O le Penina Tau Tele

O le Tusi a Mose

Ua faamatala mai i le Tusi a Mose mea na fetalai e le Atua ia Mose i luga o le mauga. Sa vaai Mose i le Atua ma talanoa ma ia. Sa fetalai mai le Atua ia Mose o loo ia te ia se galuega faapitoa na te faia.

Sa faaali mai e le Atua ia Mose le lalolagi. Sa vaai Mose i mea uma o le a tutupu i le lalolagi. Sa vaai o ia i fanau uma a le Atua o le a nonofo i le lalolagi.

Sa tuua e le Atua Mose; ona sau lea o Satani ma fai mai ia Mose ia ifo atu ia te ia. Sa le fia ifo atu Mose ia Satani. Sa fai atu Mose “O au o se atalii o le Atua.” Sa ole atu Mose i le Atua e fesoasoani mai. Ona fai atu lea ia Satani e alu ese. Sa ita tele Satani i le lē ifo atu o Mose ia te ia. Ona alu ese lea.

Sa faatumulia Mose i le Agaga Paia. Sa afio ifo le Atua ma toe talanoa ma Mose. Sa fetalai mai le Atua, o le Faaola o lesu Keriso, o le Alo o le Atua. Sa fetalai mai le Atua e tele lalolagi. 0 lesu na faia ia lalolagi uma. E tele foi isi lalolagi o le a ia faia. 0 le a tele pea lalolagi o le a i ai. 0 le a nonofo ai fanau a le Atua.

Sa aoao Mose i le galuega a le Atua. E galue le Atua e fesoasoani i tagata ia mafai ona latou nonofo faatasi ma ia e faavavau. E galue o ia e fesoasoani i tagata ia avea faapei o la. Ua faamatala mai foi i le Tusi a Mose e uiga i le perofeta o Enoka ma le nuu o Siona.

O le Tusi a Aperaamo

Sa i ai faatasi ma mami ni tusi taai sa i ai ni tusitusiga uiga ese. Sa fia maua e Mr. Chandler se tasi e malamalama i ia tusitusiga. Sa faalogo o ia e mafai e losefa Samita ona faaliliu tusitusiga faapena.

Sa vaai losefa i tusitusiga sa i pepa taai. Sa ia malamalama i ai ma sa ia tau atu ia Mr. Chandler o latou uiga. Sa oo ina faatau e nisi o le au paia pepa taai mai ia Mr. Chandler.

Sa oo ina faaliliu e losefa Samita tusitusiga sa i pepa taai, a e tusi i lalo e Oliva Kaotui ma Viliamu Felepa.

Sa faamatala e lesu ia Aperaamo lo tatou olaga a e tatou te lei o mai i le lalolagi. Sa fetalai mai lesu o ia na faia le lalolagi, ma le La, ma le masina, ma fetu. 0 ia foi na faia laau, ma manu, ma tagata.

O ia tusitusiga, o tusitusiga a le perofeta lau iloa o Aperaamo. Sa nofo Aperaamo i Aikupito i aso anamua, ma sa fetalai ifo lesu ia te ia.

Sa tusia foi e Aperaamo e uiga i le tala lelei a lesu Keriso. Ua fesoasoani le Tusi a Aperaamo ia i tatou ia tatou malamalama i perofeta ma le perisitua.

O Tusitusiga a losefa Samita

0 le vaega lona fa o le Penina Tau Tele, o Mataupu Faavae o le Faatuatua. Sa alu ane ia losefa Samita i se tasi aso se tasi alii sa tusi lana tusi. Sa manao lenei alii e tuu i lana tusi se faamatalaga e uiga i le Ekalesia. Sa ia talosaga atu ia losefa e faamatala atu ia te ia le amataga o le Ekalesia.

Sa oo ina tusi faamatala e losefa Samita le amataga o le Ekalesia. Sa ia faamatala atu talitonuga o le Ekalesia. Sa fesoasoani le Atua ia losefa ia ona iloa mea e tatau ona ia tusia. Sa oo ina tusi e losefa ni mea e sili ona taua e sefulu ma le tolu, ma ia taʻua o Mataupu Faavae o le Faatuatua.

Mataupu Faavae O Le Faatuatua

losefa Samita

Ata

pen and paper

Ata

Joseph Smith

1
Matou te talitonu i le Atua, le Tama e faavavau, ma Lona Alo o lesu Keriso ma le Agaga Paia.

2
Matou te talitonu o le a faasalaina tagata mo a latou lava agasala, a e le mo le agasala a Atamu.

3
Matou te talitonu e faaolaina tagata uma lava i le togisala a Keriso, pe a usiusitai i poloaiga ma sauniga o le tala lelei.

4
Matou te talitonu o mataupu faavae ma sauniga muamua o le Tala lelei e faapea: muamua, o le Faatuatua i le Alii o lesu Keriso; lona lua, o le Salamo; lona tolu, o le Papatiso i le faatofu mo le faamagaloina o agasala, lona fa, o le faaee atu o lima mo le mea foaifua a le Agaga Paia.

5
Matou te talitonu e ao ina valaauina le tagata e le Atua i valoaga, ma le faaee atu o lima o e o i ai le pule, e talai le tala lelei ma fai ona sauniga.

6
Matou te talitonu i le faatulagaga e tasi sa i ai i le Ekalesia Anamua, e i ai perofeta, epikopo, aoao, peteriaka, ma isi tofiga faapena.

7
Matou te talitonu i mea alofa o gagana, ma valoaga, ma faaaliga, ma faaaliga vaaia, ma le faamalologa o e e mama’i, ma le faaliliuga o gagana, ma isi mea alofa faapena.

8
Matou te talitonu o le Tusi Paia o le afioga a le Atua i mea ua tonu ona faaliliuina; matou te talitonu foi o le Tusi a Mamona o le Afioga a le Atua.

9
Matou te talitonu i mea uma lava ua faaalia mai e le Atua, ma mea uma o loo ia faaalia mai nei, ma e matou te talitonu e tele mea silisili ma le taua o le Malo o le Atua o le a ia faaalia mai.

10
Matou te talitonu i le faapotopotoina moni o lsaraelu ma le toe foi mai o Ituaiga e Sefulu; ma o le a faatuina Siona (lerusalema Fou) i le konitineta o Amerika; ma o le a nofo tupu Keriso i le lalolagi; ma o le a faafouina le lalolagi ma maua lona mamalu Parataiso.

11
Matou te tautino atu e a matou le aiā matou te tapuai ai i le Atua Silisili Ese e tusa ma o matou lava loto fuatia ifo, ma e matou te tuu atu foi i tagata uma lea lava aiā latou te tapuai ai i soo se mea ma soo se auala latou te mananao i ai.

12
Matou te talitonu i le usiusitai i tupu, ma peresitene, ma faipule, ma faamasino, ma le usiusitai ma le faamamalu ma le lagolagoina o tulafono.

13
Matou te talitonu i le faamaoni, ma le amio tonu, ma le sa’o, ma le nofo mama, ma le agalelei, ma le amio mama, ma le fai o mea lelei i tagata uma: e moni, matou te faapea atu matou te tausisi i le apoapoaiga a Paulo – Matou te talitonu i mea uma, matou te faamoemoe i mea uma, ua matou onosaia mea e tele, ma e matou te faamoemoe o le a mafai ona matou onosaia mea uma. Afai e i ai se mea mama, ma matagofie, ma logoleleia, ma tauleleia, matou te saili ia mea uma.