Mataupu 58
O le Vaega Muamua o le Au Paia na Malaga Ese Mai Navu
Setema 1845–Fepuali 1846
Ina ua maliu losefa Samita, sa manatu tagata lea o le a pe le Ekalesia. Sa latou le iloa o le a toe filifilia e le Alii se taitai fou. Sa mananao tagata leaga e talepe le Ekalesia. Sa faasalalau e nusipepa tala pepelo e uiga i le au paia. Sa latou fai mai ua gaoi ma fasioti e le au paia tagata.
Sa le fesoasoani le kovana o le setete i le au paia. Sa fai mai ua itagia i latou e tagata leaga. Sa ia fai mai i le au paia ia o i Sisifo. Sa tali atu Polika laga o le a o le au paia i Sisifo. Peitai ua latou manaomia se taimi latou te sauni ai. Ua latou manaomia ni tupe e faatau ai ni a latou mea ’ai ma lavalava. E tatau foi ona latou fau ni taavale toso ma faatau mai ni manu e tosoina. E tatau foi ona faatau o latou fale.
Sa le mananao tagata leaga e toe tuu atu i le au paia se isi taimi e sauni ai. Sa le mananao foi tagata e faatau o latou fale. Sa tutuli ese e tagata leaga nisi o le au paia mai o latou fale, ma gaoi a latou mea, ma susunu o latou fale.
Sa galulue malosi le au paia e sauni e o ese mai Navu. Sa latou ta laau ma fau ai taavale toso. Sa latou faatau mai manu e tosoina. Sa latou faaputu mea ’ai. Sa mananao foi e faauma ona fau o le malumalu a e lei o ese.
Sa foai atu e le au paia tupe e fau ai le malumalu. Sa latou galulue i le malumalu. E tele potu na uma ona latou faia. Sa latou faapaia potu taitasi pe a uma ona fai. Sa latou faaaoga se tasi potu e fai ai sui papatisoga mo e ua maliliu. Sa latou fai foi se konafesi i le malumalu mo tagata uma o le Ekalesia.
Sa oo ina oo mai le tau o le malulu. Sa oo ina faamalosi ese e tagata leaga le toatele o le au paia mai o latou fale. Sa uta e le au paia a latou mea totino uma i taavale toso. Ona latou tuu lea o taavale toso i luga o vaa salafa, ma latou sopo atu i le isi itu o le vai tafe o le Misisipi.
Sa malulu tele sa liu aisa le vai tafe. Sa savali atu Polika laga ma nisi o le au paia ma a latou taavale toso e manu i luga o le liu aisa.
Sa tolauapi le au paia i tafatafa o le vai tafe. Sa lē lava ofu o nisi o le au paia. Sa latou malilili tele. O nisi o i latou sa lē lava a latou mea ’ai. Sa avatu ia i latou e e na tele o latou lavalava ma a latou mea ’ai, ni lavalava ma mea ’ai mo i latou. Sa nonofo le au paia i tafatafa o le vai tafe mo ni nai aso. Ona latou malaga atu ai lea ma fai se tasi toagalauapiga. Sa filifili e Polika laga ni taitai e fesoasoani i le au paia e malaga atu i mauga o Sisifo.