៤ ៖ តាំងចិត្ត

« ការស្វែងរកអតិថិជន ៖ តាំងចិត្ត » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )

« ការស្វែងរកអតិថិជន ៖ តាំងចិត្ត »

តាំងចិត្ត

ម៉ោងជាអតិបរមា ៖ ៥ នាទី

ការប្រកួតធ្វើការលក់

សកម្មភាព ( អំឡុងសប្តាហ៍ )

នៅត្រង់ចំណុចនេះ អ្នកគួរតែចាប់ផ្តើមលក់សេវាកម្ម ឬផលិតផលអាជីវកម្មរបស់អ្នកដែលកំពុងធ្វើ ប្រសិនបើអ្នកពុំទាន់បានធ្វើបែបនោះទេ ។ អំឡុងសប្តាហ៍បន្ទាប់ សូមធ្វើការលក់យ៉ាងហោចណាស់មួយដល់អតិថិជនម្នាក់ ។ សូមមានការច្នៃប្រឌិត នៅពេលអ្នកលក់សេវាកម្ម ឬផលិតផលរបស់អ្នក ។

អ្នកអាចមានអារម្មណ៍ថា សេវាកម្ម ឬផលិតផលរបស់អ្នកពុំទាន់រួចរាល់ដើម្បីលក់នៅឡើយ ។ ទោះជាយ៉ាងណាក៏ដោយ ការលក់នឹងផ្តល់ការជំរុញដើម្បីឲ្យអាជីវកម្មរបស់អ្នកដំណើរទៅមុខ ដោយសារអ្នកនឹងត្រូវបំពេញនូវអ្វីដែលអ្នកបានលក់ ។ ការលក់ក៏នឹងផ្តល់មតិកែលម្អដល់សេវាកម្ម ឬផលិតផលរបស់អ្នកផងដែរ ។ ប្រសិនបើអ្នកមានការពិបាកក្នុងការលក់ នោះមតិកែលម្អនេះអាចជួយអ្នកកែសម្រួលយោបល់អាជីវកម្មរបស់អ្នក ដើម្បីឲ្យវាបំពេញតម្រូវការរបស់អតិថិជនបានកាន់តែប្រសើរឡើង ។ ប្រសិនបើឱកាសអាជីវកម្មរបស់អ្នកមាននូវបទបញ្ជាខ្ពស់ សូមប្រាកដថា អ្នកមានអាជ្ញាប័ណ្ណ ឬការអនុញ្ញាតចាំបាច់ ដើម្បីលក់សេវាកម្ម ឬផលិតផលរបស់អ្នក ។

សូមកំណត់ថា តើអ្នកនឹងត្រូវការអតិថិជនប៉ុន្មាននាក់ដើម្បីនិយាយជាមួយដើម្បីធ្វើការលក់—បន្ទាប់មក ចេញទៅធ្វើវា ។ ដូចដែលយើងបានរៀនពីអែលឌើរ ដេវីឌ អេ បែដណា នៅក្នុងជំពូកទី ២ « ការធ្វើសកម្មភាពគឺការអនុវត្តសេចក្តីជំនឿ » ។ ដូចជាកូនចៅនៃអ៊ីស្រាអែលដែរ យើងអាចបង្ហាញសេចក្តីជំនឿរបស់យើងតាមរយៈការធ្វើសកម្មភាព ហើយ « ដើរ [ ចុះ ] ទៅក្នុងទឹកទន្លេ » ។

នៅសប្តាហ៍បន្ទាប់ អ្នកនឹងត្រូវបានសូមឲ្យរាយការណ៍ (១) បទពិសោធន៍របស់អ្នកអំពីការលក់ យ៉ាងហោចណាស់លក់ឲ្យអតិថិជនម្នាក់ និង (២) ចំនួនថ្ងៃដែលអ្នកបានលក់ ។

ការស្វែងរកអតិថិជន

អាន

រូបភាព

រូបសញ្ញាសៀវភៅផែនការអាជីវកម្មផ្ទាល់ខ្លួន

នៅពេលអ្នកចាប់ផ្តើមលក់ អ្នកនឹងរៀនអំពីមធ្យោបាយដ៏ល្អបំផុតដើម្បីស្វែងរកអតិថិជន ។ សូមមានចិត្តដកពិសោធន៍ជាមួយយោបល់ថ្មីៗ រហូតដល់អ្នកស្វែងរកវិធីសាស្ត្រមួយ ឬកាន់តែច្រើនដែលជួយអ្នកយ៉ាងមានប្រសិទ្ធភាពឲ្យស្វែងរកអតិថិជនរបស់អ្នក ។

បំពេញផ្នែក « ស្វែងរក » នៅខាងក្រោម « តើខ្ញុំនឹងស្វែងរក ហើយរក្សាអតិថិជនរបស់ខ្ញុំយ៉ាងដូចម្ដេច ? » នៅក្នុងសៀវភៅផែនការអាជីវកម្មផ្ទាល់ខ្លួន ។

រូបភាព

ឧទាហរណ៍ ៖ តើខ្ញុំនឹងស្វែងរកអតិថិជនរបស់ខ្ញុំយ៉ាងដូចម្តេច ?

សូមអានការតាំងចិត្តនីមួយៗខាងក្រោមនេះជាមួយដៃគូសកម្មភាពរបស់អ្នក ។ សមត្ថភាពរបស់អ្នកដើម្បីទទួលជោគជ័យក្នុងការចាប់ផ្តើម ឬពង្រីកអាជីវកម្មរបស់អ្នកនឹងបានប្រសើរឡើងយ៉ាងលឿន នៅពេលអ្នកព្យាយាមរក្សាការតាំងចិត្តរបស់អ្នករៀងរាល់សប្តាហ៍ ។ សន្យាដើម្បីរក្សាការតាំងចិត្តរបស់អ្នក រួចហើយចុះហត្ថលេខានៅខាងក្រោមនេះ ។

ការតាំងចិត្តរបស់ខ្ញុំ
ក. ខ្ញុំនឹងរក្សាការតាំងចិត្ត « មូលដ្ឋានគ្រឹះរបស់ខ្ញុំ » នាសប្តាហ៍នេះ ៖ សូមគោរពតាមក្រឹត្យវិន័យ ឬគោលការណ៍ដែលខ្ញុំបានជ្រើសរើសនៅក្នុងសកម្មភាព « មូលដ្ឋានគ្រឹះរបស់ខ្ញុំ » ។ ចែកចាយអ្វីដែលខ្ញុំបានរៀននៅថ្ងៃនេះអំពីការគោរពប្រតិបត្តិជាមួយគ្រួសារ ឬមិត្តភក្ដិរបស់ខ្ញុំ ។
ខ. ខ្ញុំនឹងចូលរួមនៅក្នុងការប្រកួតធ្វើការលក់ និងរាយការណ៍អំពីបទពិសោធន៍របស់ខ្ញុំនាសប្តាហ៍បន្ទាប់ ។
គ. ខ្ញុំនឹងបំពេញផ្នែក « ស្វែងរក » នៅខាងក្រោម « តើខ្ញុំនឹងស្វែងរក ហើយរក្សាអតិថិជនរបស់ខ្ញុំយ៉ាងដូចម្ដេច ? » នៅក្នុងសៀវភៅផែនការអាជីវកម្មផ្ទាល់ខ្លួនរបស់ខ្ញុំ ។
ឃ. ខ្ញុំនឹងពិនិត្យមើលទំព័រ « ពិចារណា » ហើយរក្សាការតាំងចិត្ត ។
ង. ខ្ញុំនឹងទាក់ទង ហើយជួយជ្រោមជ្រែងដៃគូសកម្មភាពរបស់ខ្ញុំ ។

សូមចងចាំថា សប្តាហ៍បន្ទាប់អ្នកនឹងត្រូវបានសូមឲ្យរាយការណ៍នូវចំនួនថ្ងៃដែលអ្នកបាននិយាយជាមួយអតិថិជន, បានកត់ត្រានៅក្នុងសៀវភៅកំណត់ហេតុអាជីវកម្មរបស់អ្នក និងបានលក់ ( សូមមើលតារាង « ការវាយតម្លៃកិច្ចខិតខំរបស់ខ្ញុំ » នៅផ្នែកចាប់ផ្តើមនៃសៀវភៅនេះ ) ។

ហត្ថលេខារបស់ខ្ញុំ

ហត្ថលេខារបស់ដៃគូសកម្មភាព

អធិស្ឋានបិទ ។

សម្រាប់ព័ត៌មានបន្ថែមស្តីពីមធ្យោបាយនានាដើម្បីស្វែងរកអតិថិជន សូមមើលគេហទំព័រ srs.lds.org/sgmbmarketing ។