Ngaahi Fofonga Fiefiá
Ko ha fanga kiʻi fakakaukau ʻeni ki he meʻa ʻokú ne ʻomi ha moʻui fiefiá. ʻOku tau vakai fakaʻauliliki ange ki he kaveingá ni ʻi he peesi 24, kau ai ha founga ʻe hiva ke fiefia ange aí.
“‘Oku ʻikai ko e fiefiá, ‘okú ne ʻai ke tau loto-houngaʻiá. Ko e loto-houngaʻiá ʻokú ne ʻai ke tau fiefiá.”
David Steindl-Rast, Catholic Benedictine monk, “Want to Be Happy? Be Grateful,” TEDGlobal 2013 (video), June 2013, ted.com.
“Kapau ʻoku ʻikai ha ngaahi fakakaukau lelei, ʻoku ʻikai ha nonga, pea kapau ʻoku ʻikai ha nonga, ʻoku ʻikai ha fiefia.”
Mahatma Gandhi, The Selected Works of Mahatma Gandhi: The Voice of Truth (1968).
“Kapau ʻokú ke loto ke fiefia ʻa e niʻihi kehé, manavaʻofa; pea kapau ʻokú ke loto ke ke fiefia, manavaʻofa.”
Dalai Lama, ʻi he Dalai Lama and Howard C. Cutler, The Art of Happiness: A Handbook for Living (2009).
“‘I he ngaahi kolo ʻi ʻAfiliká, ʻe fakafeʻiloaki mai ha taha mo pehē, ‘ʻOku tau fēfē?’ ʻI he mahino ko ʻení, ʻoku tau fiefia moʻoni ʻi he ngaahi lavameʻa pe fiefia ʻa ha taha kehe. ”
Desmond Tutu, Archbishop Emeritus of Cape Town, South Africa, ʻi he 14th Dalai Lama, Desmond Tutu, The Book of Joy: Lasting Happiness in a Changing World (2016).
“Ko e taumuʻa mo e ʻuhinga ʻo e moʻuí ke fiefia. ‘ʻOku ʻi ai ʻa e faʻahinga ʻo e tangatá koeʻuhi ke nau maʻu ʻa e fiefiá’ [2 Nīfai 2:25]. ʻOku iku e angamaʻá, angatonú, faivelengá, māʻoniʻoní, pea mo hono tauhi e ngaahi fekau ‘a e ʻOtuá, ki ha moʻui fiefia.”
Palesiteni David O. McKay, Pathways to Happiness (1964).