Миний суурь зарчим: Ажилла: Хариуцлага хүлээдэг бай мөн цөхрөлтгүй зүтгэ

Дээд талын хугацаа: 20 минут

Тунгаан бод:

Яагаад Тэнгэрлэг Эцэг намайг амьдралынхаа төлөө хариуцлага хүлээдэг байгаасай хэмээн хүсдэг вэ?

Үз:

“Сэдрикийн аялал” видео бичлэг srs.lds.org/videos дээр байгаа. (Видео бичлэг байхгүй бол энэ бүлгийн төгсгөл дэх бичвэрийг уншина уу.)

Ярилц:

Ажил хүнд хэцүү үед бид хэрхэн үргэлжлүүлэн хичээж сурдаг вэ?

Унш:

Сургаал ба Гэрээ 42:42 ба ерөнхийлөгч Жэймс Э.Фаустын эшлэл.

Сургаал ба Гэрээ 42:42

“Чи залхуу байх ёсгүй; учир нь залхуу тэрээр хөдөлмөрлөгчийн талхыг ч идэх, мөн өмсгөлүүдийг ч өмсөх ёсгүй бөлгөө.”

Ерөнхийлөгч Жэймс Э.Фауст

“Цөхрөлтгүй байдал нь … бусад хүн ‘Үүнийг хийх боломжгүй’ гэж хэлсэн ч бууж өгдөггүй хүмүүст харагддаг.”

“Perseverance,” Ensign or Liahona, May 2005, 51

Ярилц:

Ахлагч Д.Тодд Кристоффэрсоны эшлэлийг унш. Яагаад Их Эзэн биднийг хүссэн зүйлийнхээ төлөө хөдөлмөрлөөсэй гэж хүсдэг вэ?

Ахлагч Д.Тодд Кристоффэрсон

“Бурхан энэхүү мөнх бус байдлыг байнгын хичээл зүтгэл шаардахаар зохион байгуулсан.… Ажлаар бид амьдралыг тэтгэж мөн дүүргэдэг. … Ажил нь хүний мөн чанарыг сайжруулж, гоо сайхныг бүтээж, Бурханд болон бие биедээ үйлчлэх үйлчлэлийн маань гол зэмсэг болдог. Өргөл болгосон амьдрал үргэлж юмыг сайжруулах, …өөд нь татах болон.…тэмүүлэх хүчээр дүүрэн байдаг.”

“Өргөл болгосон амьдралын тухай бодол эргэцүүлэл,” Ensign, Nov. 2010, 17 эсвэл 2010 оны 10-р сарын Ерөнхий чуулган, 18

Үйл ажиллагаа (5 минут)

1-р алхам: Хамтрагчаа сонгоод, доорх загварын алхам бүрийг хамт унш.

2-р алхам: Та хоёр одоо тулгарч байгаа хүнд хэцүү ажил эсвэл бэрхшээлээ хуваалц.

3-р алхам: Хүнд хэцүү ажил эсвэл бэрхшээл тулгарахад уг дөрвөн алхмыг хэрэгжүүлэхэд нэг нэгэндээ тусал.

1. Эерэг хандлагатай бай	2. Хамт ажиллана гэдгээ сана	3. Айдсаа итгэлээр орлуул	4. Тэвчээртэй, зоригтой урагш тэмүүл
Адислалуудаа жагсаан бич.	Найзууд, үе тэнгийнхэн, бүлгийн гишүүд зэргээс болон бусдаас тусламж хүс.	Бүү эргэлз. Их Эзэн бүх хүчийг эзэмшдэгийг сана. Түүнийг дуудаж, Түүний хүслийг хүлээн ав.	Хэзээ ч, хэзээ ч, хэзээ ч бүү бууж өг; итгэлтэйгээр тэвч. Их Эзэний танд зааж байж болох сургамжийг эрж хай.

4-р алхам: Бурхан арга замаар хангана гэж найдан, итгэлтэйгээр урагшилж болох хоёр эсвэл гурван арга замыг бич.

Тунгаан бод:

Ерөнхийлөгч Томас С.Монсоны хэлсэн эшлэлийг унш. Би бүтэлгүйтэх үедээ ямар хариу үйлдэл хийдэг вэ?

Ерөнхийлөгч Томас С.Монсон

“Бидний үүрэг хариуцлага бол энгийн дундаж байдлаас гарч чадвартай болж, бүтэлгүйтлээс гарч амжилт өөд өгсөх явдал юм. Бидний үүрэг даалгавар бол өөрсдийгөө байж болох хамгийн сайн түвшинд аваачих явдал юм. Бурханы хамгийн агуу бэлгүүдийн нэг нь дахин оролдож үзэх баяр баясгалан юм. Яагаад гэвэл бүтэлгүйтэл бол төгсгөл биш билээ.”

“The Will Within,” Ensign, May 1987, 68

Амлалт өг:

Долоо хоногийн турш дараах үйлдлүүдийг хийхээр амла.

• Хэцүү эсвэл дургүй ямар нэг зүйлийг сонгоод, хийж дуусга. Хийж дуусгах ажлаа доор бич.

• Өнөөдөр ажлын тухай болон цөхрөлтгүй зүтгэх талаар мэдэж авсан зүйлээ гэр бүлийнхэн, найз нөхөдтэйгөө хуваалц.

Сэдрикийн аялал

Хэрэв видео бичлэгийг үзэх боломжгүй бол бүлгийн нэг гишүүнийг сонгож, дараах бичвэрийг уншуулна уу.

Дуулгавартай байдал адислалуудыг авчирдаг

Сэдрик: Миний нэрийг Сэдрик Камбэсабве гэдэг. Би Бүгд Найрамдах Ардчилсан Конго Улсад амьдардаг. Би ХҮГ Сүмийн гишүүн бөгөөд

Кипусанга тосгонд салбарын номлогчоор үйлчилдэг. Би гадаадад номлолд үйлчлэхээр бэлтгэх хэрэгтэй байгаа. Номлолд явахын тулд надад 250 ам.долларын үнэтэй паспорт хэрэгтэй.

Мөнгө олохын тулд аав бид хоёр гадил худалдаж авдаг. Тишабобо, Лусуку, Каманда гэх мэт зарим тосгонд гадил их ургадаг.

Тишабобо эндээс ойролцоогоор 14,48 км бол Лусуку 28,96 км. Каманда бас 28,96 км зайтай. Бид тэнд очиж, гадил худалдаж аван, энд авчирч, борлуулдаг.

Бид эдгээр тосгон руу дугуйгаар явж, дөрвөөс зургаан багц гадил авч ирж чаддаг.

Хэрэв дугуй асуудалгүй, бас би хүч тэнхээтэй байвал дугуйгаар явахдаа нэг талдаа цаг гучин минут зарцуулдаг. Үд дунд нозоором халуун байдаг ба нартай халуун үед би удаан явдаг.

Хэрэв би өглөө их эрт сэрж чадвал өдөрт ойролцоогоор хоёр удаа явж чаддаг. Энэ нь паспорттай болоход маань туслах сайн арга юм.

Би одоо бага багаар мөнгө олж байгаа болохоор сургуульдаа болон номлолдоо зориулан мөнгө хуримтлуулж байгаа. 4 жил ажилласны эцэст одоо би паспорт авах хангалттай мөнгөнөөс гадна 70 доллартой болоод байна.