៤ ៖ រៀន

« ការស្វែងរកអតិថិជន » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )

« ការស្វែងរកអតិថិជន »

រៀន

ម៉ោងជាអតិបរមា ៖ ៦៥ នាទី

១. សារៈសំខាន់នៃអតិថិជន

អាន ៖

អ្នកត្រូវផ្តោតយកចិត្តទុកដាក់លើអតិថិជនក្នុងអាជីវកម្មរបស់អ្នក ។ បទពិសោធន៍របស់ពួកគេជាមួយអាជីវកម្មរបស់អ្នកនឹងកំណត់អំពីរបៀបដែលវាដំណើរការល្អខ្លាំងប៉ុណ្ណា ។ សូមផ្តោតលើគ្រប់ទិដ្ឋភាពទាំងអស់នៃអាជីវកម្មរបស់អ្នកទៅលើការបំពេញតម្រូវការរបស់ពួកគេ ។ អ្នកចង់ឲ្យពួកគេមានមានក្តីរំភើបអំពីបទពិសោធន៍ដែលពួកគេមានជាមួយអាជីវកម្មរបស់អ្នក ។

សកម្មភាព ( ១០ នាទី )

ជំហានទី ១ ៖ សូមគូសរង្វង់មួយរៀងៗខ្លួនលើ « ធ្វើ » និង « មិនធ្វើ » ដែលអ្នកទទួលអារម្មណ៍ថាសំខាន់បំផុតក្នុងការផ្តោតទៅលើអតិថិជនរបស់អ្នក ។

ការផ្តោតលើអតិថិជន

ធ្វើ

មិនធ្វើ

បង្កើតទំនាក់ទំនងយូរអង្វែង ។
ជួយអតិថិជនឲ្យយល់ពី « មូលហេតុ » ដែលបង្កប់នៅក្នុងអាជីវកម្មរបស់អ្នក ។
ផ្ដល់ឱកាសឲ្យអតិថិជនមានទំនាក់ទំនង ។
ស្តាប់អតិថិជន ។
ផ្តល់ជូននូវសេវាកម្មដ៏ល្អ និងផ្តល់បទពិសោធន៏ដែលគួរឲ្យចងចាំ ។
ជួយអតិថិជនឲ្យក្លាយជាអ្នកគាំទ្រអាជីវកម្មរបស់អ្នក ។
បង្កើតសហគមន៍នៃអតិថិជនស្មោះត្រង់ដ៏រឹងមាំ ។
ធ្វើឲ្យប្រាកដថា ទំនាក់ទំនងផ្តល់ប្រយោជន៍ដល់អតិថិជន ។

សូមអ្នកគិតតែពីការលក់បានភ្លាមៗ ។
ធ្វើការប៉ាន់ស្មានអំពីចំណង់ចំណូលអតិថិជន ។
ធ្វើការសម្រេចចិត្តដោយគ្មានការពិចារណាអំពីមតិកែលម្អពីអតិថិជន ឬទិន្នន័យស្ដីពីអតិថិជន ។
មានភាពបត់បែននៅក្នុងការផ្តល់ជម្រើសដល់អតិថិជន ។
មិនតាមដានជាមួយអតិថិជនបន្ទាប់ពីលក់ ។
មិនអនុវត្តតាមមតិកែលម្អរបស់អតិថិជន ។
មិនធានាដល់សេវាកម្ម ឬផលិតផលរបស់អ្នក ។
ទទូចទាមទារថាខ្លួនត្រូវក្នុងការចំណាយរបស់អតិថិជន ។

ជំហានទី ២ ៖ សូមចែកចាយជាមួយក្រុមនូវការជ្រើសរើសរបស់អ្នកមកពីជំហានទី ១ ។ សូមផ្តល់ឈ្មោះអាជីវកម្មដែលបង្ហាញ « ធ្វើ » ឬ « មិនធ្វើ » ដែលអ្នកបានជ្រើសរើស ។

២. តើនរណាជាអតិថិជនរបស់ខ្ញុំ ?

អាន ៖

ក្នុងនាមជាម្ចាស់អាជីវកម្ម អ្នកគួរតែយល់ឲ្យបានលម្អិតអំពីប្រភេទមនុស្ស ក្រុម ឬអង្គការដែលទំនងជាទិញសេវាកម្ម ឬផលិតផលរបស់អ្នកខ្លាំងបំផុត ។ កាលណាអ្នកយល់អំពីអតិថិជនរបស់អ្នកកាន់តែច្រើន នោះសារលិខិត បទពិសោធន៍ និងការគាំទ្រកាន់តែជាក់លាក់អាចមានសម្រាប់ពួកគេ ។ កត្តាមួយចំនួនដែលអាចជួយអ្នកឲ្យរកឃើញអតិថិជនដែលជាគោលដៅរួមមាន ៖

ប្រជាសាស្ត្រ ៖ អាយុ, ភេទ, ស្ថានភាពរៀបការ, មុខរបរ, កម្រិតប្រាក់ចំណូល
អង្គភាព ៖ វិស័យរដ្ឋ ឬឯកជន, ជំនួញ ឬវិជ្ជាជីវៈ, លក់ដុំ ឬលក់រាយ
ភូមិសាស្ត្រ ៖ ទីតាំង ដង់ស៊ីតេប្រជាជន
ចិត្តសាស្ត្រ ៖ បុគ្គលិកលក្ខណៈ, បែបផែននៃការរស់នៅ, ចំណាប់អារម្មណ៍, អត្តចរិត, គំនិតយោបល់
ឥរិយាបថ ៖ ឥរិយាបថនៃការទិញ, ភាពស្មោះត្រង់នឹងម៉ាក, ស្វែងរកប្រយោជន៍

សកម្មភាព _{( ១០ នាទី )}

ជំហានទី ១ ៖ សូមបើកទៅសៀវភៅផែនការអាជីវកម្មផ្ទាល់ខ្លួនរបស់ ម៉ាក ប៊ែលលី ( នៅក្នុងឧបសម្ព័ន្ធ ) ។ សូមឲ្យនរណាម្នាក់នៅក្នុងក្រុមអានឮៗអំពីរបៀបដែលគាត់បានពិពណ៌នាអំពីអតិថិជនគោលដៅរបស់ខ្លួនសម្រាប់អាជីវកម្មទស្សនកិច្ចពហុកីឡាដ្ឋានរបស់គាត់ ។

ជំហានទី ២ ៖ ឥឡូវសូមបើកសៀវភៅផែនការអាជីវកម្មផ្ទាល់ខ្លួនរបស់អ្នក ។ សូមឲ្យមានភាពជាក់លាក់តាមដែលអាចធ្វើទៅបាន នៅក្នុងការប្រាប់ឲ្យលម្អិតអំពីអតិថិជនគោលដៅរបស់អ្នក ហើយកត់ព័ត៌មាននេះក្រោម « អតិថិជនរបស់ខ្ញុំ » ។ សូមព្យាយាមបញ្ចូលកត្តាប្រជាសាស្ត្រ, អង្គភាព, ភូមិសាស្ត្រ, ចិត្តសាស្ត្រ, និងឥរិយាបថនៅក្នុងការពិពណ៌នារបស់អ្នក ។

ជំហានទី ៣ ៖ សូមឲ្យសមាជិកក្រុមពីរបីនាក់ចែកចាយយ៉ាងលឿនអំពីកត្តាមួយចំនួនអំពីអតិថិជនដែលជាគោលដៅរបស់ពួកគេ ។

៣. ការកំណត់ឲ្យច្បាស់អំពីសារលិខិតនៃអាជីវកម្មរបស់ខ្ញុំ

សកម្មភាព ( ១៥ នាទី )

ជំហាទី ១ ៖ សូមកត់សេចក្តីព្រាងទីមួយនៃសារលិខិតខ្លីនៃអាជីវកម្មរបស់អ្នកនៅក្នុងចន្លោះខាងក្រោម ។ អ្នកទំនងជាគ្មានពេលគ្រប់គ្រាន់ដើម្បីបញ្ចប់វាក្នុងពេលនេះឡើយ ប៉ុន្តែយ៉ាងហោចណាស់សូមកត់ត្រាទុកនូវគំនិតសំខាន់ៗ ។ អ្នកអាចកែសម្រួល និងកែលម្អសារលិខិតអាជីវកម្មរបស់អ្នកនាពេលខាងមុខទៀត ។

ជំហានទី ២ ៖ សូមចែកគ្នាជាគូៗ ។ សូមអនុវត្តការចែកចាយសារលិខិតអាជីវកម្មរបស់អ្នកជាមួយដៃគូ ។ សូមផ្តល់មិតកែលម្អគ្នាទៅវិញទៅមក ។ សូមប្រើប្រាស់មតិកែលម្អពីដៃគូរបស់អ្នកដើម្បីកែសម្រួល និងកែលម្អសារលិខិតអាជីវកម្មរបស់អ្នក ។

៤. ការកំណត់ប្រព័ន្ធលក់ដ៏ល្អបំផុតសម្រាប់អាជីវកម្មរបស់ខ្ញុំ

អាន ៖

វាសំខាន់ដើម្បីស្វែងរកវិធីដ៏មានប្រសិទ្ធភាពបំផុតដើម្បីឈោងទៅរកអតិថិជនរបស់អ្នក ។ ម្ចាស់អាជីវកម្មជាច្រើនប្រើប្រាស់ប្រព័ន្ធចម្រុះ និងការផ្សាយពាណិជ្ជកម្មតាមអ៊ិនធើរណិតដើម្បីលក់ និងទាក់ទងជាមួយអតិថិជនរបស់ពួកគេ ។ ប៉ុន្តែ វាល្អបំផុតសម្រាប់ម្ចាស់អាជីវកម្មថ្មីដើម្បីផ្តោតលើការបង្កើតប្រព័ន្ធ និងការផ្សព្វផ្សាយមិនច្រើនជាងមួយ ។ ប្រព័ន្ធបន្ថែមទៀតអាចត្រូវបានបន្ថែមនៅពេលអាជីវកម្មចាប់ផ្តើមរីកចម្រើន ។ ប្រព័ន្ធលក់ទូទៅរួមមានរៀបរាប់ដូចខាងក្រោមនេះ ។

ប្រព័ន្ធលក់

លក់ផ្ទាល់ ៖ អ្នក ឬបុគ្គលិកផ្នែកលក់លក់ដោយផ្ទាល់ដល់អតិថិជនតាមរយៈការទាក់ទងផ្ទាល់ ។
អ្នកចែកចាយ ឬអ្នកលក់ដុំ ៖ អ្នកលក់ឲ្យទៅអ្នកចែកចាយ ឬអ្នកលក់ដុំ ដែលទិញផលិតផលរបស់អ្នកដុំៗ បន្ទាប់មកលក់វាឲ្យទៅអាជីវកម្មលក់រាយដទៃទៀត ។
អ្នកលក់រាយ ៖ អ្នកលក់ឲ្យទៅអាជីវកម្មលក់រាយ ហើយពួកគេលក់ឲ្យទៅអ្នកប្រើប្រាស់ ។

ប្រព័ន្ធលក់ផ្សព្វផ្សាយតាមអ៊ិនធើរណែត

គេហទំព័រ ៖ ដំណើរការលក់ធ្វើឡើងតាមគេហទំព័រផ្ទាល់របស់អ្នក ។
ហាងតាមអ៊ិនធើរណែត ៖ ដំណើរការលក់ធ្វើឡើងតាមគេហទំព័ររបស់ហាងលក់តាមអ៊ិនធើរណែត ពុំមែនលើគេហទំព័រផ្ទាល់របស់អ្នកទេ ។
កម្មវិធីទូរសព្ទ ៖ ដំណើរការលក់ធ្វើឡើងតាមកម្មវិធីទូរសព្ទ ។

សកម្មភាព ( ៥ នាទី )

ជំហានទី ១ ៖ ចេញមកពីបញ្ជីនៃប្រព័ន្ធលក់ខាងលើ សូមកត់រៀងៗខ្លួននូវប្រព័ន្ធលក់មួយ និងប្រព័ន្ធផ្សព្វផ្សាយមួយដែលធ្វើឲ្យអាជីវកម្មរបស់អ្នកបានជោគជ័យបំផុត ។ សូមផ្តល់ព័ត៌មានលម្អិតបន្ថែមអំពីប្រព័ន្ធទាំងនោះ ប្រសិនបើអ្នកចង់ ។

ប្រព័ន្ធលក់ ៖

ប្រព័ន្ធលក់ផ្សព្វផ្សាយតាមអ៊ិនធើរណែត ៖

ជំហានទី ២ ៖ សូមចែកគ្នាជាគូៗ ។ សូមពន្យល់អំពីមូលហេតុដែលប្រព័ន្ធដែលអ្នកបានជ្រើសរើសធ្វើឲ្យអាជីវកម្មរបស់អ្នកមានជោគជ័យខ្លាំងបំផុត ។

៥. ការទាក់ទាញអតិថិជន…ជាមួយនឹងអ្វី ?

សកម្មភាព ( ១០ នាទី )

ជំហានទី ១ ៖ ដោយផ្អែកលើបញ្ជីខាងលើ សូមស្វែងរករៀងៗខ្លួនយ៉ាងហោចណាស់នូវរបៀបមួយដែលអ្នកអាចទទួលការចាប់អារម្មណ៍ពីអតិថិជនរបស់អ្នក ។ សូមសរសេរចម្លើយរបស់អ្នកខាងក្រោម ។

ជំហានទី ២ ៖ ឥឡូវសូមចែកសិស្សជាក្រុមដែលមានគ្នាបីនាក់ ។ សូមចែកចាយរបៀបនានាដែលអ្នកចង់បានដើម្បីទទួលការចាប់អារម្មណ៍ពីអតិថិជនរបស់អ្នក ។ ទទួលមតិកែលម្អពីសមាជិកក្រុមស្តីពីគំនិតទាំងនេះ ។

៦. ការវាស់វែងភាពជោគជ័យនៃការប្រាស្រ័យទាក់ទងជាមួយអតិថិជន

ការវាស់វែងភាពជោគជ័យនៃការទាក់ទងជាមួយអតិថិជន

សកម្មភាព ( ១០ នាទី )

ជំហានទី ១ ៖ ពិចារណាសំណួរខាងក្រោម ហើយសរសេរចម្លើយរបស់អ្នកនៅក្នុងចន្លោះខាងក្រោម ៖ តើអ្នកនឹងវាស់វែងថា តើគំនិតនានាដែលអ្នករកឃើញនៅក្នុងវគ្គទី ៥ មានដំណើរការយ៉ាងដូចម្តេច ?

ជំហានទី ២ ៖ សូមពិភាក្សាជាក្រុមអំពីរបៀបមួយចំនួនដែលអ្នកនឹងប្រើដើម្បីវាស់វែងថា តើគំនិតទាំងនេះកំពុងដំណើរការឬយ៉ាងណា ។