Mataupu 20
O Mea Alofa a le Agaga Paia
8 Mati 1831
Sa le malamalama nisi o le au paia e uiga i le Agaga Paia. Sa fetalai mai lesu ia losefa Samita e uiga i le Agaga Paia. E fesoasoani le Agaga Paia i le Tama o i le lagi ma lesu. E leai se tono o aano ma ivi o le Agaga Paia. O ia o se agaga.
Sa fetalai mai lesu e fesoasoani le Agaga Paia i tagata amio tonu. E fesoasoani o ia i le Atua e tuu mai i tagata amio tonu mea alofa faapitoa. Ga tofu tagata uma lava o le au paia ma le mea alofa faapitoa. E tatau i tagata o le au paia ona faaaoga a latou mea alofa e fesoasoani ai i le tasi. Sa tau mai e lesu ia losefa ia mea alofa.
E tuu mai e le Agaga Paia i nisi tagata o le au paia le mea alofa o le molimau. Latou te iloa ai o lesu o le Alo o le Atua. Latou te iloa ai foi na maliu o ia mo i tatou. A e tuuina mai i isi le mea alofa o le talitonu i molimau e uiga ia lesu.
E tuu mai i isi tagata o le au paia le mea alofa o le avea ma taitai.
A e ua tuuina mai i isi tagata o le au paia le mea alofa latou te iloa ai tagata amio tonu ma tagata amio leaga. O agaga amio tonu, e auina mai e le Atua. Latou te aumai ia i tatou le fiafia. Ua faapei i latou o le melamalama. O agaga leaga, e o mai mai ia Satani. Latou te faaoso le sauā ia i latou. Ga faapei i latou o le pouliuli.
E tuu mai e le Agaga Paia i nisi tagata o le au paia le mea alofa o le poto. Latou te faia ai filifiliga lelei. O isi e tuuina mai i ai le mea alofa o le aoao. E mafai ona latou aoao atu i isi o le au paia mea ua latou malamalama i ai. E mafai foi ona latou aoao i isi o le au paia auala latou te fai ai filifiliga lelei.
O isi o le au paia ua tuuina mai i ai le mea alofa o le faatuatua e faamalolo ai. O isi o le mea alofa e faamalolo ai e mamai. E tuuina mai i nisi o le au paia le mea alofa e fai ai vavega. E faaalia le mana o le Atua i vavega.
O isi e tuuina i ai le mea alofa o le tautala i gagana latou te le iloa.
E tuu mai e le Agaga Paia i isi tagata o le Ekalesia le mea alofa latou te iloa ai mea o le a tutupu mai.
O isi o le Au Paia e tuu atu i ai mea alofa e tele.
E iloa e le epikopo mea alofa a tagata taitoatasi o le au paia. Ma te iloa i latou e avea ma faiaoga lelei. ha te iloa i latou e mafai ona faia vavega. Na te iloa i latou e alolofa i le Atua ma usiusitai i Ana poloaiga.
E mafai e tagata amio tonu o le au paia ona latou maua mea alofa e tele. E tatau ona latou galulue ia latou maua mea alofa latou te manaomia. O ia mea alofa uma e mai le Atua.