Mataupu 51
O le Aualofa
Mati 1842
Sa fau e le au paia le malumalu i Navu. Sa amata ona masaesae o ofu o alii. Sa mananao tamaitai e fesoasoani ia i latou. Sa fai mai se tasi tuafafine o le a ia faia ni lavalava mo alii. Peitai sa leai sana tupe e faatau ai ie e sui ai.
Sa fai mai Sara M. Kemupale o le a ia aumai i tamaitai ni ie. Sa oo ina fono faatasi fafine i le fale o le tuafafine o Kemupale. Sa fai la latou tonu e tatau ona i ai se faalapotopoto a fafine o le Ekalesia.
Sa talosaga atu fafine ia Elaisa R. Senoa ia ona tusi ni tulafono mo le faalapotopotoga. Sa ia tusi ia tulafono ma avatu ia losefa Samita. Sa fai mai losefa Samita ua lelei tele ia tulafono. Peitai sa ia fai mai ua i ai i le Alii se fuafuaga sili atu ona lelei mo tamaitai.
Sa fai atu Iosefa i tamaitai uma ia o mai i se fono o le a fai i le aso 17 o Mati 1842. Sa ia fai mai o le a fesoasoani taitai o le perisitua i le faalapotopotoga a tamaitai. E toasefulu valu tuafafine sa i ai i le fono. Sa filifilia Ema Samita e avea ma taitai o tamaitai. Sa latou faaigoa la latou faalapotopotoga, o le Aualofa.
Sa fai mai losefa Samita i tamaitai ia latou fesoasoani i e e mama’i ma matitiva. E tatau ona latou fesoasoani atu i tagata i soo se mea latou te manaomia ai le fesoasoani. O le a fesoasoani ie epikopo ia i latou ia latou iloa mea e tatau ona latou faia.
Sa fai e tamaitai ni fonotaga latou te aoao ai mea e tatau ona latou iloa. Sa fiafia lava ua mafai ona latou fesoasoani i tagata o le Ekalesia.
Sa fai e tamaitai mea e faaaoga mo le malumalu. Sa latou sui ofu mo alii sa faigaluega i le malumalu.
Sa latou avatu ni mea ’ai i tagata sa fia a’ai. Sa latou tausi e na mama’i. E tele mea sa latou faia e fesoasoani ai i le au paia.
E mafai e tamaitai uma o le Ekalesia o auai i le Aualofa. Latou te fesoasoani i tagata. Latou te aoao i le tala lelei. Latou te aoao ai e uiga i tagata o isi atunuu. Latou te aoao i tusi lelei, musika, ma ata. Latou te aoao foi i ala e faalelei ai o latou aiga.