Mataupu 14
O le Perofeta ma Faaaliga mo le Ekalesia
Setema 1830
Sa malaga atu Ema ma losefa i Niu loka e nonofo ai. O i inā sa nofo ai se alii e igoa ia Ailama Pese. Sa auai lenei alii i le Ekalesia, ma sa fai mai ua ia te ia se maa e fesoasoani ia te ia na te maua ai faaaliga mo le Ekalesia.
Sa toatele tagata o le Ekalesia e talitonu ia Ailama Pese. Sa talitonu foi i ai Oliva Kaotui. Sa manatu nisi o Ailama o se perofeta.
Sa fesili Oliva ia losefa e uiga ia Ailama Pese. Sa oo ina tatalo atu losefa i le Atua e uiga i lena mea, ma faapea ona oo mai ai o se faaaliga ia losefa, mo Oliva Kaotui. Sa fetalai mai lesu na’o le toatasi lava le tagata na te talia faaaliga mo le Ekalesia. O lena tagata, o le perofeta o losefa Samita.
Sa fetalai mai lesu e mafai e tagata ona maua faaaliga mo i latou lava. A e na’o le perofeta lava na te maua faaaliga mo le Ekalesia aoao. Sa talitonu Oliva ia losefa. Sa oo ina ia iloa e le o ni faaaliga moni na oo ia Ailama Pese.
Ona fetalai mai lea o lesu ia Oliva ia tautala atu ia Ailama Pese. Ona fai atu lea o Oliva ia Ailama e le o ni faaaliga mai le Atua ana faaaliga. O faaaliga mai ia Satani.
Sa fai atu Oliva ia Ailama Pese ua faasese o ia e Satani. Sa faalogo Ailama ia Oliva, ma ia salamo.
Na’o le toatasi lava le tagata na te mauaina faaaliga mo le Ekalesia. O lena tagata o le Peresitene o le Ekalesia. O ia lena o le taitai o le Ekalesia. O ia o le perofeta a le Atua. E tatau ona faalogo tagata uma o le Ekalesia i le perofeta.