Mataupu 4
O Matina Harisi ma Itulau na Leiloa
1824-1828
E matitiva le aiga o losefa. Latou te manaomia ni tupe. Sa manao lava losefa e fesoasoani i lona aiga. O lea na alu ai o ia i le setete o Penesilevania e faigaluega ai. Sa nofo o ia i le fale o le tamaloa e igoa ia Hale.
O Hale e i ai lona afafine e igoa ia Ema. Sa faamasani losefa ma Ema. Sa oo ina laua alofa i le tasi ma laua faaipoipo ai. Ina ua uma ona faaipoipo sa laua o loa ma nonofo i le aiga o losefa. Sa fesoasoani losefa i lona tama i le faatoaga.
Sa toatele tagata sa latou iloa o loo ia losefa papa tusi auro. Sa taumafai i latou e gaoi papa tusi. Sa latou faatuputupu misa ia losefa. Sa latou fai tala tau faaleaga e uiga ia te ia ma lona aiga.
Ona o le tele o sauaga, sa manatu losefa ma Ema e tatau ona o ese mai le aiga. Sa mananao e o i Penesilevania e nonofo ai latalata i le aiga o Ema. A e sa leai sa laua tupe e o ai.
Sa nofo latalata ia losefa Samita se alii e igoa ia Matina Harisi. E tele le faatoaga a Matina Harisi. E tele foi ana tupe. Sa alofa Matina ia losefa ma Ema. Sa ia avatu ia i laua se tupe e o ai. Sa o loa i laua i Penesilevania.
Sa amata loa ona faaliliu e losefa papa tusi. Sa le malamalama losefa i tusitusiga sa i papa tusi. A e sa fesoasoani le Atua ia te ia. Sa faaaoga e losefa le Urima ma le Tumema na te iloa ai le uiga o upu. Ua mafai ona tatou maua nei le tusi na faaliliu e losefa. Ua taua lena tusi o le Tusi a Mamona.
Sa malaga atu Matina Harisi i Penesilevania. Sa fesoasoani o ia ia losefa i le faaliliuga. Sa faitau e losefa upu mai papa tusi, a e tusi e Matina Harisi i lalo. Sa faaliliu e losefa ma Matina itulau e 116 o le Tusi a Mamona.
Sa manao Matina Harisi na te ave i lona aiga itulau e 116. Sa manao o ia e faaali i longa aiga. Sa ole atu losefa i le Atua pe tuu atu ia Matina itulau e 116 e alu ma ia i lona aiga. Sa tali mai le Alii e leai. Sa toe ole atu losefa. Sa toe tali mai le Alii e leai.
Sa manao lava Matina e alu ma ia itulau i lona aiga. Sa tali mai loa le Alii ua lelei. A e ʻaua neʻi faaalia i nisi tagata.
Sa folafola mai e Matina o le a ia usiusitai i le Alii. Sa alu loa o ia ma ave itulau. Sa ia faaali atu i lona aiga. Sa faali atu e ia i isi foi tagata. Ona ia faataatitia ai lea o itulau i lona fale.
E alu atu o ia i se taimi mulimuli ane i le mea na ia tuu ai itulau, ua leai. Sa sue solo e ia. Sa ia le mauaina. Ua leiloa.
Sa popole tele losefa ina ua leiloa itulau. Sa le mafai ona ia moe.
Sa fetalai mai lesu ia losefa, ua fai e Matina Harisi se mea leaga. Sa folafola mai e Matina o le a ia usiusitai i le Alii, peitai sa ia le tausia lana upu. O lenei la ua leiloa itulau. E le toe avea foi la Matina Harisi ma se fesoasoani i le faaliliuga o le tusi.
Sa fetalai mai lesu ia losefa sa manao lava Satani ia leiloa itulau. Ua maua e tagata leaga. E mananao Satani ma tagata leaga e taofi le galuega a le Atua. Latou te le mananao ia talitonu tagata i le Tusi a Mamona. Sa fetalai mai lesu, e le mafai e Satani ona taofi le galuega a le Atua. E le mafai foi e tagata leaga ona taofi le galuega a le Atua.
Sa fetalai mai lesu ia losefa e ʻaua le toe popole i tala o loo i ai i itulau ua leiloa. O ia tala o loo tusia foi i se isi vaega o papa tusi auro. Sa fetalai mai lesu ia faaauauina pea e losefa le faaliliuina o le isi vaega o papa tusi. Ona mafai lea e tagata lelei ona faitau i le Tusi a Mamona. O le a latou talitonu e moni lava le tusi. O le a latou aoao ai i le Ekalesia.