Mataupu 18
O le Tulafono o le Ekalesia
4 Fepuali 1831
Sa fetalai mai le Alii e ao i le au paia ona aoao atu le tala lelei i tagata uma. O alii uma e o e fai misiona, e tatau ona faauu i le perisitua e taitai o le Ekalesia.
E tatau ona taitoalua faifeau e galulue faatasi. E tatau ona latou aoao atu mai le Tusi Paia ma le Tusi a Mamona, ma tatalo atu ina ia faatasi mai le Agaga Paia ia i latou. O le a ta’u mai e le Agaga Paia ia i latou mea e ao ina latou aoao atu.
E tatau i faifeau talai ona papatiso tagata e talitonu i le tala lelei.
Sa fetalai mai le Alii e ao i uso o le Ekalesia ona usiusitai i Tulafono e Sefulu. Aua nei fasioti tagata. Aua nei molimau pepelo. Aua latou te faia ni tala le lelei e uiga i isi tagata. E le tatau ona latou faia lava ni mea leaga.
E tatau i le au paia ona fetufaai a latou mea ma nisi tagata e faapei o lesu.
Sa tuuina mai e lesu i le au paia isi tulafono. Aua nei manatu se tasi o le au paia ua sili atu o ia i se tasi tagata. E tatau ona mama le au paia. E tatau ona galulue malosi.
E tatau i le Au Paia ona tausi e e mamai. E tatau ia i latou ua umia le perisitua ona faamalolo uso e mamai. 0 uso o le Ekalesia e faatuatua, e faamaloloina i latou. E le oti i latou sei loga e oo i le taimi latou te oti ai.
O uso amio tonu o le au paia, e le fefefe i le oti. 0 le oti o se mea matagofie i e e amio tonu.
0 le a tuuina mai e lesu faaaliga e tele i e e amio tonu. E tele mea o le a ia aoao mai ia i latou. O le a latou iloa le ala latou te maua ai le fiafia tele. Sa poloai mai le Atua i le au paia ia latou usiusitai i le Tulafono o le Ekalesia.