Septiyembre 1830

Hiram Page ug ang Pagpadayag

Ang mga Santos nakat-on kon sa unsang paagi ang Dios naggiya sa Iyang Simbahan

Si Hiram Page usa ka higala nila ni Joseph Smith ug Oliver Cowdery. Siya usab ang usa sa walo ka saksi sa bulawang mga palid. Si Hiram adunay usa ka bato, ug siya mituo nga ang Dios naggamit niini sa paghatag kaniya og mga mensahe, o mga pagpadayag, alang sa Simbahan. Si Oliver ug ang ubang mga Santos mituo nga ang mga pagpadayag ni Hiram gikan sa Dios.

Doktrina ug mga Pakigsaad 28, ulohan sa seksiyon; Mga Santos, 1:110

Ang mga pagpadayag ni Hiram daw sama sa mga kasulatan. Apan lahi kini sa unsay gitudlo sa Biblia. Lahi usab kini kay sa unsay gisulti sa Ginoo kang Propeta Joseph. Si Joseph dili segurado kon unsay buhaton.

Mga Santos, 1:110

Si Joseph nagpulaw sa tibuok gabii nga nangayo og tabang sa Dios. Nabalaka siya nga basin makahimo og sayop ug makapasakit sa pagbati sa iyang mga higala.

Mga Santos, 1:111

Gusto ni Joseph nga ang mga tawo magtinguha og pagpadayag alang sa ilang kaugalingong kinabuhi. Apan makalibog kon ang tanan mosulay sa pag-angkon og pagpadayag alang sa tibuok Simbahan.

Mga Santos, 1:111

Sa kataposan, ang Ginoo mihatag ni Joseph og pagpadayag nga ipakigbahin ngadto kang Oliver. Ang Ginoo miingon nga ang propeta lamang ang makadawat og pagpadayag ug sa mga sugo alang sa tibuok Simbahan. Siya miingon nga si Oliver kinahanglang motudlo niini ngadto kang Hiram.

Doktrina ug mga Pakigsaad 28:2, 6–13

Gusto sa Ginoo nga makasabot si Hiram nga siya makadawat og pagpadayag alang sa iyang kaugalingong kinabuhi. Apan ang pagpadayag alang sa Simbahan moabot ngadto sa propeta sa Ginoo. Si Hiram naminaw kang Oliver ug naghinulsol. Ang mga Santos karon mas nakasabot kon sa unsang paagi ang Ginoo naggiya sa Iyang Simbahan.

Mga Santos, 1:112