Si Parley ug Thankful Pratt

Hugot nga pagtuo aron mosunod sa Espiritu

Si Parley Pratt ug Thankful Pratt mga mag-uuma sa Ohio. Usa ka adlaw, gibati ni Parley ang Espiritu nga nagsutli kaniya sa pagbiya sa iyang panimalay aron magtudlo sa mga tawo kabahin sa Biblia.

Mga Santos, 1:105

Si Parley ug Thankful nga mibiya aron magtudlo kabahin sa Biblia.

Gibaligya ni Parley ug Thankful ang ilang umahan. Wala sila masayod kon asa sila paingon, apan misalig sila nga ang Dios mopanalangin kanila tungod sa pagserbisyo Kaniya.

Mga Santos, 1:105

Si Parley nga minghaw-as sa sakayan didto sa New York.

Si Parley ug Thankful nagdala og pipila ka sanina ug kwarta ug misakay sa sakayan. Samtang mibyahe sila padulong sa New York, ang Espiritu misulti kang Parley nga mohaw-as sa sakayan. Gihangyo ni Parley si Thankful nga moadto nga dili siya kauban. Misaad siya nga mobalik ra siya sa dili madugay. Iyang gibati nga adunay usa ka butang nga gustong ipabuhat ang Dios kaniya didto sa New York.

Mga Santos, 1:105

Si Parley nga nagkat-on mahitungod sa Basahon ni Mormon.

Si Parley naglakaw og layo. Sa kataposan miadto siya sa balay sa usa ka magwawali. Ang magwawali misulti kang Parley mahitungod sa usa ka talagsaon nga basahon nga gihatag kaniya sa usa ka tawo. Kini gikan sa bulawang mga palid ug gisulat sa dugay na nga panahon. Kini gitawag og ang Basahon ni Mormon. Ang batan-ong lalaki sa New York mihubad niini uban sa gahom sa Dios.

Mga Santos, 1:106

Si Parley nga nakadawat og pagpamatuod bahin sa Basahon ni Mormon.

Si Parley nakuryoso kaayo. Ang magwawali mipakita ni Parley sa basahon. Mahinamon, giablihan kini ni Parley ug misugod sa pagbasa. Mga oras ang milabay, apan dili siya makahunong sa pagbasa, bisan sa pagkaon o pagkatulog. Ang Espiritu sa Ginoo misulti kaniya nga kini tinuod.

Mga Santos, 1:106

Si Parley ug Hyrum Smith naghisgot mahitungod sa Basahon ni Mormon.

Si Parley ganahan kaayo sa Basahon ni Mormon, gusto niya nga pangitaon ang tawo nga mihubad niini. Miadto siya sa umahan sa pamilya Smith, diin iyang nahimamat si Hyrum, ang igsoong lalaki ni Joseph. Nag-istoryahanay sila tibuok gabii. Gisultihan ni Hyrum si Parley nga ang Basahon ni Mormon tinuod. Gihatag ni Parley ang iyang kaugalingong kopya sa basahon.

Mga Santos, 1:106

Mipadayon si Parley sa pagbasa sa Basahon ni Mormon.

Samtang siya nagpadayon sa pagbasa, nakat-onan ni Parley nga si Jesukristo mibisita sa mga tawo sa Amerika dugay na nga panahon. Nakita ni Parley nga ang Basahon ni Mormon mas bililhon kay sa tanang katigayonan sa kalibotan. Dili siya makahulat nga mobalik ngadto ni Thankful ug mopakigbahin ngadto kaniya sa unsay iyang nakat-onan.

Mga Santos, 1:106–107; 3 Nephi 11:1–12

Si Parley mipakigbahin sa Basahon ni Mormon ngadto ni Thankful ug sa iyang pamilya.

Gisultihan ni Parley si Thankful ug ang ubang sakop sa iyang pamilya mahitungod sa Basahon ni Mormon. Iya silang gisultihan kon unsay gitudlo niini mahitungod ni Jesukristo. Si Thankful nalipay nga si Parley misunod sa Espiritu ug nakakaplag sa buhat nga gusto sa Dios nga iyang buhaton. Sama ni Parley, nahibaloan mismo ni Thankful nga ang Basahon ni Mormon tinuod.

Mga Santos, 1:112–113