Si Telii Nagserbisyo sa Ginoo

Pagtukod sa Simbahan sa Tubuai

Si Telii ug ang ubang tawo nga nagsud-ong sa mga misyonaryo nga mga Santos sa Ulahing mga Adlaw nga nangabot.

Usa ka babaye nga ginganlan og Telii nagpuyo sa gamay nga isla nga gitawag og Tubuai. Ang mga misyonaryo sa nagkalain-laing mga simbahan usahay mobisita sa Tubuai, apan kasagaran dili sila magpuyo og dugay didto. Usa ka adlaw niana sa 1844, si Telii mahinamon nga nakadungog nga ang mga misyonaryo gikan sa Ang Simbahan ni Jesukristo sa mga Santos sa Ulahing mga Adlaw miabot sa Tubuai.

Doktrina ug mga Pakigsaad 1:1; 133:8

Si Telii ug si Nabota midapit sa mga misyonaryo nga mopuyo uban nila.

Ang mga misyonaryo nga nagpadulong sa pipila ka mas dagko nga mga Isla. Apan ang mga tawo sa Tubuai gusto nga sila magpuyo ug motudlo kanila sa ebanghelyo. Si Telii ug ang iyang bana, si Nabota, misulti nga ang mga misyonaryo mahimo nga mopuyo sa ilang panimalay. Ang usa sa mga misyonaryo, si Addison Pratt, miuyon.

Mga Santos, 1:651

Si Telli ug si Nabota nga nakigbahin sa pagkaon uban sa usa sa mga misyonaryo.

Si Telii ug si Nabota mipakigbahin sa tanan nga unsay anaa kanila ngadto kang Addison. Sila mitudlo kaniya sa pagkat-on sa pagsulti sa ilang pinulongan. Si Addison mitudlo kanila mahitungod ni Jesukristo.

Si Telii nga gibunyagan samtang si Nabota nagsud-ong.

Ang Espiritu Santo misulti kang Telii ug Nabota nga ang ebanghelyo sa Manluluwas tinuod. Sila ang unang mga tawo sa Tubuai nga nabunyagan.

Mga Santos, 1:651

Si Telii ug ang ubang tawo nagpakigbahin sa ebanghelyo ngadto sa katawhan sa Tubuai.

Si Telii, Nabota, ug si Addison nahimong suod nga mga higala. Dungan sila nga mibiyahi ug misangyaw sa ebanghelyo sa Tubuai ug sa ubang isla. Sa dihang ang mga tawo misulay sa pagsulti sa mga Santos sa Tubuai nga dili unta sila mopasakop sa Simbahan, si Telii mitudlo kanila gikan sa mga kasulatan nga ang Simbahan tinuod.

Mga Santos, 2:35, 56

Si Telii, Nabota, ug ang ubang mga Santos nagdungan og panganta.

Si Telii gusto nga motabang og dugang pa sa mga tawo sa Tubuai sa pagkat-on sa ebanghelyo ni Jesukristo. Nagsulat siya og musika nga ipares sa mga kasulatan ug midapit og daghang mga grupo aron mokanta uban niya sa magabii. Ang pagkanta sa mga awit ni Telii nakatabang sa daghang mga tawo nga makat-on gikan sa mga kasulatan ug makahinumdom unsay ilang nakat-onan.

Doktrina ug mga Pakigsaad 25:12

Si Telii ug ang iyang pamilya nga nag-abiabi sa pamilya ni Addison.

Paglabay sa mga tuig, daghang mga misyonaryo ang miadto sa Tubuai, lakip ang pamilya ni Addison. Giabiabi sila ni Telii sa iyang panimalay. Siya mitrabaho uban sa asawa ni Addison, si Louisa, sa pagserbisyo sa mga babaye sa Tubuai.

Mga Santos, 1:166

Si Telii ug ang iyang pamilya nagpadayon sa pagpakigbahin sa ebanghelyo ngadto sa uban.

Sa wala madugay, ang mga misyonaryo napugos sa pagbiya sa Tubuai ug sa ubang mga isla. Apan si Telii nagpadayon sa pagtudlo ug paggiya sa mga Santos. Tungod sa ehemplo ug pagserbisyo ni Telii, ang Simbahan sa Tubuai nagpabiling lig-on.

Mga Santos, 2:188–89