Mataupu 48
O Faifeau Talai i Isi Atunuu
Iuni 1837–Oketopa 1841
Sa finagalo le Alii ia faalogo tagata o isi atunuu i le tala lelei. Sa ia fetalai mai ia losefa Samita e tatau ona auina atu nisi o le au paia e fai misiona i Egelani. Sa oo ina tofia Elder Hipa C. Kemupale ma isi uso e toatolu e o e fai misiona i Egelani. Sa latou malaga atu i Egelani i se vaa.
Sa latou feiloai ma se alii fai lotu. Sa tuu atu e lenei alii fai lotu le avanoa i faifeau e lauga ai i lana au lotu. Sa toatele e na talitonu i faifeau talai, ma mananao e papatiso. Sa oo ina ita lenei alii fai lotu ma fai mai i faifeau e le mafai ona latou toe lauga i lana lotu.
Sa o atu faifeau ma talai i tagata i o latou aiga. Sa toatele tagata sa liliu mai i le Ekalesia a lesu Keriso o le Au Paia o Aso e Gata Ai.
Sa toe auina atu nisi uso e fai misiona i Egelani. O nisi o i latou o aposetolo. Sa talanoa atu losefa ia i latou a e lei o atu. Sa ia aoao atu ia i latou mea e tatau ona latou aoao atu i tagata.
Sa fai atu iosefa i aposetolo ia latou usiusitai i poloaiga a le Atua. Sa ia aoao atu ia i latou e uiga i le perisitua. Sa ia fai atu ia i latou na’o le Ekalesia moni a lesu Keriso e i ai le perisitua.
Sa sauni loa nei uso e malaga atu e fai misiona. Sa leai ni a latou tupe e malaga atu ai. O le toatele o i latou sa mama’i. Sa mama’i foi nisi o a latou avā ma fanau. Peitai sa iloa e ia uso o le a fesoasoani mai ia i latou le Tama o i le lagi, ma o le a ia faamanuia mai i o latou aiga.
Sa oo ina malaga atu faifeau talai i Egelani. Sa latou talai atu le tala lelei i nuu e tele. E afe ma afe tagata na talitonu i le tala lelei. Sa latou auai i le Ekalesia a lesu Keriso. Sa faamanuia e le Tama o i le lagi faifeau talai. Sa latou toe foi mai i o latou aiga ma le manuia.
O Osona Aita o se tasi o aposetolo e toasefulu lua. Sa fai atu losefa ia Osona ua ia te ia se galuega faapitoa na te fai mo tagata Iutaia. Sa oo ina alu atu Osona i le laueleele o Palesitina. O Oketopa 24, 1841 na fai ai e Osona se tatalo e faapaia ai le laueleele o Palesitina.
Sa ia ole atu i le Tama o i le lagi ia faamanuia mai i le laueleele. Sa ia tatalo atu i ai maua se vai e ola ai mea toto. Sa ia tatalo atu ia mafai e fanau uma a Aperaamo ona o atu i Palesitina e nonofo ai ma fai ai o latou fale ma faatoaga.
Sa faamanuia e le Atua le laueleele o Pelesitina. Cla ta’ua lea laueleele i ona po nei o Isaraelu. O le 1979 na fai ai e Peresitene Sipenesa W. Kemupale se tatalo e faapaia ai se togalaau fugalaau i Isaraelu ua ta’ua o le Togalaau Faamanatu o Osona Aita.