Chitsauko 9
Nifai anogadzira zvinyorwa zviri paviri—Zvose zvinodaidzwa kunzi mahwendefa aNifai—Mahwendefa makuru anotaura nezvenhoroondo yevanhu; madiki anotaura nezvezvinhu zvinoera. Zvingangove makore 600 kusvika ku592 Kristu asati azvarwa.
1 Uye zvose zvinhu izvi baba vangu vakazviona, uye vakazvinzwa, uye vakazvitaura, zvavaigara mutende, amunhika raRemueri, nezvimwewo zvinhu zvakawanda, zvisingagone kunyorwa pamahwendefa ano.
2 Uye zvino, sekutaura kwandaita pamusoro pemahwendefa aya, tarisai haaziwo mahwendefa andichanyora rungano ruzere rwevanhu vekwangu; nokuti amahwendefa andinonyora rungano ruzere rwevanhu vekwangu ndaapa zita rekuti Nifai; nokudaro, anodaidzwa kunzi mahwendefa aNifai, sezita rangu; uye mahwendefa ayawo anodaidzwa kunzi mahwendefa aNifai.
3 Zvisinei, ndakagashira murairo waIshe kuti ndiite mahwendefa aya, anechikonzero chekuti kwakafanira kuve nezvakanyorwa pamusoro bpeufundisi hwevanhu vekwangu.
4 Pane mamwe mahwendefa pakafanira kunyorwa zvekutonga kwemadzimambo, nehondo nenharo dzevanhu vekwangu; nokudaro mahwendefa aya anotaura zvizhinji nezvehufundisi; uye amamwe mahwendefa anotaura zvizhinji nezvekutonga kwemadzimambo nezvehondo nekusawirana kwevanhu vekwangu.
5 Nokudaro, Ishe vanditi ndiite mahwendefa aya nechikonzero achakangwara chiri mavari, chikonzero chacho chandisingazive ini.
6 Asi Ishe avanoziva zvinhu zvose kubvira pakutanga; nokudaro, vanogadzira nzira yokupedza nayo mabasa avo ose pakati pevana vevanhu; nokuti tarisai, vane bsimba rose mukuzadzikisa mazwi avo ose. Uye ndizvo zvazviri. Ameni.