Agosto–Oktubre 1840

Ang mga Santos Nakakat-on mahitungod sa Bunyag alang sa mga Patay

Paglaom alang sa mga sakop sa pamilya nga wala mabunyagi

Si Jane Neyman nagpuyo sa Nauvoo. Miadto siya sa lubong diin si Joseph Smith mihatag og pakigpulong. Ang lubong nakapahinumdom ni Jane bahin sa iyang anak nga lalaki nga si Cyrus. Namatay siya ug wala mabunyagi. Si Jane nabalaka bahin ni Cyrus. Nahibalo siya nga kinahanglan kita nga mabunyagan aron makapuyo uban sa Langitnong Amahan.

Mga Santos, 1:480

Nahibalo si Joseph unsa ang gibati ni Jane. Naghunahuna usab siya bahin sa iyang igsoon nga si Alvin, kinsa namatay usab nga wala mabunyagi.

Mga Santos, 1:480

Didto sa lubong, si Joseph mipakigbahin og butang nga gitudlo sa Dios niya. Misulti siya nga kon ang usa ka tawo mamatay nga wala mabunyagi, kita mahimong magpabunyag para nila.

Mga Santos, 1:480

Nalipay kaayo si Jane nga nakadungog niini! Sa wala madugay human sa lubong, miadto siya sa suba kuyog sa usa ka elder sa Simbahan. Gibunyagan niya si Jane para ni Cyrus.

Mga Santos, 1:480

Pipila ka semana ang milabay, si Joseph nagtudlo sa mga Santos og dugang pa bahin sa bunyag alang sa mga patay. Misulti siya nga daghang tawo nga namatay gusto nga magpabunyag. Ganahan sila nga mosunod ni Jesukristo. Naghulat sila ug naglaom sa mga sakop sa ilang pamilya nga buhi pa nga magpabunyag para nila.

Doktrina ug mga Pakigsaad 128:15–19, Mga Santos, 1:483

Ang mga Santos midagan dayon padulong sa suba. Gibunyagan sila alang sa mga tawo nga ilang gihigugma. Si Hyrum Smith gibunyagan para ni Alvin. Sa kadugayan, nagtudlo ang Ginoo nga ang bunyag para sa mga patay kinahanglan nga himoon sulod sa templo, kinahanglan adunay tawo nga magrekord sa matag bunyag, ug ang mga laki bunyagan para sa mga lalaki ug ang mga babaye para sa mga babaye.

Doktrina ug mga Pakigsaad 124:29–32; 127:5–12; 128:1–9; Mga Santos, 1:484