« ការដោះស្រាយតម្រូវការរបស់អតិថិជនដែលពុំបានបំពេញ » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )
« ការដោះស្រាយតម្រូវការរបស់អតិថិជនដែលពុំបានបំពេញ »
ពិចារណា
ម៉ោងជាអតិបរមា ៖ ៥ នាទី
សូមគិតរៀងៗខ្លួនអំពីអ្វីដែលអ្នកបានរៀននាថ្ងៃនេះ ហើយពិចារណាអំពីអ្វីដែលព្រះអម្ចាស់នឹងឲ្យអ្នកធ្វើ ។ សូមអានខគម្ពីរខាងក្រោមនេះ ហើយសរសេរចម្លើយចំពោះសំណួរទាំងឡាយ ។
« ចូរទីពឹងដល់ព្រះយេហូវ៉ាឲ្យអស់អំពីចិត្ត កុំឲ្យពឹងផ្អែកលើយោបល់របស់ខ្លួនឡើយ ។ ត្រូវឲ្យទទួលស្គាល់ទ្រង់នៅគ្រប់ទាំងផ្លូវឯងចុះ នោះទ្រង់នឹងតម្រង់អស់ទាំងផ្លូវច្រករបស់ឯង » ( សុភាសិត ៣:៥–៦ ) ។
តម្រូវការរបស់អតិថិជនដែលពុំបានបំពេញ
ដោយផ្អែកលើអ្វីដែលអ្នកបានរៀនថ្ងៃនេះ តើមានតម្រូវការរបស់អតិថិជនដែលពុំបានបំពេញ ឬបញ្ហាអ្វីខ្លះដែលអ្នកទទួលការបំផុសគំនិតឲ្យបំពេញ សម្រាប់ឱកាសអាជីវកម្មរបស់អ្នក ?
សូមកត់ត្រាតម្រូវការ ឬបញ្ហាដែលអ្នកនឹងដោះស្រាយនៅក្រោម « តម្រូវការរបស់អតិថិជន ឬបញ្ហាដែលខ្ញុំនឹងដោះស្រាយ » នៅក្នុងសៀវភៅផែនការអាជីវកម្មផ្ទាល់ខ្លួនរបស់អ្នក ។ អ្នកអាចធ្វើបច្ចុប្បន្នភាពវគ្គនេះ នៅពេលអ្នកមានការសន្ទនា និងរៀនបន្ថែមទៀត ។
អត្ថប្រយោជន៍នៃការប្រកួតប្រជែង
តើមានអត្ថប្រយោជន៍នៃការប្រកួតប្រជែងអ្វីខ្លះដែលអ្នកបានកត់សម្គាល់នៅក្នុងឱកាសអាជីវកម្ម ?
សូមកត់ត្រាអត្ថប្រយោជន៍នៃការប្រកួតប្រជែងនៅខាងក្រោម « ភស្តុតាងដែលបង្ហាញថា សេវាកម្ម ឬផលិតផលរបស់ខ្ញុំខុសប្លែកពីគេ ឬប្រសើរជាងគេ » នៅក្នុងសៀវភៅផែនការអាជីវកម្មផ្ទាល់ខ្លួនរបស់អ្នក ។