Mataupu 23
O le Mataupu Faavae ma Feagaiga
Aokuso - Novema 1831
Sa oo ina tuua e losefa Samita ma nisi o le au paia ie setete o Misuli, a e toe foi atu i Katelani, i Ohio. O i inā na fai ai le konafesi a le au paia.
E tele faaaliga na tuuina mai e le Alii ia losefa Samita. Sa tusia e losefa ia faaaliga. Sa mananao le au paia e lomia ia faaaliga i se tusi e faaigoa o le Tusi o Poloaiga. (Vaai MFF 67: Faatomuaga o le mataupu). Sa faaigoa lea tusi i se taimi mulimuli ane, o le Mataupu Faavae ma Feagaiga.
Sa fetalai mai le Alii ia losefa ua taua tele ia faaaliga, ma e mai le Atua. Ua moni uma mea ua i ai. Sa oo ina toe tuuina mai e lesu ia losefa Samita nisi faaaliga e lua. O le tasi e mo le amataga o le tusi o le Mataupu Faavae ma Feagaiga. A’o le tasi e mo lona faaiuga. Ua ta’u mai i ia faaaliga o se tusi taua tele le Mataupu Faavae ma Feagaiga,
Ua tau mai e le Mataupu Faavae ma Feagaiga i tagata uma ua i ai nei i le lalolagi le Ekalesia moni a lesu Keriso.
Ua faamatala mai e le Mataupu Faavae ma Feagaiga e uiga i le perisitua. Ga toe maua e alii amio tonu le mana o le perisitua.
Ua faamatala mai i le Mataupu Faavae ma Feagaiga le Tusi a Mamona. E mafai e tagata ona faitau le Tusi a Mamona. E mafai ona iloa e tagata uma e uiga i le tala lelei a lesu Keriso.
Ua aoao mai foi le Mataupu Faavae ma Feagaiga i le au paia ia latou fetufaai. O i latou e fetufaai, e faatumuina i latou i le Agaga Paia.
Ua aoao mai i le Mataupu Faavae ma Feagaiga poloaiga a le Atua. O tagata o le au paia e usiusitai i ia poloaiga, e mafai ona latou faatuina Siona. E mafai ona latou mau faatasi ma le Tama o i le lagi ma lesu Keriso e faavavau.
Ua fetalai mai lesu e tatau i tagata uma o le au paia ona latou faitau le Mataupu Faavae ma Feagaiga.
Ina ua uma le konafesi, sa toe foi Oliva Kaotui i Misuli. Sa ia alu ma ave faaaliga na tusia e losefa. Sa ia alu atu ma avatu i se alii lomi tusi. Sa ia fai atu i alii lomi tusi, ia lomia ni tusi se 3,000. Peitai sa oo ina taofi e tagata amio leaga le fale lomi tusi, ma susunu le tele o ona itulau.
Sa faafetai atu le au paia i le Tama o i le lagi mo ia faaaliga o loo i le Mataupu Faavae ma Feagaiga. Sa latou folafola atu o le a latou tau atu i isi o ia faaaliga e mai le Atua.