Mataupu 63
O le Au Paia i Mauga Papa
Iulai 1847
Sa amata ona faatu e le au paia se aai i le Vanu o le Vai Tu Loto Tele Masima. Sa latou faaigoa le aai o Sate Leki. Sa filifili e Polika laga se fanua e faatu ai le malumalu.
Sa vaevae e Polika laga le aai. Sa tofu le aiga ma le fanua e faatu ai so latou fale ma fai ai sa latou faatoaga. Sa fau e le au paionia ni fale i ogālaau. Sa latou totō faatoaga. Sa latou toaaga e galulue. Sa aoao atu e Polika laga i le au paia e tatau i tagata taitoatasi ona galue mo mea na te manaomia.
Sa vaevae e Polika laga le aai i ni uarota se lima. Sa amata ona fau e le au paia ni fale lotu. Sa faaopoopo mai foi le toatele o tagata na malaga mai i le vanu. E lei mavae se taimi tele a e atoa le sefulu iva o uarota.
Sa oo ina faatu e le au paionia se a’oga. Sa fai le a’oga ma sauniga lotu i le fale e tasi. 0 se taimi mulimuli ane na amata ai le A’oga Sa.
Sa auina atu e Polika laga faifeau talai i isi atunuu. 1 nisi nuu, e toaitiiti lava tagata na auai i le Ekalesia.
A’o isi nuu, e toatele tagata na talitonu i faifeau talai. Sa latou auai i le Ekalesia. 0 le toatele o i latou sa mananao e malaga mai e nonofo faatasi ma le au paia i Sate Leki. Sa latou malaga mai i vaa folau.
0 nisi o tagata sa latou sopoia le laueleele lafulafuā i taavale toso e manu. Peitai sa leai ni tupe a isi e faatau ai ni a latou taavale toso e manu. Sa latou fai ni taavale toso e lua uili. Sa ta’ua ia taavale o taavale toso lima. Sa tuu e le au paionia a latou mea uma i luga o ia taavale, ma latou toso ma uunai ia taavale i le laueleele lafulafuā. Sa faigata tele ona toso ia taavale. Sa mamai nisi ma feoti ai.
O Polika laga o se taitai poto. Sa ia auina atu nisi alii ma o latou aiga i isi laueleele i Sisifo. Sa o atu nisi o le au paia ma faatu ni aai i Kalefonia. A e o atu isi ma faatu aai i ’Aitaho, ma Alisona, ma Gaiomi. Sa faanoanoa lava nisi o le au paia ina ua latou tuua o latou aiga. Peitai sa latou usiusitai lava ia Polika laga.
Sa tele faalavelave na oo i le au paia. O nisi taimi sa le ola a latou faatoaga. Sa faaleaga e lolo a latou faatoaga. O nisi taimi sa o mai lnitia ma gaoi a latou mea ma fasioti isi o i latou.
Sa faatonu e Polika laga le au paia ia latou agalelei i tagata lnitia. Sa avatu e le au paia mea ’ai i tagata lnitia. E toatele tagata lnitia sa faauo ma le au paia.
Sa amata ona fau e le au paia malumalu i Sisifo. Sa latou amata i le 1853 ona fau le malumalu i Sate Leki. E fa sefulu tausaga na latou galulue ai e fau le malumalu. E tolu isi malumalu na uma ona fau e le au paia a lei uma ona faia o le malumalu i Sate Leki. O malumalu na i St. George, ma Logan, ma Manti.