Katingbanan sa Kasaysayan

Ang mosunod nga kronolohiya naghatag og mubo nga dugukan sa kasaysayan alang sa mga pagtulun-an ni Propeta Joseph Smith nga gi-presentar niining libroha.

1805, Disyembre 23:	Natawo sa Sharon Windsor county, Vermont, ang ikalima nga anak sa onse sa pamilya ni Joseph Smith Sr. ug Lucy Mack Smith.
mga 1813: (edad 7)	Nataptan og tipos, ang komplikasyon nagkinahanglan og operasyon sa iyang wala nga tiil. Niining higayona, ang pamilyang Smith nagpuyo sa West Lebanon, New Hampshire, usa sa daghang mga dapit diin ang pamilya mibalhin sa tunga-tunga sa 1808 ug 1816 aron mangita og mas maayong mga kahigayunan.
1816: (edad 10)	Mibalhin uban sa iyang pamilya ngadto sa balangay sa Palmyra, New York.
mga 1818–19: (edad 12 o 13)	Mibalhin uban sa iyang pamilya gikan sa balangay sa Palmyra ngadto sa balay nga troso sa Palmyra Township, New York.
1820, sayo sa tingpamulak: (edad 14)	Nag-ampo didto sa kakahoyan duol sa iyang panimalay. Gibisitahan sa Dios nga Amahan ug ni Jesukristo. Nangutana kon unsa nga relihiyon ang iyang apilan. Ang Manluluwas misulti kaniya nga walay usa sa mga simbahan ang husto ug kinahanglan nga wala siyay apilan kanila.
1823, Septyembre 21–22: (edad 17)	Gibisitahan ni Moroni, kinsa nagsulti kaniya sa buhat sa Ginoo dinhi sa yuta sa katapusan mga adlaw ug sa Basahon ni Mormon. Tan-awa ang bulawan nga mga palid, nga gilubong sa duol nga bungtod, apan gidid-an nga kuhaon kini nianang higayona.
1825: (edad 19)	Mibalhin uban sa iyang pamilya gikan sa balay nga troso ngadto sa bag-ong gitukod nga balay sa ilang uma sa Manchester Township, New York.
1827, Enero 18: (edad 21)	Nakigminyo ni Emma Hale nga taga Harmony, Pennsylvania, gikasal sila didto sa South Bainbridge, New York.
1827, Septyembre 22:	Nakadawat sa mga palid gikan ni Moroni, human nagkakita og si Moroni sa Septyembre 22 matag tuig sukad niadtong 1823.
1827, Disyembre: (edad 22)	Mibalhin ngadto sa Harmony, Pennsylavania, aron makalikay gikan sa manggugubot [mob] sa Palmyra ug Manchester nga naningkamot sa pagkawat sa mga palid. Sa wala madugay human niana, nagsugod sa paghubad sa Basahon ni Mormon.
1828, Pebrero:	Gipakita ni Martin Harris ang kopya sa pipila ka mga karakter sa Basahon ni Mormon ngadto sa ilado nga mga eskolar, lakip na ni Charles Anthon ug Samuel L. Mitchill sa Siyudad sa New York.
1828, Hunyo–Hulyo:	116 ka mga pahina sa manuskrito nga hubad sa Basahon ni Mormon gikawat gikan ni Martin Harris.
1829, Abril 5: (edad 23)	Miabut si Oliver Cowdery sa Harmony aron moalagad isip tigsulat alang sa Basahon ni Mormon, ang paghubad nagsugod niadtong Abril 7.
1829, Mayo 15:	Uban ni Oliver Cowdery, nakadawat sa Aaronic Priesthood gikan ni Juan Bautista. Si Joseph ug Oliver mibunyag sa usag usa didto sa Sapa sa Susquehanna.
1829, Mayo-Hunyo:	Uban ni Oliver Cowdery, nakadawat sa Melchizedek Priesthood gikan sa karaang mga Apostoles nga sila si Pedro, Santiago, ug Juan duol sa Sapa sa Susquehanna tunga-tunga sa Harmony, Pennsylavania, ug sa Colesville, New York.
1829, Hunyo:	Mihuman sa hubad sa Basahon ni Mormon didto sa uma ni Peter Whitmer Sr. sa Fayette Township, New York. Ang Tulo ka mga Saksi nakakita sa mga palid ug ni anghel Moroni didto sa Fayette, ang Walo ka mga Saksi nakakita ug nakahikap sa mga palid didto sa Palmyra Township.
1830, Marso 26: (edad 24)	Ang unang naimprinta nga mga kopya sa Basahon ni Mormon magamit na sa publiko sa tindahan sa mga libro ni Egbert B. Grandin sa Palmyra.
1830, Abril 6:	Pormal nga mi-organisar sa Simbahan didto sa panimalay ni Peter Whitmer Sr. sa Fayette (tan-awa sa D&P 20:1). Sa sinugdanan ang opisyal nga pangalan sa Simbahan mao ang Simbahan ni Kristo. Niadtong Mayo 3, 1834, ang pangalan giusab ngadto sa Ang Simbahan sa mga Santos sa Ulahing mga Adlaw. Niadtong Abril 26, 1838, ang pangalan giusab pinaagi sa pagpadayag ngadto sa Ang Simbahan ni Jesukristo sa mga Santos sa Ulahing mga Adlaw (tan-awa sa D&P 115:4).
1830, Hunyo:	Sa sugo sa Ginoo, nagsugod sa dinasig nga paghubad sa Biblia, nga karon nailhan nga Hubad ni Joseph Smith sa Biblia.
1830, Hunyo 9:	Mipahigayon sa unang komperensya sa Simbahan didto sa Fayette.
1830, Septyembre:	Mibalhin gikan sa Harmony, Pennsylvania, ngadto sa Fayette, New York. Mga Disyembre 1827 ug niining higayona, si Joseph ug Emma nagpuyo sa Harmony, apan si Joseph mobiyahe matag karon ug unya ngadto sa Manchester, Fayette, ug sa Palmyra aron atimanon ang mahitungod sa paghubad sa Basahon ni Mormon, paghanay sa pagmantala sa Basahon ni Mormon, pag-organisar sa Simbahan, pagdumala sa unang komperensya sa Simbahan, ug pagatiman sa ubang mga katungdanan sa Simbahan.
1830, Septyembre:	Nakadawat og pagpadayag nga ang mga misyonaryo “moadto ngadto sa mga Lamanite” aron mosangyaw sa ebanghelyo (D&P 28:8; tan-awa usab sa 30:5–6; 32:1–3). Niadtong Oktubre, upat ka mga elder nagmisyon aron motudlo sa teritoryo sa Indian sa kasadpan sa Missouri.
1830, Disyembre: (edad 25)	Nakadawat og pagpadayag nga ang mga Santos magpundok didto sa Ohio (tanawa sa D&P 37; edad 24 o 25).
1831, sayo sa Pebrero:	Human sa pagbiyahe og kapin sa 250 ka mga milya gikan sa New York, miabut sa Kirtland, Ohio.
1831, Hulyo 20:	Didto sa Independence, Jackson County, Missouri, nakadawat og pagpadayag nga miila sa Independence isip ang “tunga-tunga nga dapit” sa Zion (tan-awa sa D&P 57:1–3).
1831, Agosto 2:	Nagdumala samtang si Sidney Rigdon mipahinungod sa Lalawigan sa Jackson, Missouri, nga mao ang yuta sa Zion.
1831, Agosto 3:	Mipahinungod og dapit sa templo sa Independence.
1832, Enero 25: (edad 26)	Gipaluyohan isip Presidente sa Halangdong Priesthood didto sa Amherst, Ohio (edad 26).
1832, Marso 8:	Mi-organisar sa First Presidency, uban ni Sidney Rigdon ug Jesse Gause isip mga counselor, didto sa Kirtland. Niadtong Marso 18, 1833, si Frederick G. Williams mipuli ni Jesse Gause.
1832, Disyembre 27–28: (edad 27)	Nakadawat og sugo sa pagtukod sa templo sa Kirtland (tan-awa sa D&P 88:119–20).
1833, Enero:	Misugod sa Tulunghaan sa mga Propeta.
1833, Hulyo 2:	Mi-kompleto sa iyang inisyal nga trabaho sa dinasig nga hubad sa Biblia, nga karon nailhan nga Hubad ni Joseph Smith sa Biblia. Gikan niini nga buhat miabut ang basahon ni Moises ug Joseph Smith—Mateo, nga karon anaa sa Perlas nga Labing Bililhon.
1833, Hulyo 20:	Ang mga manggugubot miguba sa imprintahanan sa Independence, Missouri, diin giimprinta ang Basahon sa mga Kasugoan, ingon man usab sa daghang giimprinta nga mga pahina. Niadtong Septyembre 1835 ang mga pagpadayag nga gikan sa Basahon sa mga Sugo, ingon man usab sa ubang mga pagpadayag, gimantala sa Kirtland sa unang edisyon sa Doktrina ug mga Pakigsaad.
1833, Hulyo 23:	Tukurang mga bato gipahiluna alang sa Templo sa Kirtland.
1833, Disyembre 18:	Si Joseph Smith Sr. gi-orden nga Patriyarka sa Simbahan.
1834, Mayo–Hulyo: (edad 28)	Nangulo sa Kampo sa Zion gikan sa Kirtland, Ohio, ngadto sa Lalawigan sa Clay, Missouri, aron makahatag og kahupayan sa mga Santos nga gipapahawa gikan sa ilang mga panimalay sa Lalawigan sa Jackson, Missouri. Mibalik ngadto sa Kirtland human makadawat og pagpadayag nga ang mga Santos kinahanglan nga “mohulat sa mubo nga panahon alang sa katubsanan sa Zion” (D&P 105:9).
1835, Pebrero 14: (edad 29)	Mi-organisar sa Korum sa Napulog Duha ka mga Apostoles.
1835, Pebrero 28:	Mi-organisar sa Korum sa Seventy.
1835, Hulyo:	Nakaangkon sa Ehiptohanon nga papyri nga naglakip sa mga sinulat ni Abraham.
1836, Marso 27: (edad 30)	Mipahinungod sa Templo sa Kirtland (tan-awa sa D&P 109).
1836, April 3:	Si Jesukristo nagpakita ngadto ni Joseph Smith ug Oliver Cowdery didto sa Templo sa Kirtland ug midawat sa templo. Si Moises, Elias, ug Elijah nagpakita usab ug mitugyan sa mga yawe sa priesthood ngadto ni Joseph ug Oliver (tanawa sa D&P 110).
1837, Hunyo: (edad 31)	Mipadala og mga elder gikan sa Kirtland ug sa Ibabaw nga Canada aron magserbisyo isip mga misyonaryo sa England, ang unang misyon nga gawas sa Amihanang America.
1838, Enero 12: (edad 32)	Mibiya sa Kirtland padulong sa Far West, Missouri, aron mo-eskapo sa kapintas sa mga manggugubot.
1838, Marso 14:	Miabut sa Far West ug mitukod sa punoang buhatan sa Simbahan didto.
1838, Abril 27:	Mipasiugda sa pagsulat sa iyang kasaysayan, gimantala sa hinay-hinay isip “Kasaysayan ni Joseph Smith” sa mga pamantalaan sa Simbahan sugod niadtong 1842; sa wala madugay gimantala pag-usab isip History of the Church.
1838, Oktubre 27:	Ang gobernador sa Missouri nga si Lilburn W. Boggs miisyu sa wala kahimuti nga “Extermination Order.” Tungod nini nga sugo ug sa hilabihan nga pagpanggukod ang mga Santos napugos sa pagbiya sa Missouri padulong sa Illinois panahon sa tingtugnaw ug tingpamulak niadtong 1838–39.
1838, Disyembre 1:	Nabilanggo uban sa laing mga lider sa Simbahan didto sa bilanggoan sa Liberty, Missouri.
1839, Marso 20:	Gikan sa Bilanggoan sa Liberty, mipadala og sulat ngadto sa mga Santos, ang ubang bahin niini sa wala madugay giapil diha sa Doktrina ug mga Pakigsaad 121, 122, ug 123.
1839, tunga-tunga sa Abril:	Samtang gibalhin tungod sa pagkausab sa dapit sa husay gikan sa Gallatin ngadto sa Columbia, Missouri, gitugutan sa iyang mga gwardya nga makaikyas.
1839, Abril 22:	Mitipon sa iyang pamilya didto sa Quincy, Illinois.
1829, Mayo 10:	Mibalhin uban sa iyang pamilya ngadto sa gamayng balay nga troso sa Commerce, Illinois. Unya giusab ang pangalan sa siyudad ngadto sa Nauvoo.
1839, Nobyembre 29:	Mibisita ni Martin Van Buren, ang presidente sa Estados Unidos, sa Washington, D.C., nangita og katarungan sa mga inhustisya sa Missouri. Samtang didto, nanghangyo usab siya sa Kongreso sa Estados Unidos og panabang.
1840, Agosto 15: (edad 34)	Mipahibalo sa publiko sa mga doktrina sa bunyag alang sa mga patay didto sa usa ka haya sa Nauvoo. Mga bunyag alang sa mga patay unang gipahigayon sa Suba sa Mississippi ug sa lokal nga mga sapa-sapa.
1840, Septyembre:	Sa usa ka pakigpulong sa First Presidency ngadto sa Simbahan, mipahibalo nga miabut na ang panahon aron sugdan ang pagtukod sa templo sa Nauvoo.
1841, Pebrero 4: (edad 35)	Gipili nga tenyente heneral sa bag-ong na-organisar nga Nauvoo Legion, usa ka yunit sa kasundalohan sa Illinois.
1841, Abril 6:	Tukurang mga bato gipahiluna alang sa Templo sa Nauvoo.
1841, Nobyembre 21:	Ang unang mga bunyag alang sa mga patay sa Templo sa Nauvoo gipahigayon sa usa ka kahoy nga bunyaganan nga gihimo ug gipahinungod sa wala pa mahuman ang ubang bahin sa templo.
1842, Pebrero— Oktubre: (edad 36)	Nagserbisyo isip editor sa Times and Season, ang pamantalaan sa Simbahan sa Nauvoo.
1842, Marso 1:	Mimantala sa Wentworth Letter diha sa Times ang Seasons; sa Marso ug Mayo, mimantala usab sa basahon ni Abraham diha sa Times and Seasons.
1842, Marso 17:	Mi-organisar sa Female Relief Society sa Nauvoo, uban ni Emma Smith isip presidente.
1842, Mayo 4:	Nangalagad sa unang mga ordinansa sa endowment sa ibabaw nga kwarto sa iyang Red Brick nga Tindahan.
1842, Mayo 19:	Napili nga mayor sa Nauvoo.
1843, Hulyo 12: (edad 37)	Misulat og pagpadayag sa bag-o ug walay katapusan nga pakigsaad, lakip ang kamahangturon sa pakigsaad sa kaminyoon (tan-awa sa D&P 132).
1844, Enero 29: (edea 38)	Mipahibalo sa iyang pagka-kandidato sa pagka-presidente sa Estados Unidos sa Amerika.
1844, Marso:	Sa miting uban sa Napulog Duha ka mga Apostoles ug sa uban, misugo sa Napulog Duha sa pagdumala sa Simbahan sa higayon nga siya mamatay, mipasabut nga siya mitugyan kanila sa tanang mga ordinansa, awtoridad, ug mga yawe nga gikinahanglan sa pagbuhat sa ingon.
1844, Hunyo 27:	Gimartir uban sa iyang igsoon nga si Hyrum didto sa bilanggoan sa Carthage, Illinois.
1844, Hunyo 29:	Gilubong uban ni Hyrum didto sa Nauvoo, Illinois.