Mataupu 22
O le Au Paia i Misuli
Iulai-Aukuso 1831
Sa oo ina o atu i Misuli le Perofeta o losefa Samita faatasi ma Sini Rikitone, ma Eteuati Paterika, ma isi. Sa latou fiafia lava e o atu i inā. Sa latou mananao e faatu le nuu o Siona. Sa latou mananao i le Alii e faaali mai ia i latou le mea e faatu ai.
Sa latou malaga i se vaa i se vaega o la latou malaga. Ina ua latou taunuu i Misuli, sa manao losefa latou te savavali. Sa ia iloa ua paʻia le laueleele o Misuli. Sa ia fia vaai i ai.
Sa savali losefa ma lana aumalaga mo le 300 maila agai atu i le itu malo o Siakisone. Sa vevela lava, peitai s latou lē popole i ai. Sa latou mananao e faatu Siona.
Sa o atu le Perofeta ma lana au malaga i le itu malo o Siakisone, Misuli. Sa faafeiloai i latou e faifeau talai mai Katelani.
E lei umi a e taunuu mai foi le Au Paia mai Miu loka i le itu malo o Siakisone. Sa fiafia tagata uma ua latou taunuu i inā.
Sa tau atu e le Perofeta o losefa ma Epikopo o Eteuati Paterika i tagata mea e ao ona latou faia. E tatau ona faatau e nisi o i latou ni fanua i Misuli. E tatau ia Oliva Kaotui ma Viliamu W. Felepi ona amata ni aoga. E tatau ona laʻua tusi ni tusi e mafai e fanau laiti ona faitau.
Sa fia iloa lava e losefa le mea e finagalo le Atua e faatu ai Siona. Sa ia tatalo atu i le Tama o i le lagi. Sa talia lana talosaga.
Sa oo ina fetalai mai le Alii o le a faatu Siona i Initipene, i le itu malo o Siakisone, Misuli. Sa tau mai foi e le Alii ia losefa le mea e faatu ai le malumalu. Sa ia fetalai mai ua lata mai le taimi e faatu ai Siona. Peitai o le a muamua oo mai ni faalavelave i le au paia. E ui i lea, e mafai ona latou faatuina o Siona pe a lava lo latou faatuatua.
Sa fetalai mai le Alii ia losefa e tatau i le au paia ona usiusitai i tulafono a Misuli. E tatau foi ona latou usiusitai i tulafono a le Atua. E tatau ona latou faia mea lelei e aunoa ma le faatonuina. E tatau ona salamo le au paia mai i a latou agasala. E ie manatua e le Alii agasala a tagata pe a salamo.
Sa fetalai mai le Alii ia faapaia e Sini Rikitone le laueleele. Sa fesili atu Sini Rikitone i le au paia pe latou te faafetai mo le laueleele. Sa ia fesili atu pe o le a latou tausia poloaiga uma a le Atua. Sa tali mai le au paia, “loe.” Ona tatalo lea o Sini Rikitone ma faapaia le laueleele.
O le aso na sosoo ai, na fono ai losefa Samita, ma Oliva Kaotui, ma Sini Rikitone ma isi a latou uo. Sa latou fono i se fanua faapitoa i lnitipene. Sa latou faitau tusitusiga paia; ona latou tatalo ai lea; ona faapaia lea e losefa le fanua e faatu ai le malumalu.
Sa o atu le au paia uma sa i Misuli i le Konafesi. Sa faatumuina i latou i le Agaga Paia. Sa fai mai losefa ia i latou e faamanuiaina i latou e le Atua pe afai latou te tausi a latou folafolaga.
Ina ua mavae ni nai aso, ona toe oo mai ai lea o se tasi faaaliga ia losefa. Sa fetalai mai lesu ia te ia o le aso Sa, o se aso faapitoa. O le Aso Sa e tatau ona tatou faia ai mea tatou te manatua ai lesu. E le tatau ona tatou galulue i le Aso Sa. A e e tatau ona tatou o i sauniga ma aai i le faamanatuga. E tatau ona salamo mai i a tatou agasala. E tatau ona asiasi i e o mamai. E tatau ona tatou tuuina atu le faafetai mo o o tatou faamanuiaga uma. E tatau ona tatou tausia pea poloaiga a le Atua.
O e o le au paia latou te faia ia mea, o le a latou maua mea lelei uma latou te manaomia. O le a latou maua pea mea ʻai, ma lavalava, ma fale, ma faatoaga. O le a latou fiafia. O le a latou maua le filemu i o latou olaga. O le a latou maua le ola e faavavau.