

21 Ma anyị enwetawo akụkọ-ndekọta ahụ Onye-nwe nyere anyị n’iwu, wee gụọ kwa ha, chọpụta kwa na ha masịrị anyị; e, ọbụna nke dị ^aoke-ọnụ-ahịa nye anyị, nke mere ka anyị ^bnwe ike ichekwa iwu-nsọ nile nke Onye-nwe ka o rute ụmụ anyị.

22 Ya mere, o bụ amamihe n’ime Onye-nwe ka anyị buru ha, dịka anyị na-aga njem n’ime ọzara, cheekwa iru n’ala e kwere na nkwa.