1 Nokuti zvakaitika kuti mushure mekunge ndada kuziva zvinhu zvakanga zvaonekwa nababa vangu, nokutenda kuti Ishe vaikwanisa kuita kuti ndizvizive, zvandakanga ndigere ^andichifungisisa mumwoyo mangu ^bndakatorwa neMweya waIshe, hongu, ndikaenda ^cmugomo rakareba zvakanyanya, randakanga ndisina kumbenge ndakaona, uye randakanga ndisina kumbenge ndakatsika netsoka dzangu.

2 Uye Mweya ukati kwandiri: Tarisai, unodei?

3 Uye ndikati: Ndinoda kuona zvinhu ^azvakaonekwa nababa vangu.

4 Uye Mweya ukati kwandiri: Unotenda here kuti baba vako vakaona ^amuti wavakataura nezvawo?

5 Uye ndikati: Hongu, munoziva kuti ^andinotenda ose mazwi ababa vangu.

6 Uye ndataura mazwi aya, Mweya wakachema nezwi guru, uchiti: Hosana kuna Ishe, vakuru-kuru Mwari; nokuti ndiMwari ^avepasi pose, hongu, kana pamusoro pezvose. Uye iwe wakakomborerwa Nifai, nokuti ^bunotenda muMwanakomana waMwari mukuru; nokudaro, uchaona zvinhu zvawada kuona.

7 Uye tarisai chinhu ichi chichapiwa kwauri ^asechiratidzo, kuti mumashure mekunge waona muti wakabereka muchero wakadyiwa nababa vako, uchaonawo murume achiburuka kubva kudenga, uye iyeyo uchamupupurira; uye mushure mekunge wamuona ^buchataura kuti Mwanakomana waMwari.

8 Uye zvakaitika kuti Mweya wakati kwandiri: Tarisa! Uye ndakatarisa ndikaona muti; uye wakange wakaita ^asemuti wakanga waonekwa nababa vangu; uye kunaka kwawo kwakange kwakapfuuridza, hongu, kudarika runako rwose; uye ^bkuchena kwawo nokudaro kwakange kwakapfuura kuchena kwechando chamatsutso.

9 Uye zvakaitika kuti mushure mekunge ndaona muti uya, ndakati kuMweya: Ndinoona kuti waratidza kwandiri muti ^aunokosha kupfuura mimwe yose.

10 Uye akati kwandiri: Unodei?

11 Uye ndikati kwaari: Kuziva ^azvazvinoreva—nokuti ndaitaura naye sekutaura kunoita munhu; nokuti ndakaona kuti akange ane ^bchimiro chemunhu; asi kana zvainge zvakadaro, ndaiziva kuti waive Mweya waIshe; uye akataura neni sezvinoita munhu kana achitaura kune mumwe.

12 Uye zvakaitika kuti akati kwandiri: Tarisa! Uye ndikatarisa sekunge ndiri kutarisa kwaari, uye handina kumuona; nokuti akange abva pandiri.

13 Uye zvakaitika kuti ndakatarisa ndikaona guta guru reJerusarema, nemamwewo maguta. Uye ndakaona guta reNazareta; uye muguta ^areNazareta ndakaona ^bmhandara, uye yakanga yakanaka iri chena zvisingataurike.

14 Uye zvakaitika kuti ndakaona ^amatenga achizuruka; uye ngirozi ikadzika uye ikamira pamberi pangu; ikati kwandiri: Nifai, uri kuonei?

15 Uye ndikati kwairi: Mhandara, yakanakiswa kupfuura dzimwe mhandara dzose.

16 Uye ikati kwandiri: Unoziva here kuzvideredza kwaMwari?

17 Uye ndikati kwairi: Ndinoziva kuti vanoda vana vavo; asi zvisinei, handizive zvinoreva zvinhu zvose.

18 Uye ikati kwandiri: Tarisai, ^amhandara yauri kuona ndiyo ^bamai veMwanakomana waMwari, mutsika yezvenyama.

19 Uye zvakaitika kuti ndakaona achitakurwa muMweya; uye mushure mekunge atakurwa ^amuMweya kwechinguva chakati ngirozi yakataura kwandiri, ichiti: Tarisa!

20 Uye ndakatarisa uye ndikaona mhandara iya zvakare, yakatakura ^amwana mumaoko ayo.

21 Uye ngirozi ikati kwandiri: Ona ^aGwayana raMwari, hongu, ^bMwanakomana ^cwaBaba Vokusingaperi! Unoziva here zvinoreva ^dmuti wakaonekwa nababa vako?

22 Uye ndakaipindura ndichiti: Hongu, ^arudo rwaMwari, rwunopararira rwega mumwoyo yevana vevanhu; nokudaro, ndirwo rwunodiwa kupfuura zvinhu zvose.

23 Uye yakataura kwandiri ichiti: Hongu, uye ndirwo rwunonyanya ^akufadza kumweya.

24 Uye mushure mekunge yataura mazwi aya, yakati kwandiri: Tarisa! Uye ndakatarisa, uye ndikaona Mwanakomana waMwari ^aachienda mukati mevana vevanhu; uye ndikaona vazhinji vachiwira pasi patsoka dzake uye vachimunamata.

25 Uye zvakaitika kuti ndakaona kuti ^adanda resimbi, riya rakaonekwa nababa vangu, raive izwi raMwari, raienda kuchisipiti chemvura ^byeupenyu, kana ^ckumuti weupenyu; mvura iyi iri chiratidzo cherudo rwaMwari; uye ndakaonawo kuti muti weupenyu waive chiratidzo cherudo rwaMwari.

26 Uye ngirozi yakati kwandiri zvakare: Tarisai uone ^akuzvideredza kwaMwari!

27 Uye ndakatarisa uye ^andikaona Mununuri wenyika, uyo akanga ataurwa nababa vangu; uye ndikaonawo ^bmuporofita aizogadzira nzira yake asati auya. Uye Gwayana raMwari rakaenda uye ^crikabhabhatidzwa naye; uye mushure mekunge abhabhatidzwa, ndakaona matenga achizaruka, uye Mweya Mutsvene uchiuya uchibva kudenga uye uchigara paari uine chimiro ^dchenjiva.

28 Uye ndakaona kuti akaenda akanoparidzira vanhu, ^amusimba nemukurumbira mukuru; uye mhomho dzevanhu dzakaungana pamwechete kuti vamunzwe; uye ndikaona kuti vakamutanda pakati pavo.

29 Uye ndakaonawo vamwe ^agumi nevaviri vachimutevera. Uye zvakaitika kuti vakatakurwa muMweya pameso pangu, uye handina kuzovaona.

30 Uye zvakaitika kuti ngirozi yakataura kwandiri zvakare ichiti: Tarisa! Uye ndakatarisa, uye ndikaona matenga achizuruka zvakare, uye ndikaona ^angirozi dzichidzika pavana vevanhu; uye dzikashumira kwavari.

31 Uye yakataura kwandiri zvakare ichiti: Tarisa! Uye ndakatarisa, uye ndikaona Gwayana raMwari richienda pakati pevana vevanhu. Uye ndikaona mhomho yevanhu vakanga vachirwara, nevakange vaine zvirwere zvakasiyana-siyana, ^anemadhimoni nemweya ^bisina kuchena; uye ngirozi yakataura ikaratidza zvose zvinhu izvi kwandiri. Uye ^cvakarapwa nesimba reGwayana raMwari; uye madhimoni nemweya yetsvina yakabviswa.

32 Uye zvakaitika kuti ngirozi yakataura kwandiri zvakare ichiti: Tarisa! Uye ndakatarisa ndikaona Gwayana raMwari, kuti rakatorwa nevanhu; hongu, Mwanakomana waMwari asingaperi ^aakatongwa nevenyika; uye ndakazviona uye ndineumboo.

33 Uye ini Nifai, ndakaona kuti akaturikwa ^apamuchinjikwa ^bakaurairwa zvitadzo zvenyika.

34 Uye mushure mekunge auraiwa ndakaona mhomho dzepasi, kuti dzakaungana pamwechete kurwisa vaapositori veGwayana; nokuti vanegumi nevaviri ndiko kudaidzwa kwavaiitwa nengirozi yaIshe.

35 Uye mhomho dzepasi dzakange dzakaungana pamwechete; uye ndikaona kuti dzakange dziri ^amuzimba guru uye dhandanda, rakafanana nezimba rakaonekwa nababa vangu. Uye ngirozi yaIshe yakataura zvakare kwandiri ichiti: Ona nyika neungwaru hurimo; hongu, tarisai imba yaIsraeri yaungana pamwechete kuti irwise vaapositori veGwayana vanegumi nevaviri.

36 Uye zvakaitika kuti ndakaona ndikaziva kuti, zimba guru uye dhandanda kwaive ^akuzvikudza kwenyika; uye yakapunzika, uye kupunzika kwacho kwakange kuri kukuru zvisingataurike. Uye ngirozi yaIshe yakataura kwandiri zvakare ichiti: Ndookuparadzwa kuchaitwa nyika dzose, marudzi, ndimi, navanhu, avo vacharwisa vaapositori veGwayana vanegumi nevaviri.