១១ ៖ តាំងចិត្ត

« ការបន្តកែលម្អអាជីវកម្មរបស់ខ្ញុំ ៖ តាំងចិត្ត » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )

« ការបន្តកែលម្អអាជីវកម្មរបស់ខ្ញុំ ៖ តាំងចិត្ត »

តាំងចិត្ត

ម៉ោងជាអតិបរមា ៖ ៥ នាទី

បទបង្ហាញអាជីវកម្មរបស់ខ្ញុំ

អាន ៖

សប្តាហ៍បន្ទាប់អ្នកនឹងត្រូវបានសូមឲ្យធ្វើបទបង្ហាញរយៈពេល ៥ នាទីអំពីអាជីវកម្មរបស់អ្នក ។ សៀវភៅផែនការអាជីវកម្មផ្ទាល់ខ្លួនរបស់អ្នកគួរតែជាធនធានដ៏ល្អមួយសម្រាប់ជួយអ្នកឲ្យរៀបចំបទបង្ហាញនេះ ។

សូមគិតថា អ្នកកំពុងធ្វើបទបង្ហាញនេះដល់អ្នកដែលអាចក្លាយជាអ្នកវិនិយោគទុនមួយក្រុម ។ អ្នកអាចសម្រេចចិត្តអំពីរបៀបរៀបចំ និងធ្វើបទបង្ហាញរបស់អ្នក ប៉ុន្តែវាត្រូវតែបញ្ចូលនូវកត្តាដូចតទៅនេះ ៖

តម្រូវការរបស់អតិថិជនដែលពុំបានបំពេញដែលអ្នកនឹងដោះស្រាយ
សេវាកម្ម ឬផលិតផលដែលអ្នកនឹងផ្តល់ជូន
អត្ថប្រយោជន៍នៃការប្រកួតប្រជែងរបស់អ្នក
អតិថិជនដែលជាគោលដៅរបស់អ្នក
ផែនការរបស់អ្នកដើម្បីទទួលបានអតិថិជន
ធនធានដែលអ្នកនឹងត្រូវការ
ភស្តុតាងដែលបង្ហាញថា អាជីវកម្មរបស់អ្នកអាចបានចំណេញ
ជំហានបន្ទាប់សម្រាប់អាជីវកម្មរបស់អ្នក

រៀបចំបទបង្ហាញមួយដែលមានវិជ្ជាជីវៈ មានគុណភាពខ្ពស់ ហើយហ្វឹកហ្វាត់វា ដើម្បីប្រាកដថា វាបង្ហាញតែក្នុងរយៈពេលប្រាំនាទី ។ ស្លៀកពាក់ជាសម្លៀកបំពាក់អាជីវកម្ម ដើម្បីធ្វើបទបង្ហាញរបស់អ្នក ។

សប្តាហ៍បន្ទាប់គឺជាកាលវិភាគប្រជុំចុងក្រោយរបស់ក្រុមយើង ។ បន្ទាប់ពីបទបង្ហាញអាជីវកម្មរបស់យើងរួច យើងនឹងចំណាយពេលសញ្ជឹងគិត និងអបអរសាទរ ។ សូមដាក់ផែនការសម្រាប់ការប្រជុំនេះរយៈពេល ២ ម៉ោងកន្លះ ។ សមាជិកក្រុមអាចយកអាហារសម្រន់ដើម្បីចែកគ្នាបន្ទាប់ពីបទបង្ហាញនោះ ។

កំណត់ចំណាំចំពោះអ្នកសម្របសម្រួល ៖ អ្នកត្រូវបានលើកទឹកចិត្តឲ្យអញ្ជើញ អ្នកមានអាជីវកម្មដែលមានវិជ្ជាជីវៈពីរ ឬបីនាក់ មកពីស្តេក ឬសហគមន៍ដើម្បីចូលរួមក្រុមនៅសប្តាហ៍បន្ទាប់ ហើយផ្តល់មតិកែលម្អស្តីពីបទបង្ហាញអាជីវកម្មនោះ ។ អ្នក និងអ្នកមានវិជ្ជាជីវៈទាំងនេះនឹងបំពេញបែបបទ ហើយឲ្យទៅអ្នកធ្វើបទបង្ហាញភ្លាមបន្ទាប់ពីបទបង្ហាញនោះ ។ គោលបំណងនៃបែបបទទាំងនេះ គឺពុំមែនដើម្បីឃើញពីជំនាញធ្វើបទបង្ហាញនោះទេ គឺដើម្បីជួយផ្តល់យោបល់ស្តីពីការអភិវឌ្ឍ ឬកែលម្អធាតុផ្សេងៗនៃអាជីវកម្មរបស់បុគ្គលម្នាក់ ។ ពីមុនការប្រជុំនៅសប្តាហ៍បន្ទាប់ សូមថតចម្លងបែបបទមតិកែលម្អនៃបទបង្ហាញដូចខាងក្រោមនេះ ៖ អ្នកនឹងត្រូវឲ្យច្បាប់ចម្លងបី ឬបួននៃបែបបទនេះសម្រាប់សមាជិកក្រុមម្នាក់ៗ ។

បែបបទមតិកែលម្អនៃបទបង្ហាញ
ឈ្មោះអ្នកធ្វើបទបង្ហាញ ៖	ឈ្មោះអ្នកពិនិត្យមើល ៖
សេចក្តីណែនាំ ៖ សូមបំពេញនៅក្នុងប្រអប់ទាំងបួនខាងក្រោមនេះ អំឡុងពេលដែលបុគ្គលនេះធ្វើបទបង្ហាញរបស់គាត់ ។ សូមឲ្យបែបបទនេះទៅកាន់បុគ្គលនោះភ្លាមបន្ទាប់ពីបទបង្ហាញចប់ ។
យោបល់ស្តីពីឥរិយាបថអាជីវកម្មដែលទំនងជាមានជោគជ័យខ្លាំងបំផុត	កង្វល់ដែលអាចកើតមានអំពីយោបល់ស្តីពីអាជីវកម្ម
យោបល់សម្រាប់ការកែលម្អ	ទំនាក់ទំនងដែលបានផ្តល់អនុសាសន៍ឲ្យ

សូមអានការតាំងចិត្តនីមួយៗខាងក្រោមនេះជាមួយដៃគូសកម្មភាពរបស់អ្នក ។ សមត្ថភាពរបស់អ្នកដើម្បីទទួលជោគជ័យក្នុងការចាប់ផ្តើម ឬពង្រីកអាជីវកម្មរបស់អ្នកនឹងបានប្រសើរឡើងយ៉ាងលឿន នៅពេលអ្នកព្យាយាមរក្សាការតាំងចិត្តរបស់អ្នករៀងរាល់សប្តាហ៍ ។ សន្យាដើម្បីរក្សាការតាំងចិត្តរបស់អ្នក រួចហើយចុះហត្ថលេខានៅខាងក្រោមនេះ ។

ការតាំងចិត្តរបស់ខ្ញុំ
ក. ខ្ញុំនឹងរក្សាការតាំងចិត្ត « មូលដ្ឋានគ្រឹះរបស់ខ្ញុំ » នាសប្តាហ៍នេះ ៖ អធិស្ឋានផ្ទាល់ខ្លួន និងជាក្រុមគ្រួសាររាល់ព្រឹក និងរាល់យប់ ។ ចែកចាយអ្វីដែលខ្ញុំបានរៀនអំពីទំនាក់ទំនងជាមួយគ្រួសារ ឬមិត្តភក្តិ ។
ខ. ខ្ញុំនឹងស្រាវជ្រាវអំពីតម្រូវការផ្នែកច្បាប់ និងបទបញ្ជាសម្រាប់អាជីវកម្មរបស់ខ្ញុំ ។
គ. ខ្ញុំនឹងរៀបចំ និងអនុវត្តការបង្ហាញបទបង្ហាញអាជីវកម្មរបស់ខ្ញុំ ។
ឃ. ខ្ញុំនឹងពិនិត្យមើលទំព័រ « ពិចារណា » ហើយរក្សាការតាំងចិត្ត ។
ង. ខ្ញុំនឹងទាក់ទង ហើយជួយជ្រោមជ្រែងដៃគូសកម្មភាពរបស់ខ្ញុំ ។

សូមចងចាំថា សប្តាហ៍បន្ទាប់អ្នកនឹងត្រូវបានសូមឲ្យរាយការណ៍នូវចំនួនថ្ងៃដែលអ្នកបាននិយាយជាមួយអតិថិជន, បានកត់ត្រានៅក្នុងសៀវភៅកំណត់ហេតុអាជីវកម្មរបស់អ្នក, បានលក់ និងបានកត់ត្រាសេចក្តីលម្អិតនៃហិរញ្ញវត្ថុ ( សូមមើលតារាង « ការវាយតម្លៃកិច្ចខិតខំរបស់ខ្ញុំ » នៅផ្នែកចាប់ផ្តើមនៃសៀវភៅនេះ ) ។

ហត្ថលេខារបស់ខ្ញុំ

ហត្ថលេខារបស់ដៃគូសកម្មភាព

អធិស្ឋានបិទ ។