ሩት እና ኑኃሚን

ፈተናዎችን በፍቅር እና በታማኝነት መቋቋም

ኑኃሚን እና ቤተሰቧ በይሁዳ ምድር በቂ ምግብ ስላልነበረ ወደ ሞዓብ ተዛወሩ። ከዚያም የኑኃሚን ባለቤት ሞተ። የኑኃሚን ወንድ ልጆች የሞዓብ ሴቶችን ዖርፋን እና ሩትን አገቡ። ኑኃሚንን ለአስር አመታት ተንከባከቡ።

ከዚያም የዖርፋ እና የሩት ባለቤቶች ሞቱ። አሁን ሴቶቹ ብቻቸውን ነበሩ። ኑኃሚን ለዖርፋ እና ሩት ምግብ ለማቅረብ አልቻለችም።

ዖርፋ ወደ ቤቷ ተመለሰች። ነገር ግን ሩት ለመቆየትና ኑኃሚንን ለመንከባከብ ፈለገች። ሩት እና ኑኃሚን በይሁዳ ምድር እንደገና ሰብሎች እንዳሉ ስለሰሙ ወደዚያ ተጓዙ።

ሩት እና ኑኃሚን በመከር ወቅት ወደ ይሁዳ መጡ። ምግብ ያስፈልጋቸው ነበር። ቦዔዝ የተባለ የኑኃሚን ዘመድ ይሁዳ ውስጥ እርሻዎች ነበሩት። ሩት የተረፈውን እህል ከእርሻው ውስጥ እንድትወስድ ፈቀደላት። ይህም ከባድ ስራ ነበር።

ቦዔዝ ሩትን ጠንክራ ስለሰራች እና ለኑኃሚን እና ለጌታ ታማኝ በመሆኗ አክብሯት ነበር። ተጨማሪ እህል በእርሻ ውስጥ ለሩት እንዲተው አገልጋዮቹን አዘዛቸው።

ኑኃሚን ሩት ቤተሰብ እንዲኖራት ፈለገች። ሩት ቦዔዝን እንድታገባ አበረታታቻት። ሩት እሷ እና ቦዔዝ ከተጋቡ ኑኃሚንን በአንድነት መንከባከብ እንደሚችሉ ተገነዘበች።

ሩት ቦዔዝ እንዲያገባት ለመጠየቅ ወሰነች። ቦዔዝም ሩት ታማኝ እና በጎ ሴት እንደነበረች ያውቅ ነበር። እርሱም ተስማማ።

ሩት እና ቦዔዝ ተጋቡ። ወዲያውኑም ሩት ወንድ ልጅ ወለደች። እርሱም የወደፊቱ ንጉስ ዳዊት አያት ሆነ። ከብዙ አመታት በኋላ፣ ኢየሱስ ክርስቶስ በዚህ ቤተሰብ ዘር ተወልዶ ነበር።