Mataupu 36
Ole Toagalauapiga a Siona
Fepuali-Iuni 1834
A o i ai losefa Samita i Katelani, Ohio, sa ia faalogo ua sauaina le au paia i Misuli. Ua tutuli ese i latou e tagata leaga mai o latou fale. Sa tatalo le au paia i le Tama o i le lagi mo se fesoasoani.
Sa oo ina tuuina mai e lesu se faaaliga ia losefa Samita. Sa ia fetalai mai e tatau ona o atu nisi o alii o le Ekalesia i Misuli e fesoasoani i le au paia. O le a taitai losefa Samita ia i latou. Sa finagalo le Alii i ni alii se 500 e o.
Sa usiusitai losefa i le Alii. Sa ia fai atu i le au paia e tatau ona o atu ni alii se 500 i Siona i Misuri. Sa ia talosaga atu i alii e o mai i Katelani. Na,o le 100 alii na o mai. Sa le uisuitai isi alii o le Ekalesia i le Alii.
Sa faaigoa le 100 lea o le Toagalauapiga a Siona. Sa amata ona latou malaga atu i Siona. Sa savavali nisi, a e sa tietie isi i taavale solofanua. Sa latou malolo i po. E 100 nisi uso na o ane latou te ’au faatasi, a’o latou malaga atu.
O le mamao o le mea na latou malaga ai, e 1,000 maila. Sa umi ma faigata le malaga. Sa le lava foi a latou mea ’ai.
Sa fai mai nisi o uso ua faigata tele le malaga. Sa latou lē fiafia foi i mea ’ai. Sa latou fai mai e lē o se taitai lelei losefa. Sa oo ina fai atu losefa i ia uso ia latou salamo. A latou le salamo, o le a latou mama’i ma feoti ai.
O nisi o tagata na malaga atu, sa amio tonu. Sa latou fesoasoani malosi ia losefa Samita. Sa latou usiusitai i poloaiga a le Atua. Sa latou faaali atu lo latou alofa tele i le Ekalesia a lesu Keriso. Sa manatua pea e losefa Samita lo latou fesoasoani malosi ia te ia.
Sa oo ina taunuu le Toagalauapiga a Siona i Misuli, ma latou toalauapi latalata i se vai tafe.
Sa oo ina iloa i latou e tagata leaga. Ina ua oo i le po, sa o mai tagata leaga i le mea na toalauapi ai ma taumafai e fasioti i latou.
Sa oo ina auina mai e le Atua se afā malosi na gaui ma pa’u’u ai laau i lalo. Sa oo ina sau se timu aisa ma feemo mai uila ma taia ai laau ma pa’u’u i lalo. Sa lolo foi le laueleele. Sa taia le tasi tamaloa o tagata amio leaga i le uila ma oti ai. E toatele foi isi tagata leaga na lavevea.
Sa fefefe tagata leaga auā ua latou iloa ua puipui mai le Atua i uso o le Toagalauapiga a Siona. Sa oo ina latou sosola ese a e saogalemu ai uso o le Toagalauapiga a Siona. Sa lei lavevea foi uso o le Toagalauapiga a Siona i le timu.
Ina ua mavae le lua o aso, sa oo ina tuu mai e le Alii ia Iosefa se faaaliga. Sa fetalai mai le Alii e mafai e uso o le Toagalauapiga a Siona o nonofo i Misuli pe toe foi i Katelani.
Sa fetalai mai lesu e i ai nisi o uso o le Toagalauapiga a Siona sa lei usiusitai ia te ia. Ua ia lē fiafia ia i latou. Peitai sa usiusitai isi uso o le Toagalauapiga a Siona. Sa fetalai mai lesu o le a ia tuuina mai ia i latou se mana faaopoopo.
Ina ua mavae ni nai aso, sa oo ina mamai le toatele o uso o le Toagalauapiga a Siona. E toasefulu fa na feoti. Sa fai atu losefa ia i latou o le a latou feoti pe a latou lē salamo.
Sa oo ina alu atu losefa Samita ma faatasi ma le au paia i Misuli. Sa ia filifili ni uso e faatulaga ai le au lagolago maualuga. Ona toe foi atu lea o losefa ma e na faatasi ma ia i Katelani.
Sa lē fesoasoani uso o le Toagalauapiga a Siona i le au paia i Misuli. Sa lē mafai ona latou fesoasoani ona sa latou lē usiusitai i le Atua. Na fetalai mai le Atua na’o tagata amio tonu e mafai ona latou faatuina Siona