Mataupu 3
O le Angelu o Moronae ma Papa Tusi Auro
1823-1827
Ga tea le tolu tausaga talu ona vaai losefa i le faaaliga muamua. O le taimi lea ua atoa le sefulu ma le fitu o ona tausaga. Sa mafaufau losefa pe o le a se mea e finagalo le Atua na te faia. Ona ia tatalo lea i le tasi po. Sa faatuatua o ia o le a tau mai e le Atua ia te ia le mea e tatau ona ia fai.
Sa oo ifo se malamalama ia losefa i totonu o lona potu. Sa tu mai ai i lea malamala se agelu. Sa susulu tele foliga o lea agelu. Sa ofu o ia i se ofu paepae talaloa matagofie.
Sa fai mai le agelu o lona igoa o Moronae. Ua auina mai o ia e le Atua e aumai ia losefa se savali. Sa fai mai Moronae ia losefa o loo i ai se galuega ua finagalo le Atua na te faia.
Sa tau mai e Moronae ia losefa e uiga i se tusi. O lea tusi e faatatau i tagata sa nonofo i Amerika anamua. Sa afio ifo ia i latou lesu Keriso. Sa aoao atu e lesu ia i latou lana tala lelei.
Sa fai mai Moronae ua tusia le tusi i papa tusi auro. Sa tusia le tusi i se gagana tatou te le iloa. E finagalo le Atua ia faaliliu e losefa le tusi. Sa faaliliu e losefa le tusi i se gagana tatou te malamalama i ai.
Sa fai mai Moronae o loo tanu papatusi i le eleele i se mauga e latalata ane i le fale o losefa. Sa fai mai foi Moronae o loo i ai ni maa manino se lua faatasi ma papa tusi. O igoa o ia maa o le Urima ma le Tumema. O le a fesoasoani ia maa ia losefa i ie faaliliu papa tusi.
Sa tau mai foi ia losefa e Moronae e uiga ia Elia. O Elia o se perofeta tautaua lea sa soifua i le lalolagi anamua. Sa ia Elia le perisitua. O loo i le Feagaiga Tuai le tala e uiga ia Elia. Sa fai mai Moronae o le a toe foi mai Elia i le lalolagi e ta’u mai i tagata ia latou saili o latou tua a. O o tatou tua a o tagata ia o o tatou aiga sa ola i le lalolagi a e tatou te le’i fananau mai.
Sa faamatala mai e Moronae ia losefa e uiga i le perisitua. O le perisitua o le mana o le Atua. Sa fai mai Moronae o le a sau Elia e toe aumai le mana o le perisitua i le lalolagi. O le a fesoasoani lea perisitua i aiga amio tonu ia faamauina i latou ina ia mafai ona latou nonofo faatasi pea e faavavau. Ina ua uma ona tau mai e Moronae ia mea ia losefa, ona alu ai lea O ia.
Sa toe foi mai faalua le agelu o Moronae i lena lava po. E tele mea sa ia faamatala mai ia losefa. E alu ese le agelu ua malama le taeao. Sa tu loa i luga losefa ma alu e galulue faatasi ma lona tama i le faatoaga.
Sa vaivai lava losefa i lena aso. Sa pau o ia i lalo. A’o taatia o ia, sa toe oo mai Moronae. Sa famatala e losefa i lona tamā mea na tau mai e Moronae ia te ia. Sa talitonu lona tamā ia te ia. Sa iloa e ia na auina mai e le Atua Moronae. O lea na ia fai atu ai ia losefa ia usiusitai ia Moronae.
Sa alu losefa e sue le mea na i ai papa tusi. Sa alu atu o ia i le mauga e igoa ia Kumora e latalata ane i lo latou aiga. Sa maua e ia papa tusi o loo tanumia i lalo o se maa tele, i totonu o se pusa sima. Sa i ai foi le Orima ma le Tumema i totonu o le pusa.
Sa oo mai le agelu o Moronae ia losefa. Sa taofi e ia losefa e aua na te aveina papa tusi i lona aiga. A e ia alu atu i lea mauga i lea lava aso mo tausaga e fa.
Sa usiusitai losefa ia Moronae. Sa ia alu atu i tausaga taitasi e fa i le mauga o Kumora. O i inā na aoao ai o ia e Moronae. Sa tau atu e Moronae ia losefa le Ekalesia moni a lesu Keriso. O le a toe faatu e lesu lana Ekalesia i le lalolagi.
1 le 1827, sa tuu atu loa e Moronae papa tusi ia losefa. E fa tausaga o faatalitali losefa. Sa fai atu Moronae ia losefa ia ona tausia lelei papa tusi.
Sa ave loa e losefa papa tusi i lona aiga. Sa manao o ia e tausi faalelei. Sa i ai tagata amio leaga sa latou taumafai e gaoi papa tusi. A e sa nanā lilo e losefa ina ia latou le mauaina. Sa fesoasoani le Atua ia losefa i le puipuiga o papa tusi.