Mga Istorya sa Kasulatan
Usa ka Pagpadayag alang kang Emma

“Usa ka Pagpadayag alang kang Emma,” Mga Istorya sa Doktrina ug mga Pakigsaad (2024)

“Usa ka Pagpadayag alang kang Emma,” Mga Istorya sa Doktrina ug mga Pakigsaad

Hulyo 1830

2:51

Usa ka Pagpadayag alang kang Emma

Gipili sa Ginoo aron mohimo sa Iyang buhat

Si Joseph nga nanamilit kang Emma.

Ang kinabuhi dali kaayong nausab alang kang Emma ug Joseph. Ang Ginoo misulti ni Joseph nga kinahanglan nga hunongon na niya ang pagtutok sa pagpanguma. Hinoon, si Joseph kinahanglang mogahin sa iyang panahon sa pagtudlo sa mga tawo mahitungod ni Jesukristo ug sa pagtabang sa Simbahan sa Ginoo nga molambo.

Doktrina ug mga Pakigsaad 24:7–9; Mga Santos, 1:109

Si Emma nga nagtan-aw sa gawas sa bintana samtang mibiya si Joseph.

Si Emma adunay daghang pangutana bahin niini nga kausaban. Wala siya masayod kon unsa ang iyang kinahanglang buhaton samtang nagserbisyo si Joseph sa Ginoo. Motabang ba usab siya sa Ginoo ug sa Iyang Simbahan?

Mga Santos, 1:109

Si Emma ug Joseph Smith nga nagpahiyom.

Ang Ginoo namulong kang Emma pinaagi sa usa ka pagpadayag nga gihatag ngadto ni Joseph. Iyang gitawag siya, “Emma Smith, akong anak nga babaye.” Iyang gisultihan si Emma nga Siya mipili kaniya ug mitawag kaniya sa pagbuhat sa Iyang buhat. Siya usa ka espesyal nga babaye, ug Siya adunay dagkong mga butang nga iyang buhaton.

Doktrina ug mga Pakigsaad 25:1–3

Si Emma nagpakigbahin sa ebanghelyo.

Ang Ginoo mihangyo ni Emma sa pagbiyahe uban ni Joseph. Ang Ginoo miingon nga si Emma mopasabot sa mga kasulatan ug motudlo sa mga miyembro sa Simbahan. Iyang gisultihan si Emma nga unahon Siya sa iyang kinabuhi ug tumanon ang iyang mga pakigsaad. Siya misaad ni Emma nga siya makabaton sa Iyang Espiritu. Gusto Niya nga siya makakat-on, molambo, ug makadawat sa Iyang mga panalanguin.

Doktrina ug mga Pakigsaad 25:2, 6–10, 15

Si Emma nangulo sa usa ka himno sa usa ka miting sa Simbahan.

Ang Ginoo misulti usab ni Emma nga ganahan Siya nga makadungog nga manganta ang Iyang mga anak. Miiingon nga ang mga kanta sa Iyang mga Santos susama sa usa ka pag-ampo ngadto Kaniya. Gihangyo Niya si Emma sa paghimo og libro sa mga himno nga makanta og dungan sa mga Santos. Si Emma nakakita og daghang nindot nga mga kanta mahitungod sa Ginoo ug sa Iyang ebanghelyo ug gibutang kini sa usa ka hymnbook.

Doktrina ug mga Pakigsaad 25:11–12; Mga Santos, 1:252–53

Si Emma ug Joseph nga nanamilit sa ilang mga silingan.

Ang kinabuhi ni Emma ug Joseph nagpadayon sa pagkausab, apan si Emma nasayod nga ang Ginoo nahigugma kaniya ug adunay katuyoan alang kaniya. Nagserbisyo siya sa Ginoo ug sa mga tawo sa iyang palibot. Mitabang siya nga molambo ang Simbahan ni Jesus.

Doktrina ug mga Pakigsaad 25:13–15; Mga Santos, 1:252–53