Mataupu 35
Ua Tuua e le Au Paia le Itu Malo o Siakisone, Misuli
Setema - Tesema 1833
Sa musu le kovana e fesoasoani mai i le au paia. Sa ia fai mai ia Viliamu Felepi ma Osona Aiti e o e fai i faamasino e fesoasoani mai ia i latou. Peitai sa faauo faamasino ma tagata leaga. Sa mumusu e fesoasoani mai i le Au Paia.
E ono aso o osofaia le au paia e tagata leaga. Sa latou talepe o latou fale. Sa latou fafasi uso o le au paia. Sa latou o mai faamalosi i totonu o fale oloa o le au paia ma feato solo oloa i totonu o le fale.
Sa tutuli ese e tagata leaga le Au Paia mai o latou fale. O le taimi tonu o le tau malulu. Sa toatele e na maliliu ona o le malulu. Sa oo ina o atu le au paia i isi nuu o Misuli e sosola ese ai mai tagata leaga.
Sa faanoanoa le au paia. Sa faaleagaina o latou fale, ma fale oloa, ma faatoaga. Sa gaoia a latou lafu manu. Sa mumusu foi le malo ma faamasino e fesoasoani ia i latou.
Sa tumau pea le faatuatua o le au paia i le Atua. Sa latou iloa ua moni le Ekalesia a lesu Keriso. Sa latou iloa mautinoa foi o losefa Samita o se perofeta a le Atua.
Sa i Katelani, Ohaio, losefa Samita. Sa tuuina mai e lesu ia te ia se faaaliga. Sa ia ta’u mai ia losefa le pogai ua sauaina ai le au paia. Sa le usiusitai nisi o i latou i poloaiga a le Atua.
Sa fetalai mai lesu sa le galulue faatasi le au paia. Sa latou le fetufaai foi. Sa latou fai tala faatiga i le tasi, ma sa latou le tatalo atu i le Atua i taimi na latou fiafia ai. Latou te lei faafetai atu lava i le Atua. Faato’a latou tatalo atu lava ia te ia pe a latou manaomia se fesoasoani.
Sa fetalai mai lesu e tatau i le au paia ona saunia mo lona toe afio mai. O le a filemu le lalolagi pe a ia afio mai. O le a faamanuiaina tagata o le au paia o e e mafatia mo lesu. O le a leai se mana o Satani e faaosooso ai le au paia. O le a leai se tasi e faanoanoa. O le a leai se tasi e oti. A afio mai lesu, o le a fiafia tagata uma.