Mataupu 2
O le Faaaliga Muamua na Oo Mai ia losefa Samita
1820
O losefa Samita ma lona aiga e talitonu i latou i le Atua. Latou te faitau faatasi i le Tusi Paia. E aoao e le tama ma le tina o losefa a la fanau ia avea ma ni tagata lelei.
Sa toatele lava tamaiti i Palamaira. O tagata uma lava e fai mai o la latou lotu e sao, a e sese isi lotu. Sa le iloa e losefa po o le fea lotu e ao ona auai. Sa fia iloa e ia po o ai o ia lotu uma o le Ekalesia moni a lesu Keriso.
O se tasi aso sa faitau ai losefa i le Tusi Paia. O le taimi lena ua sefulu ma le fa ona tausaga. Sa ia faitau e faapea e tatau ona tatou ole atu i le Atua pe a tatou fia iloaina le moni o se mea. O lea sa tonu ai ia te ia e tatalo atu i le Atua po o le fea ekalesia e tatau ona ia auai.
O se aso matagofie o le tau o le totogo a’e o laau sa alu atu ai losefa i le togavao e latalata ane i lo latou fale, ma tootuli ai o ia ma tatalo. Sa tatalo o ia ma le leo tele. Sa faatuatua o ia e tali mai le Tama o i le lagi i lana tatalo.
Sa le manao Satani ia tatalo losefa. Sa taumafai o ia e taofi lana tatalo. O lea na faapogisa ai e Satani le mea na i ai losefa. Sa le mafai e ia ona tautala. Sa fefe ai o ia.
Sa le taofia ai le tatalo a losefa. Auā sa le mafai e Satani ona taofia o ia.
Ona oo ifo ai lea o le faaaliga ia losefa. Sa vaai o ia i se malamalama matagofie. Sa malamalama uma ai le mea sa tootuli ai. Sa vaai o ia i le Tama o i le lagi ma lesu Keriso. Sa tutu mai i ona luga i le malamalam. Sa faasino atu le aao o le Tama ia lesu Keriso ma fetalai mai, “O lou Atalii Pele lenei. Faalogo ia te la!”
Sa fesili atu losefa ia lesu po o le fea ekalesia e sao, ma po o fea se ekalesia e tatau ona auai. Sa fetalai atu lesu ia aua nei au ai i se tasi o ekalesia. Sa fetalai atu lesu o ekalesia uma lava e sese. E le o i ai lana Ekalesia moni. E tele isi mea sa ia fetalai atu ai ia losefa. Ona gata ai lea o le faaaliga. Sa toe tuua na’o losefa.
Sa toe foi atu losefa i lona aiga. Sa fesili lona tina ia te ia pe e i ai se mea ua tupu. Sa fai atu losefa e i ai. Sa tau atu e ia i lona tina sa vaai o ia i se faaaliga. Sa ia faamatala atu i lona tina mea na ia iloa mai le faaliga.
Sa tau atu e losefa i nisi tagata o lo latou nuu le faaaliga na ia vaai i ai. Sa le talitonu tagata ia te ia. Sa manatu i latou ua pepelo losefa. Sa oso lo latou ita ia te ia.
Sa faamatala pea lava e losefa lona vaai moni i le faaaliga. Sa ia iloa sa vaai tino lava o ia i le Tama o i le lagi ma lesu Keriso. Sa ia iloa e leai lava se lotu moni i le lalolagi.