សារលិខិតគណៈប្រធានទីមួយ
ការស្រឡាញ់មនុស្សដទៃដូចព្រះយេស៊ូវស្រឡាញ់យើង
ដោយប្រធាន ដាល្លិន អេក អូក
ទីប្រឹក្សាទីមួយក្នុងគណៈប្រធានទីមួយ
ដកស្រង់មកពី « Loving Others and Living with Differences » Liahona ខែ វិច្ឆិកា ឆ្នាំ ២០១៤ ទំព័រ ២៥–២៨ ។
ព្រះយេស៊ូវបានប្រទានបទបញ្ញត្តិសំខាន់មួយដល់ពួកសិស្សរបស់ទ្រង់ ៖ « ស្រឡាញ់ដល់គ្នាទៅវិញទៅមក ដូចជាខ្ញុំបានស្រឡាញ់អ្នករាល់គ្នាដែរ » ( យ៉ូហាន ១៥:១២ ) ។ ក្នុងនាមជាអ្នកដើរតាមព្រះគ្រីស្ទ យើងគួរតែរស់នៅជាមួយមនុស្សដទៃប្រកបដោយភាពសុខសាន្ត ។ នោះគឺរួមទាំងអ្នកដែលគ្មានជំនឿដូចយើងផងដែរ ។
នេះជារបៀបមួយចំនួនដែលយើងអាចស្រឡាញ់មនុស្សដទៃដូចព្រះអង្គសង្គ្រោះស្រឡាញ់យើង ៖
-
ចូរមានសន្តានចិត្តល្អជាមួយអ្នកដែលមានជំនឿផ្សេងពីយើង ។
-
បង្ហាញការគោរពដល់ជំនឿរបស់ពួកគេ ។
-
មិនត្រូវសម្លុតគំរាម ឬជេរនរណាទេ ។
-
ចូរធ្វើជាអ្នកស្តាប់ដ៏ល្អម្នាក់ ។
-
ចូរចេះគួរសម ។ កុំឈ្លោះប្រកែកគ្នាដោយកំហឹង ។
-
ការពារអ្វីដែលពិត ។
-
ប្រាប់មនុស្សដទៃអំពីដំណឹងល្អក្នុងរបៀបដ៏រាបសា ។ « [ និយាយ ] សេចក្ដីពិតដោយស្លូតត្រង់ » ( អេភេសូរ ៤:១៥ ) ។
បទបញ្ញត្តិរបស់ព្រះអង្គសង្រ្គោះដែលឲ្យស្រឡាញ់គ្នាទៅវិញទៅមក ដូចដែលទ្រង់ស្រឡាញ់យើងគឺប្រហែលជាសេចក្តីល្បងដ៏ធំជាងគេរបស់យើង ។ ខ្ញុំអធិស្ឋានថា យើងអាចព្យាយាមបង្ហាញសេចក្តីស្រឡាញ់នៅគ្រប់កិច្ចការដែលយើងធ្វើ ។