« ការគ្រប់គ្រងលំហូរសាច់ប្រាក់អាជីវកម្មរបស់ខ្ញុំ ៖ រៀន » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )
« ការគ្រប់គ្រងលំហូរសាច់ប្រាក់អាជីវកម្មរបស់ខ្ញុំ ៖ រៀន »
១. ភាពខុសគ្នារវាងប្រាក់ចំណេញ និងលំហូរសាច់ប្រាក់
២. ការយល់អំពីលំហូរសាច់ប្រាក់
តើឧទាហរណ៍ទាំងនេះបង្រៀនអ្នកអ្វីខ្លះអំពីឧបសគ្គនានានៃការគ្រប់គ្រងលំហូរសាច់ប្រាក់ ?
វាជារឿងធម្មតាសម្រាប់ម្ចាស់អាជីវកម្មដែលមានឧបសគ្គលំហូរសាច់ប្រាក់ ។ ឧបសគ្គទាំងនេះរួមមាន ៖
-
មានភាពថ្មីថ្មោងក្នុងអាជីវកម្ម ដែលវាធ្វើឲ្យលំបាកដើម្បីទទួល និងបង់តាមឥណទាន ។
-
ឱកាសរីកចម្រើន ដែលអាចកាត់បន្ថយចំនួនសាច់ប្រាក់ដែលមាន ។
-
ការមានបញ្ជីសារពើភ័ណ្ឌ ច្រើនដែលចងសាច់ប្រាក់ទុក ។
-
អតិថិជនបង់តាមឥណទាន ដែលពន្យារចំនួនសាច់ប្រាក់ចូល ។
-
ការលក់ទៅឲ្យអាជីវកម្មផ្សេងទៀតដែលបង់តាមឥណទាន ដែលពន្យារចំនួនសាច់ប្រាក់ចូល ។
-
ការលក់មិនទៀងទាត់ដោយសារតែរដូវកាល ឬកត្តាផ្សេងៗទៀត ដែលអាចបង្កើតកម្រិតខ្ពស់ និងទាបនៅក្នុងសាច់ប្រាក់ដែលអ្នកមាន ។
-
ចំណាយពុំបានរំពឹងទុក ។
-
អតិថិជនពុំបង់ថ្លៃអ្វីដែលពួកគេជំពាក់ ( បំណុលអាក្រក់ ) ។
តើឧបសគ្គដែលអាចមានអ្វីខ្លះដែលអ្នកលៃលកទុកជាមុនជាមួយនឹងលំហូរសាច់ប្រាក់នៃអាជីវកម្មរបស់អ្នក ?
៣. យុទ្ធសាស្ត្រក្នុងការកែលម្អលំហូរសាច់ប្រាក់
មានអ្វីៗជាច្រើនដែលអ្នកអាចធ្វើដើម្បីបង្កើតឲ្យមានវដ្តលំហូរសាច់ប្រាក់វិជ្ជមានមួយសម្រាប់អាជីវកម្មរបស់អ្នក និងដើម្បីរៀបចំសម្រាប់ភាពភ្ញាក់ផ្អើល និងការលំបាកដែលអាចកើតមាន ។ ឧទាហរណ៍ អ្នកអាចស្រាវជ្រាវលក្ខខណ្ឌចំណាយជាបទដ្ឋានសម្រាប់ឧស្សាហកម្មរបស់អ្នក ។ នៅក្នុងឧស្សាហកម្មមួយចំនួន អ្នកលក់អាចរង់ចាំ ៩០ ថ្ងៃ ឬយូរជាងនោះ ពីមុនពួកគេត្រូវបង់ថ្លៃ ។ ជារឿយៗ ឧស្សាហកម្មផ្សេងទៀតតម្រូវឲ្យបង់ថ្លៃក្នុងរយៈពេល ៣០ ថ្ងៃ ។ នៅពេលអ្នកយល់អំពីលក្ខខណ្ឌចំណាយជាបទដ្ឋានសម្រាប់ឧស្សាហកម្មរបស់អ្នក នោះអ្នកអាចធ្វើការចរចារនូវលក្ខខណ្ឌដែលពេញចិត្តបន្ថែមទៀតសម្រាប់អាជីវកម្មរបស់អ្នកផ្ទាល់ ។
ជាទូទៅម្ចាស់អាជីវកម្មចង់ទទួល ឬប្រមូលសាច់ប្រាក់ឲ្យកាន់តែឆាប់កាន់តែល្អ ហើយទុកការបង់សាច់ប្រាក់រហូតទាល់តែពួកគេតម្រូវឲ្យធ្វើដូច្នោះ ។ ជាដំបូង គោលការណ៍នេះហាក់ដូចជាផ្ទុយនឹងការបង្រៀនរបស់ព្រះអង្គសង្គ្រោះដែលបង្រៀនថា « ដូច្នេះ អស់ទាំងការអ្វីដែលអ្នករាល់គ្នាចង់ឲ្យមនុស្សលោកប្រព្រឹត្តនឹងខ្លួន នោះត្រូវឲ្យអ្នកប្រព្រឹត្តនឹងគេដូច្នោះដែរ » ( ម៉ាថាយ ៧:១២ ) ។ ក្នុងនាមជាម្ចាស់អាជីវកម្ម តើអ្នកស្រុះស្រួលនឹងគោលការណ៍ទាំងនេះដោយរបៀបណា ?
នៅពេលអ្នកធ្វើការដើម្បីបង្កើតវដ្តលំហូរសាច់ប្រាក់វិជ្ជមានសម្រាប់អាជីវកម្មរបស់អ្នក វាសំខាន់ដើម្បីធ្វើវាដោយភាពថ្លៃថ្នូរ ។ សូមខិតខំស្វែងយល់អំពីលក្ខខណ្ឌចំណាយជាបទដ្ឋានសម្រាប់ឧស្សាហកម្មរបស់អ្នក ។ សូមមានភាពវៃឆ្លាតក្នុងការបង្កើតយុទ្ធសាស្ត្របង់ប្រាក់របស់អ្នក ។ សូមបង្កើតលក្ខខណ្ឌចំណាយដែលពេញចិត្តសម្រាប់អាជីវកម្មរបស់អ្នក ។ នៅពេលអ្នកបានកំណត់យុទ្ធសាស្ត្របង់ប្រាក់របស់អ្នករួច សូមបញ្ជាក់ពីការរំពឹងទុករបស់អ្នកឲ្យបានច្បាស់ ហើយរក្សាការតាំងចិត្តទាំងអស់របស់អ្នក ។
៤. ការគ្រប់គ្រងលំហូរសាច់ប្រាក់យ៉ាងសកម្ម
វាមិនគ្រប់គ្រាន់ទេដោយគ្រាន់តែពិនិត្យមើលគណនីធនគារអាជីវកម្មរបស់អ្នកមួយខែម្តង ហើយសង្ឃឹមថា ចំនួននោះវាដំណើរការដោយខ្លួនវានោះ ។ អ្នកត្រូវតែគ្រប់គ្រងលំហូរសាច់ប្រាក់អាជីវកម្មរបស់អ្នកយ៉ាងសកម្ម ។
ក្នុងនាមជាម្ចាស់អាជីវកម្មជោគជ័យម្នាក់ អ្នកគួរតែដឹងថា តើសាច់ប្រាក់អាជីវកម្មរបស់អ្នកមានប៉ុន្មាននៅគ្រប់ពេលវេលាទាំងអស់ ។ សូមកុំពឹងផ្អែកទៅលើរបាយការណ៍ធនាគារដើម្បីគ្រប់គ្រងលំហូរសាច់ប្រាក់របស់អ្នកឡើយ ។ ជារឿយៗ សមតុល្យគណនីរបស់អ្នកមិនរួមបញ្ចូលនូវចំណាយដែលកំពុងដំណើរការទេ ដូចជាបង់ប្រាក់ឲ្យទៅអ្នកផ្គត់ផ្គង់ ឬទទួលប្រាក់ចូលមកពីអតិថិជន ។
អ្នកត្រូវតែបង្កើត និងបន្តធ្វើបច្ចុប្បន្នភាពលើការប៉ាន់ប្រមាណទុកនៃលំហូរសាច់ប្រាក់របស់អ្នក ។ ដូចបានពន្យល់ពីដើមមក លំហូរសាច់ប្រាក់គឺជាពេលវេលា និងចំនួនសាច់ប្រាក់ចូល និងចេញនៅក្នុងអាជីវកម្មរបស់អ្នកអំឡុងពេលជាក់លាក់ណាមួយ ។ ការប៉ាន់ប្រមាណទុករបស់អ្នកគួរតែបង្ហាញការរពឹងទុកលំហូរសាច់ប្រាក់របស់អ្នកសម្រាប់ពីរ ឬបីខែបន្ទាប់ ។ ការប៉ាន់ប្រមាណទុករបស់អ្នកពុំត្រឹមត្រូវ ១០០ ភាគរយនោះទេ ប៉ុន្តែវាគឺជាការចាំបាច់ដែលអ្នកត្រូវបង្កើតការវាយតម្លៃដែលពុំលើសលុប ប៉ុន្ដែជាប់លាប់មួយសម្រាប់ចំណូលប្រចាំខែរបស់អ្នក ទាំងចំណាយអថេរ និងចំណាយថេររបស់អ្នក ។
លំហូរសាច់ប្រាក់វិជ្ជមានពុំមែនកើតឡើងដល់អាជីវកម្មដោយឯកឯងឡើយ ។ វាសម្រេចបានតាមរយៈការខិតខំ និងដាក់ផែនការដោយយកចិត្តទុកដាក់ ។ ប្រសិនបើអ្នកដឹងអំពីតួនាទីនៃសាច់ប្រាក់បច្ចុប្បន្នរបស់អ្នក និងការប៉ាន់ប្រមាណទុកនៃលំហូរសាច់ប្រាក់របស់អ្នក នោះអ្នកអាចធ្វើការសម្រេចចិត្តដែលនឹងជួយអាជីវកម្មរបស់អ្នកឲ្យជោគជ័យ និងរីកចម្រើន ។ ម្ចាស់អាជីវកម្មជោគជ័យរក្សាទុកសាច់ប្រាក់ដែលបានត្រឡប់មកវិញ សម្រាប់ចំណាយពុំអាចរំពឹងទុក ហើយជារឿយៗទទួលបានធនធាននៃឥណទាន ដោយផ្អែកទៅលើតម្រូវការការប៉ាន់ប្រមាណទុកនៃលំហូរសាច់ប្រាក់របស់ពួកគេ ។