១១ ៖ មូលដ្ឋានគ្រឹះរបស់ខ្ញុំ

« ការបន្តកែលម្អអាជីវកម្មរបស់ខ្ញុំ ៖ មូលដ្ឋានគ្រឹះរបស់ខ្ញុំ » ការចាប់ផ្ដើម និងការពង្រីកអាជីវកម្មរបស់ខ្ញុំសម្រាប់ភាពខ្លួនទីពឹងខ្លួន ( ឆ្នាំ ២០១៧ )

« ការបន្តកែលម្អអាជីវកម្មរបស់ខ្ញុំ ៖ មូលដ្ឋានគ្រឹះរបស់ខ្ញុំ »

មូលដ្ឋានគ្រឹះរបស់ខ្ញុំ ៖ ប្រាស្រ័យទាក់ទង ៖ បញ្ចេញមតិ ហើយស្ដាប់

ម៉ោងជាអតិបរមា ៖ ២០ នាទី

ពិចារណា ៖

តើព្រះវរបិតាសួគ៌បានឆ្លើយតបការអធិស្ឋានរបស់ខ្ញុំនៅពេលណា ?

មើល ៖

« Creating Lift » មាននៅគេហទំព័រ srs.lds.org/videos ។ ( គ្មានវីដេអូឬ ? សូមអានអត្ថបទវីដេអូនៅចុងវគ្គនេះ ) ។

ពិភាក្សា ៖

តើយើងអាចស្គាល់ចម្លើយចំពោះការអធិស្ឋានរបស់យើងតាមរបៀបណា ? ហេតុអ្វីការស្តាប់គឺជាផ្នែកមួយដ៏សំខាន់នៅក្នុងការអធិស្ឋានរបស់យើង ?

អាន ៖

គោលលទ្ធិ និង សេចក្ដីសញ្ញា ៨:២ និង ការដកស្រង់ដោយប្រធាន រ័សុល អិម ណិលសុន ។

ប្រធាន រ័សុល អិម ណិលសុន

« ព្រលឹងអ្នកនឹងត្រូវបានប្រទានពរជ័យ កាលណាអ្នករៀនស្តាប់ បន្ទាប់មកស្តាប់ដើម្បីរៀនពីក្មេងៗ ឪពុកម្តាយ ដៃគូ អ្នកជិតខាង និងថ្នាក់ដឹកនាំ ក្នុងសាសនាចក្រ ដែលអ្វីៗទាំងអស់នោះនឹងលើកកម្ពស់សមត្ថភាពដើម្បីស្តាប់ការប្រឹក្សាពីស្ថានលើ » ។

« Listen to Learn » Ensign ខែ ឧសភា ឆ្នាំ ១៩៩១ ទំព័រ ២៤

ពិភាក្សា ៖

ហេតុអ្វីការស្តាប់គឺជាជំនាញមួយដ៏ចាំបាច់ ? តើការស្តាប់ដោយយកចិត្តទុកដាក់ជួយយើងក្នុងកិច្ចការរបស់យើងយ៉ាងដូចម្តេច ?

សកម្មភាព ( ៥ នាទី )

ជំហានទី ១ ៖ សូមអានជំហាននានានៅក្នុងប្រអប់ខាងក្រោមជាក្រុម ហើយពិភាក្សាគ្នាដោយសង្ខេបអំពីរបៀបដែលវាអាចធ្វើអ្នកក្លាយជាអ្នកស្តាប់កាន់តែប្រសើរឡើង ។

ជំហានទី ២ ៖ សូមឲ្យសមាជិកក្រុមម្នាក់ ឬពីរនាក់ប្រាប់អ្នកដទៃទៀតអំពីឧបសគ្គ ឬសំណួរមួយដែលពួកគេមាន ។ សមាជិកក្រុមដទៃទៀតគួរតែព្យាយាមស្តាប់ ដោយធ្វើតាមជំហានខាងលើ ។

ជំហានទី ៣ ៖ នៅពេលចប់ សូមឲ្យសមាជិកក្រុមដែលបាននិយាយ ថ្លែងអំពីរបៀបដែលពួកគេមានអារម្មណ៍ នៅពេលក្រុមពិតជាបានព្យាយាមស្តាប់ ។

អាន ៖

សូមអានការដកស្រង់ដោយប្រធាន ហិនរី ប៊ី អាវរិង និងអែលឌើរ រ៉ូបឺត ឌី ហែល ។

ប្រធាន ហិនរី ប៊ី អាវរិង

« ព្រះវរបិតាសួគ៌យើងឮការអធិស្ឋានរបស់កូនចៅទ្រង់នៅទូទាំងផែនដី ដែលទូលអង្វរសុំអាហារបរិភោគសម្លៀកបំពាក់បិទបាំងរាងកាយ និងភាពថ្លៃថ្នូរដែលកើតចេញពីការមានលទ្ធភាពដើម្បីផ្គត់ផ្គង់ខ្លួនឯង » ។

« Opportunities to Do Good » Ensign ឬ Liahona ខែ ឧសភា ឆ្នាំ ២០១១ ទំព័រ ២២

អែលឌើរ រ៉ូបឺត ឌី ហ៊ែល

« យើងត្រូវតែសុំជំនួយពីព្រះវរបិតាសួគ៌យើង និងស្វែងរកកម្លាំងតាមរយៈដង្វាយធួននៃព្រះរាជបុត្រាទ្រង់គឺព្រះយេស៊ូវគ្រីស្ទ ។ ទាំងរឿងខាងសាច់ឈាម និងខាងវិញ្ញាណ [ នេះ ] ធ្វើឲ្យយើងប្រែក្លាយជាអ្នកផ្គត់ផ្គង់ដ៏ចេះសន្សំសំចៃសម្រាប់ខ្លួនយើង និងអ្នកដទៃ » ។

« Becoming Provident Providers Temporally and Spiritually » Ensign ឬ Liahona ខែ ឧសភា ឆ្នាំ ២០០៩ ទំព័រ ៧–៨

តាំងចិត្ត ៖

សូមតាំងចិត្តធ្វើសកម្មភាពដូចខាងក្រោមក្នុងអំឡុងសប្ដាហ៍ ។

អធិស្ឋានផ្ទាល់ខ្លួន និងជាក្រុមគ្រួសាររៀងរាល់ព្រឹក និងយប់ ។ ចំណាយពេលបន្ទាប់ពីការអធិស្ឋាននីមួយៗដើម្បីស្តាប់រកការណែនាំដោយគារវភាព ។
ចែកចាយអ្វីដែលអ្នកបានរៀននៅថ្ងៃនេះអំពីការប្រាស្រ័យទាក់ទងជាមួយនឹងគ្រួសារ ឬមិត្តភក្ដិរបស់អ្នក ។

ការបង្កើតកម្លាំងលើក

ប្រសិនបើអ្នកមិនអាចមើលវីដេអូនេះទេ សូមជ្រើសរើសសមាជិកក្រុមឲ្យអានអត្ថបទវីដេអូនេះវិញ ។

ប្រធាន ឌៀថើរ អេហ្វ អុជដូហ្វ ៖ ដើម្បីឲ្យយន្តហោះអាចហោះឡើងផុតពីដីបាន អ្នកត្រូវបង្កើតកម្លាំងលើក ។ នៅក្នុងឌីណាមីកអាកាស ការលើកឡើងកើតឡើងបាននៅពេលខ្យល់បក់ហូរកាត់ពីលើស្លាបយន្តហោះ ក្នុងរបៀបមួយដែលធ្វើឲ្យសម្ពាធខាងក្រោមស្លាបយន្តហោះខ្លាំងជាងសម្ពាធខាងលើស្លាបយន្តហោះ ។ នៅពេលដែល ការលើកឡើងនេះមានកម្លាំងខ្លាំងជាងការទាញចុះនៃទម្ងន់យន្តហោះពីទំនាញផែនដី នោះយន្តហោះក៏ឡើងផុតពីដីហើយសម្រេចបាន ការហោះហើរ ។

ស្រដៀងគ្នានោះដែរ យើងអាចបង្កើតការលើកឡើងនៅ ក្នុងជីវិតខាងវិញ្ញាណរបស់យើង ។ នៅពេលកម្លាំងដែលកំពុងរុញយើងឆ្ពោះទៅកាន់ស្ថានសួគ៌ខ្លាំងក្លាជាងការល្បួង និងទុក្ខព្រួយដែលទាញយើងចុះ នោះយើងអាចឡើង ហើយហោះយ៉ាងខ្ពស់ទៅកាន់អណាចក្រនៃវិញ្ញាណ ។

ទោះជាមានគោលការណ៍ដំណឹងល្អជាច្រើនដែលជួយយើងដើម្បីសម្រេចបានកម្លាំងលើកក្តី ខ្ញុំសូមផ្តោតតែទៅលើចំណុចមួយជាពិសេស ។

ការអធិស្ឋាន !

ការអធិស្ឋានគឺជាគោលការណ៍មួយនៃដំណឹងល្អ ដែលផ្តល់នូវការលើកឡើង ។ ការអធិស្ឋានមានអំណាចដើម្បីលើកកម្ពស់យើងចេញពីការខ្វល់ខ្វាយខាងលោកិយរបស់យើង ។ ការអធិស្ឋានអាចលើកយើងឡើងខ្ពស់កាត់ពពកនៃក្តីអស់សង្ឃឹម ឬសេចក្តីងងឹតឲ្យមានពន្លឺ និងជើងមេឃពណ៌ខៀវ ។

ពរជ័យមួយនៃពរជ័យដ៏អស្ចារ្យជាច្រើន និងអភ័យឯកសិទ្ធ ហើយព្រមទាំងឱកាសទាំងឡាយដែលយើងមានក្នុងនាមជាកូនចៅរបស់ព្រះវរបិតាសួគ៌គឺថា យើងអាចទាក់ទងជាមួយទ្រង់បានតាមរយៈការអធិស្ឋាន ។ យើងអាចនិយាយជាមួយទ្រង់ពីបទពិសោធន៍ក្នុងជីវិតយើង ការសាកល្បង និងពរជ័យទាំងពួង ។ យើងអាចស្តាប់ ហើយទទួលការណែនាំពីនគរសេឡេស្ទាលតាមរយៈព្រះវិញ្ញាណបរិសុទ្ធគ្រប់ពេល និងគ្រប់ទីកន្លែង ។

( សូមមើល ឌៀថើរ អេហ្វ អុជដូហ្វ « Prayer and the Blue Horizon » Ensign ឬ Liahona ខែ មិថុនា ឆ្នាំ ២០០៩ ទំព័រ ៥–៦ )