Toʻu Tupú
Faitā ʻa Christina Smith
ʻOku ou ʻofa ʻi he temipalé koeʻuhí ko ha feituʻu ia te te lava ʻo ongoʻi moʻoni ai e Laumālié. Ko ha feituʻu ia ʻo e maʻa ʻa ia te ke lava ʻo ongoʻi moʻoni ai e ʻofa ʻa Kalaisí.
Ne u maʻu e faingamālie ke nofo ʻi he ʻIunaiteti Siteití ʻi ha taʻu ʻe taha. Hili ʻeku tūʻuta ki aí, naʻá ku ongoʻi tuenoa moʻoni ʻi ha vahaʻataimi. Naʻá ku ʻofa ki hoku fāmilí mo hoku ʻapí, ka naʻá ku fefaʻuhi mo ha meʻa ne mahulu ange ai. Naʻe ‘ikai toko lahi hoku kaungāmeʻa ʻi he akó, naʻá ku faingataʻaʻia ʻi he lea mo e anga fakafonuá, pea naʻe hoko ha kiʻi palopalema mo e fāmili ne u nofo aí.
Naʻa mo e lotú, naʻá ku faʻa ongoʻi tuenoa. Ne u ongoʻi ʻoku ou fie foki ki ʻapi. Naʻá ku toe fie sio moʻoni ki hoku fāmilí.
Ka naʻe kamata ke u fakakaukau kia Sīsū Kalaisi mo ʻEne mamahi maʻakú. Naʻá ku lotu, pea naʻe fakanonga au ʻe he ʻOtuá. Naʻe ofi ʻaupito ʻa e temipalé ki he feituʻu naʻá ku nofo aí—miniti pē ʻe ono pea aʻu ki ai. Ko ia ne u fakakaukau ai ke u ʻalu ki he temipalé tuʻo taha ʻi he uike, pea naʻe hoko moʻoni ia ko ha tāpuaki ʻi heʻeku moʻuí.
Ne kamata ke liliu ha ngaahi meʻa. Naʻá ku maʻu ha ngaahi kaungāmeʻa lelei, pea naʻe ʻai ʻe he ʻOtuá ke u lava ʻo hoko atu ki he fakaʻosinga ʻo hoku taimi mamaʻo mei ʻapí. ‘Oku ou ʻilo ne u ongoʻi ʻa e nongá koeʻuhí ko Sīsū Kalaisi. Naʻá Ne ʻomi kiate au ʻa e tokoni mo ha ivi, pea naʻá ku maʻu ai ha loto-toʻa. ʻOku fakakaukau e kakaí he taimi ʻe niʻihi ko e Fakalelei ʻa Sīsū Kalaisí ʻoku fekauʻaki pē ia mo e fakatomalá. Ka ko Kalaisí ko ha maʻuʻanga foki ia ʻo e fakafiemālie lahi. ‘Oku ou ʻilo he ʻikai lava ke mahino kiate au ʻa e meʻa kotoa naʻá Ne kātekiná, ka ʻokú Ne ʻafioʻi au.
ʻAiona C., 17, Falanisē