Mataupu 52
O Faalavelave i Navu
Me-Aokuso 1842
Sa toatele tagata na o atu ma nonofo i Navu. Sa latou fauina se aai matagofie. Sa amata ona latou fausia se malumalu. Sa mananao le au paia i Navu e tofi se pule nuu o le nuu.
Sa filifili e le au paia loane C. Peneti e fai ma pule nuu o Navu. Sa avea lava lenei alii ma pule nuu lelei i le amataga. Peitai sa oo ina amata ona ia fai mea leaga. Sa le fiafia ia losefa Samita.
Sa mananao tagata o Navu ia fai so latou aso malolo faapitoa. Sa latou mananao i fitafita a Navu e savali i se solo mataiga.
Sa taitai loane Peneti i fitafita. Sa tonu ia te ia o le a le savali fitafita i le solo mataiga, a e o le a fai sa latou faaaliga faaletaua. E le o se taua mo‘i. Na o se faataitaiga.
Sa fai atu Peneti ia Iosefa Samita ia avea o ia ma taitai au i le taua. Sa iloa lelei lava e losefa le le fiafia o lane Peneti ia te ia. Sa iloa e losefa e manao loane Peneti e fasioti o ia. Sa oo ina faaali mai e le Alii ia losefa e le tatau ona auai i le taua.
Sa oo ina ita tele loane Peneti, ma le toe fia pule nuu. Sa oo ina filifili e le nuu Iosefa e avea ma pule nuu.
Sa oo ina le toe fia auai loane Peneti ma isi alii i le Ekalesia. Sa latou o atu ma fai tala leaga e uiga i le perofeta o Iosefa Samita.
Sa tautala atu losefa Samita i nisi alii o le Ekalesia. Sa ia fai mai o le a toe tutupu mai nisi faalavelave i le au paia. O le a oo mai le aso e tatau ai ona latou o ese mai navu. O le a latou o atu i Mauga Papa. O le a faatu e le au paia ni ‘a‘ai i inā. O le a latou usiusitai i le Atua ma avea ma ni tagata malolosi.