Ang Pamilya Yanagida

Ikapulo ug pagtuo kang Jesukristo

Si Toshiko ug Tokichi Yanagida uban sa ilang pamilya.

Si Toshiko ug Tokichi Yanagida nagpuyo sa Japan. Mituo sila ni Jesukristo ug mipasakop sa Iyang Simbahan. Apan ang kinabuhi sa Japan lisod niadtong panahona. Adunay gubat nga mibungkag sa daghang panimalay ug bilding. Ganahan si Toshiko ug Tokichi nga magtukod og balay para sa ilang pamilya, apan pobre kaayo sila.

Mga Santos, 3:688

Ang mga Yanagida nga nakig-isorya sa mga misyonaryo sa Simbahan.

Nahibalo ang mga Yanagida nga ganahan ang Ginoo nga mobayad sila sa ikapulo, apan dili sila segurado kon makahimo ba sila. Nangutana si Toshiko og usa ka misyonaryo kon unsa ang angay nilang buhaton. “Lisod para namo ang ikapulo,” misulti siya. Misaad ang misyonaryo nga kon magbayad sila sa ilang ikapulo, ang Ginoo motabang nila nga makab-ot ang ilang tumong nga makaangkon og panimalay.

Doktrina ug mga Pakigsaad 119; Mga Santos, 3:688–89

Nakahukom si Toshiko ug Tokichi nga magpadayon sila sa pagbayad sa ikapulo.

Si Toshiko ug Tokichi nagduha-duha. Ang ilang kwarta igo-igo ra nga ipalit og paniudto sa eskwelahan sa ilang anak. Apan nakahukom sila nga mosalig sa Ginoo ug mobayad sa ikapulo.

Mga Santos, 3:688–89

Ang mga Yanagida nagbarog duol sa lote sa ilang umaabot nga panimalay.

Ang Ginoo mipanalangin sa pamilya Yanagida. Sa wala madugay nakapalit sila og yuta ug nagsugod sa pagtukod og panimalay.

Mga Santos, 3:689

Usa ka trabahante sa konstraksiyon nga nagsulti sa mga Yanagida nga dili matukod ang ilang panimalay.

Usa ka adlaw usa ka inspektor ang miabot. Misulti siya nga dunay problema sa ilang yuta, ug dili sila makatukod og balay didto. Iyang gisugo ang mga trabahante sa paghunong.

Mga Santos, 3:689

Usa sa mga misyonaryo nga nakigsulti sa pamilya.

Naguol kaayo ang mga Yanagida. Gisultihan nila ang mga misyonaryo kon unsa ang nahitabo. Ang mga misyonaryo misulti nga magpuasa ug mag-ampo sila uban sa mga Yanagida.

Mga Santos, 3:690

Konstraksiyon sa panimalay sa pamilya nga gipadayon.

Sa kadugayan, lain nga inspektor ang miabot. Misulti siya nga ang problema sa ilang yuta masulbad. Ang mga Yanagida makatukod na sa ilang panimalay. “Tingali kamong duha adunay maayo kaayo nga gibuhat kaniadto,” ang inspektor misulti ni Toshiko ug Tokichi. Nasayod sila nga ang Ginoo mipanalangin nila. Malipayon sila nga misalig sila Kaniya ug mibayad og ikapulo.

Mga Santos, 3:690