Mahitungod sa Doktrina ug mga Pakigsaad

“Mahitungod sa Doktrina ug mga Pakigsaad,” Mga Istorya sa Doktrina ug mga Pakigsaad (2024)

“Mahitungod sa Doktrina ug mga Pakigsaad,” Mga Istorya sa Doktrina ug mga Pakigsaad

Pasiuna

2:39

Mahitungod sa Doktrina ug mga Pakigsaad

Ang Ginoo namulong pag-usab

Si Jesukristo mipakita ngadto sa katawhan didto sa karaang Amerika.

Ang atong Langitnong Amahan nahigugma kanato. Siya gusto nga maghimo kita og mga pakigsaad, o mga saad, uban Kaniya aron Siya makapanalangin kanato. Iyang gipadala ang Iyang Anak, si Jesukristo, nga mamahimong atong Manluluwas ug motabang kanato nga mahibalik ngadto Kaniya.

Usa ka karaang propeta nga nagsulat diha sa usa ka linukot nga papel.

Ang Dios mipadala usab og mga propeta aron sa pagtudlo kanato bahin ni Jesukristo ug sa Iyang mga sugo. Ang mga propeta nagserbisyo ni Jesukristo ug nagtabang sa pagpangulo sa Iyang Simbahan.

Si Moises nga naggunit sa Napulo ka Sugo.

Si Jesus nagsulti sa mga propeta kon unsa ang itudlo kanato. Ang mga pulong sa mga propeta gikan sa unang panahon nakasulat diha sa mga kasulatan sama sa Biblia ug sa Basahon ni Mormon.

Si Joseph Smith nga naghunahuna kon hain nga relihiyoso nga tradisyon ang sundon.

Sulod sa daghang katuigan human si Jesus dinhi sa yuta, walay mga propeta. Ang mga tawo wala magbuhat ug magtuman sa mga pakigsaad uban sa Dios. Ang Simbahan ni Jesukristo wala na dinhi sa yuta.

Ang Langitnong Amahan ug si Jesukristo nagpakita ngadto ni Joseph Smith.

Apan mitawag dayon ang Dios ni Joseph Smith nga mahimong usa ka propeta. Si Joseph batan-on pa lang, apan ang Dios adunay usa ka importante kaayong ipabuhat kaniya.

Ang katawhan miisa sa ilang mga kamot aron sa pagpaluyo ni Joseph ug Oliver isip mga lider sa Simbahan.

Si Joseph Smith mitudlo bahin ni Jesus. Siya mitabang sa pag-organisar sa Simbahan ni Jesus. Si Jesus mitudlo ni Joseph Smith bahin sa Iyang ebanghelyo ug unsaon pagpangulo sa Iyang Simbahan.

Usa ka pamilya nga nagbasa sa Doktrina ug mga Pakigsaad.

Daghang mga butang nga gisulti ni Jesus ngadto ni Joseph Smith nakasulat diha sa Doktrina ug mga Pakigsaad. Ang Doktrina ug mga Pakigsaad usa ka basahon sa kasulatan nga sama sa Biblia ug Basahon ni Mormon.

Usa ka tinipon nga mga hulagway nga nagpakita kon sa unsang paagi naapektohan ang mga tawo sa Doktrina ug mga Pakigsaad.

Ang Mga Istorya sa Doktrina ug mga Pakigsaad nagsulti kon giunsa ni Jesus pagpabalik, o pagpahiuli, sa Iyang Simbahan, uban sa tabang ni Propeta Joseph Smith ug sa uban. Ang mga miyembro sa Simbahan gitawag og mga Santos. Kini nga mga istorya nagpakita nga ang Dios nahigugma sa Iyang mga anak sa tibuok kalibotan. Siya gusto nga mopanalangin kanato samtang naghimo kita og mga pakigsaad uban Kaniya.