Mataupu 37
O Taitai o le Perisitua
Fepuali 1835
Sa fai e losefa Samita se fonotaga taua i Katelani, Ohio. Sa ia fai atu i uso o le Tolauapiga a Siona ia o mai i ai. Sa fai atu losefa ia i latou, ua finagalo le Atua ia tofi ni aposetolo se toa 12 e fesoasoani e taitai lana Ekalesia.
Sa fetalai mai le Alii ia Oliva Kaotui, ma Tavita Gitimera, ma Matina Harisi, ia latou filifilia aposetolo. Sa oo ina faamanuia e le Au Peresitene Sili i le fonotaga lena Oliva, ma Tavita, ma Matina. Ona latou tatalo faatasi lea; ona latou filifili ai lea o ni uso lelei e toa 12.
Sa oo ina faauuina ia uso e avea ma aposetolo e toasefulu ma le lua.
O aposetolo o ni alii taua tele i le Ekalesia. Ga latou iloa o lesu o lo tatou Faaola. Latou te aoao atu le tala lelei i le lalolagi atoa.
Ina ua mavae ni aso, sa toe tofia nisi alii e avea ma taitai i le Ekalesia. E fesoasoani le Korama Muamua a Fitugafulu i aposetolo. O i latou e taitaia le talaiga o le tala lelei i le Ekalesia.
O le tasi aso na fai ai se fonotaga a le au aposetolo e toasefulu lua. Sa latou sauniuni e o e fai misiona. Sa latou taumafai ia latou amio tonu. Sa latou mananao i le feaoasoani mai a le Tama o i le lagi.
Sa talosaga atu le au aposetolo ia losefa Samita e tatalo atu mo se faaaliga e fesoasoani i a latou misiona. Sa oo ina tuuina mai e lesu ia losefa ma le au aposetolo se faaaliga silisili lava. Sa ia faamatala mai ia i latou e uiga i le perisitua.
O le perisitua o le mana o le Atua. O le mana lea ua sili i le laolagi. E tuu mai e le Atua le perisitua i uso amio tonu. E faaaoga e tagata le perisitua e fai ai le galuega a le Atua.
E lua perisitua o loo i ai i le Ekalesia. O le tasi o le Perisitua Mekisateko. Ga umia e taitai o le Ekalesia le Perisitua Mekisateko. O ia taitai, o le Peresitene o le Ekalesia ma ona fesoasoani, Aposetolo e Toasefulu Lua, ma le Korama Muamua a Fitugafulu.
O le Peresitene o le Ekalesia o le Perofeta a le Atua. O ia na te tau mai i tagata le finagalo o le Alii. E i ai isi e fesoasoani ia te ia. O i laua ia o ona fesoasoani. O le Perofeta ma ona fesoasoani, o le Au Peresitene Sili lena o le Ekalesia.
E i ai foi isi alii o le Ekalesia ua latou umia foi le Perisitua Mekisateko. Ga ta’ua i latou o faitaulaga sili, ma fitugafulu, ma toeaina. E mafai ona tofia faitaulaga sili e avea ma peteriaka, ma peresitene o siteki, ma lagolago maualuga, ma epikopo.
E i ai nisi alii e tofi e avea ma fitugafulu. 0 i latou e talaia le tala lelei i uarota ma siteki.
O isi e filifilia e fai ma toeaina. O toeaina e o e fai misiona.
E mafai e alii uma e umia le Perisitua Mekisateko ona faamanuia tagata. E mafai foi ona latou tuu le Agaga Paia i tagata.
O le isi perisitua o le Perisitua Arona. O tofi e i ai i le perisitua lena, o le ositaulaga, ma le aoao, ma le tiakono. E mafai e ositaulaga ona papatiso tagata, ma faamanuia le faamanatuga, ma fesoasoani i toeaina.
O aoao e fesoasoani e sauni le faamanatua. E avea foi i latou ma faiaoga asiasi, ma fesoasoani i uso o le Ekalesia ia latou ola i ni olaga lelei.
O tiakono e tufaina le faamanatuga ma fesoasoani i le epikopo. O i latou e aoina foi le taulaga anapogi.
Ga fetalai mai le Alii e tatau i alii uma e umia le perisitua ona latou iloa mea ua finagalo le Atua latou te faia. E tatau ona latou galulue malosi, ona faamanuia ai lea o i latou e le Tama o i le lagi.