Kau ʻAposetolo ʻi he Funga Māmaní
ʻAʻahi ʻa ʻEletā Soares ki Kolomupiá
ʻOku fononga e Kau ʻAposetoló he funga ʻo e māmaní ke ngāue fakaetauhi ki he kakaí mo akoʻi kinautolu fekauʻaki mo Sīsū Kalaisi.
Naʻe fononga ‘a ʻEletā ʻŪlise Soālesi mo Palesiteni Tāleni H. ʻOakesi ke tokoni ki hono fakatapui ha temipale foʻou ʻi Kolomupia, ʻi he kolo ko Palanikuilá.
Naʻe omi ha fānau toko lahi mo ʻenau mātuʻá ke mamata ki hono fakatapui e temipale foʻoú.
Naʻe fakaafeʻi ‘e Palesiteni ʻOakesi ha kiʻi tamasiʻi mo e kiʻi taʻahine ke na tokoni ke simaʻi e maka tulikí ki hono tuʻuʻangá. Naʻe ʻosi ʻa e temipalé!
Naʻe fai ‘e ʻEletā Soalesi ha lea ʻi he loto temipalé hili ʻa e ouau maka tulikí. Naʻe fakahoko leva ʻe Palesiteni ʻOakesi ha lotu ke fakatapui e temipalé ki he ʻEikí. Kuo hoko leva ʻa e temipalé he taimí ni ko e fale ʻo e ʻEikí.
ʻE lava leva e fānaú ʻo hū ki loto pea sila ki honau ngaahi fāmilí mo fakahoko e ngaahi papitaiso ʻi he temipalé!