Pebrero 1832

Si Joseph ug Sidney Nakakat-on mahitungod sa Langit

Usa ka panan-awon mahitungod sa mga panalangin sa Dios alang sa Iyang mga anak

Usa ka adlaw, si Joseph Smith ug Sidney Rigdon nagbasa sa Biblia. Ilang nabasa ang mahitungod sa unsay mahitabo sa mga tawo human sila mamatay. Si Joseph ug Sidney naghunahuna sa unsay ilang nabasa, ug gusto silang makat-on pa og dugang.

Doktrina ug mga Pakigsaad 76:11–18

Ang Ginoo mihatag kanila og usa ka talagsaong panan-awon. Nakita nila ang Langitnong Amahan ug si Jesukristo nga gilibotan sa mga anghel. Nakadungog sila og usa ka tingog nag-ingon nga si Jesus mao ang Anak sa Dios. Ang tingog miingon nga si Jesus namatay alang kanato ug dayon nabanhaw—Siya nabuhi pag-usab. Tungod sa Iyang gibuhat, mabanhaw usab kita.

Doktrina ug mga Pakigsaad 76:19–24, 39–43

Si Joseph ug Sidney nakakat-on nga human kita mabanhaw, makapuyo kita sa usa sa tulo ka dapit sa langit, gitawag og mga gingharian. Ang mga tawo nga dili modawat sa ebanghelyo ni Jesukristo moadto sa telestial nga gingharian. Ang Ginoo mikompara niini nga gingharian ngadto sa hayag sa mga bitoon.

Doktrina ug mga Pakigsaad 76:81–86

Si Joseph ug Sidney nakakat-on usab mahitungod sa usa ka gingharian sa usa ka panan-awon sa terrestrial nga gingharian. Kini nga gingharian kay alang sa mga tawo nga nagpuyo og maayo nga kinabuhi apan wala kaayo mituman sa ebanghelyo ni Jesukristo. Dili sila lig-on sa ilang pagtuo Kaniya. Ang Ginoo mikompara niini nga gingharian ngadto sa hayag sa bulan.

Doktrina ug mga Pakigsaad 76:71–80

Ang labing taas nga gingharian mao ang celestial nga gingharian. Ang mga tawo niini nga gingharian mihimo og mga pakigsaad, o mga saad, ngadto sa Dios ug mituman sa ilang mga pakigsaad. Sila naghinulsol ug misunod kang Jesukristo. Nagpuyo sila uban ang Langitnong Amahan ug ni Jesukristo sa kahangtoran ug mahimong sama Kanila. Ang Ginoo mikompara niini nga gingharian ngadto sa hayag sa adlaw.

Doktrina ug mga Pakigsaad 76:50–70

Ang Ginoo misulti ni Joseph ug Sidney nga dili ipakigbahin ang tanan nga ilang nakita sa ilang pana-awon. Apan gusto Niya nga ilang isulat ang mahitungod sa pipila niini ug ipakigbahin kini ngadto sa uban. Daghang miyembro sa Simbahan nga mahinamong mosulti sa mga tawo mahitungod sa panan-awon.

Doktrina ug mga Pakigsaad 76:113–119; Mga Santos, 1:167

Ang pipila ka tawo dili gusto sa panan-awon. Lahi kini sa unsay ilang gituohan. Apan kasagaran sa mga Santos mapasalamaton nga nasayod mahitungod niini nga pagpadayag. Nagpakita kini kanila nga ang Langitnong Amahan nahigugma sa Iyang mga anak ug mihimo og paagi aron sila makabalik ngadto Kaniya.

Mga Santos, 1:167