Миний суурь зарчим: Бие даах нь авралын зарчим

Дээд талын хугацаа: 20 минут

Тунгаан бод:

Иохан 10:10.

Иохан 10:10

“Би тэднийг амьтай, бялхсан амьтай байлгахын тулд ирсэн юм.”

Ярилц:

Бялхсан амь гэж юу вэ?

Үз:

“Тэр хурууг минь тосолсон” видео бичлэг srs.lds.org/videos дээр байгаа. (Видео бичлэг байхгүй бол энэ бүлгийн төгсгөл дэх бичвэрийг уншина уу.)

Ярилц:

Та өөрийнхөө асуудалд шийдэл байдаг гэдэгт итгэдэг үү? Бид хэрхэн биднийг дэмжих Их Эзэний хүчийг авах зохистой болж чадах вэ?

Унш:

Гарын авлага 2 дээрх хэсэг ба ахлагч Даллин Х.Өүксийн эшлэл.

Гарын авлага 2: Сүмийг удирдах нь

“Бие даах гэдэг нь өөрийнхөө төдийгүй гэр бүлийнхээ сүнслэг болон материаллаг хэрэгцээг хангах чадвар, төгс шийдвэр, хүч чармайлт юм. Гишүүд бие даах чадвартай байвал бусдад илүү сайн үйлчилж, анхаарал халамж тавих чадвартай болдог.”

(2010), 6.1.1

Ахлагч Даллин Х.Өүкс

“Өөрсдийнхөө төлөө гаргах шийдвэр, олж чадах эх үүсвэрүүдийг бусдаас авахад хүргэдэг аливаа учир шалтгаан нь биднийг сүнслэг байдлаар сулруулж мөн сайн мэдээний төлөвлөгөөний бидний төлөөх зорилгыг саатуулдаг.”

“Repentance and Change,” Ensign эсвэл Liahona, 2003 оны 11-р сар, 40

Бие даах чадвартай байна гэдэг нь бид бодсон санасан бүхнээ хийж эсвэл олж авна гэсэн үг биш. Харин энэ нь Есүс Христийн ач ивээл буюу боломж олгогч хүч, өөрсдийн хүчин чармайлтаар дамжуулан бид өөрсдөдөө болон гэр бүлдээ шаардлагатай амьдралын бүхий л сүнслэг болоод материаллаг хэрэгцээт зүйлсийг олж авч чадна гэдэгт итгэх явдал юм. Бие даах нь өөрсдийн амьдрал дахь уулсыг нүүлгэж, зовлон бэрхшээлийг даван туулах хүч чадлыг бидэнд өгөх Бурханы хүчинд итгэх итгэлийн маань нотолгоо юм.

Ярилц:

Амьдралын сүнслэг, материаллаг хэрэгцээгээ хангахад Христийн ач ивээл танд хэрхэн тусалсан бэ?

Үйл ажиллагаа (5 минут)

1-р алхам: Нэг хамтрагч сонгоод, доорх зарчим бүрийг унш.

Бие даах талаарх сургаалын зарчим
1. Бие даах нь зарлиг юм.	“Их Эзэн Сүмийг болон гишүүдийг бие даах чадвартай, хараат бус байхыг зарлиг болгосон” (Teachings of Presidents of the Church: Spencer W. Kimball [2006], 116).
2. Бурхан зөв шударга хүүхдүүддээ бие даах чадвартай болох арга замыг өгч чадах бөгөөд үүнийгээ хийх ч болно.	“Мөн өөрийн гэгээнтнүүдийг хангах нь миний зорилго болой, учир нь бүх зүйл минийх бөлгөө” (С ба Г 104:15).
3. Материаллаг болон сүнслэг зүйлүүд нь Бурханд нэг болой.	“Иймийн тул, бүх зүйл миний хувьд сүнслэг юм гэдгийг би та нарт үнэнээр хэлнэ” (С ба Г 29:34).

2-р алхам: Эдгээр үнэнд итгэх нь илүү их бие даах чадвартай болоход хэрхэн туслах тухай хамтрагчтайгаа ярилц.

Ярилц:

Ерөнхийлөгч Марион Ж.Ромнигийн хэлсэн үгээс авсан эшлэлийг унш. Та илүү бие даах чадвартай болж байгаагаа хэрхэн мэдэх вэ?

Eрөнхийлөгч Марион Ж.Ромни

“Бие даахгүй бол аливаа хүн үйлчлэх дотоод хүслээ биелүүлж чадахгүй. Бидэнд юу ч байхгүй бол бид хэрхэн өгч чадах билээ? Өлссөн хүнд хоосон шүүгээнээс хоол авч өгч чадахгүй. Тусламж хэрэгтэй хүмүүст өгөх мөнгө хоосон хэтэвчнээс гардаггүй. Сэтгэл санааны хувьд өлсөж цангасан хүн дэмжлэг үзүүлж, ойлголцож чадахгүй. Мэдлэг боловсролгүй хүн зааж чадахгүй. Хамгийн чухал нь сүнслэг байдлаараа сул дорой хүнээс сүнслэг удирдамж ирэхгүй.”

“The Celestial Nature of Self-Reliance,” Ensign, Nov. 1982, 93

Амлалт өг:

Долоо хоногийн турш дараах үйлдлүүдийг хийхээр амла.

• Энэ гарын авлагын эхэнд байх Тэргүүн Зөвлөлийн захидлыг уншаад, амлагдсан адислалуудыг тодорхойл. Та тэдгээрийг олж авахын тулд юу хийх ёстой вэ? Өөрт төрсөн бодлыг доор бич.

• Бие даах талаар өнөөдрийн сурч мэдсэн зүйлээ гэр бүлийнхэн, найз нөхөдтэйгөө хуваалц.

Тэр хурууг минь тосолсон

Хэрэв видео бичлэгийг үзэх боломжгүй бол бүлгийн нэг гишүүнийг сонгож, дараах бичвэрийг уншуулна уу.

Тэр хурууг минь тосолсон

Ахлагч Энрикэ Р.Фалабэлла:

Намайг бага байхад бид элбэг хангалуун байгаагүй. Нэгэн өдөр би аав руугаа дөхөж очоод, “Аав аа, надад шинэ гутал хэрэгтэй байна. Энэ гутал маань аль хэдийн элэгдэж муудсан” гэж хэлснээ санаж байна. Тэр зогсоод, гутлыг минь үнэхээр хуучирсан байгааг харсан. Тэр “Бид үүнийг засаж чадна гэж би бодож байна” гэж хэлсэн юм. Тэр бага зэрэг хар тос аваад, гутлыг минь гялалзтал тослов. Тэр надад “Гутлыг чинь ингээд засчихлаа, хүү минь” гэж хэлэв. Би “Үгүй ээ, арай болсонгүй. Миний хуруу гутлын завсраар харагдаад л байна шүү дээ” гэж хариулав. Тэр “Бид наадахыг чинь ч шийдэж чадах юм байна!” гэж хэлээд, бага зэрэг тос аван, хурууг минь тосолж билээ!

Тэр өдөр би бүх асуудалд шийдэл байдаг гэдгийг ойлгож мэдсэн юм. Бие даахын энэ зарчим, санаачилга бол Их Эзэний ажлыг яаравчлуулах арга зам гэдэгт би бүрэн итгэдэг. Энэ бол авралын ажлын нэг хэсэг билээ.

Бид бүгд одоо байгаагаасаа илүү сайн болж чадна. Та нар идэвхгүй байдлаас салах ёстой. Олон тохиолдолд бид байгаа байдалдаа сэтгэл ханадаг ба энэ нь бидний өсөлт хөгжлийг зогсоодог. Би өмнө нь тааруухан хийсэн зүйл дээрээ ажиллан сайжруулахын тулд ямар нэг өөр зүйл хийхээр шийдэх аваас өдөр бүр ахиц дэвшил гаргаж чадна. Хэрэв үүнийг итгэлээр буюу Христэд итгэх итгэл, найдвараа хөгжүүлэн хийвэл Тэр танд туслахад бэлэн байх бөгөөд та материаллаг болон сүнслэг зүйлүүдэд хөгжиж дэвших арга замаа олох болно. Бурхан амьд бөгөөд та Түүний хүү, охин учраас энэ нь биелнэ.