Kau Helo ʻo e Fuakava Motuʻá
Naʻe Loto-Toʻa ʻa ʻĒseta
Ko ʻĒsetá ko ha kuini ʻo Pēsia. Naʻe ʻikai ke ʻafioʻi ʻe he Tuʻí ko ʻĒsetá ko e Siu. Naʻe ʻi ai ha kaungāmeʻa kovi ʻo e tuʻí naʻe fehiʻa ia ʻi he kau Siú. Naʻá ne kākaaʻi ʻa e tuʻí ke ne folofola kuo pau ke fakapoongi ʻa e Siu kotoa pē ʻi he fonuá. Naʻe fakakaukau ai ʻa ʻĒseta ke ne kole ki he tuʻí ke fakahaofi hono kakaí. Ka ʻe lava ʻo fakapoongi ia ʻi heʻene ʻalu ki he taloni ʻo e tuʻí. Naʻe kole ʻe ʻĒseta ki he kakai Siú ke nau ʻaukai maʻana. Ko e taimi naʻe ʻalu atu ai ʻa ʻĒseta ki he taloni hono husepānití, naʻá ne talitali lelei ia. Naʻe fakaafeʻi ʻe ʻĒseta ia mo hono kaungāmeʻá ki ha taumafa efiafi. Naʻá ne fakahā ange ai kiate kinaua ko e Siu ia. Naʻe ʻikai ke lava ʻe he tuʻí ʻo liliu ʻa e laó, ka naʻá ne fakangofua ʻa e kakai Siú ke nau maluʻi kinautolu. ʻI he tokoni ʻa e ʻOtuá, naʻe fakahaofi ai ʻa ʻĒseta mo hono kakaí!
“Kuini ʻĒseta,” Lepeka C., taʻu 8, ʻAlakua, Venesuela
ʻĒseta
Naʻe lototoʻa ʻa ʻĒseta mo tui ki he ʻOtuá. Te u lava ʻo lototoʻa mo taukaveʻi e meʻa ʻoku totonú!
-
Ako maʻuloto ʻa e konga fakaʻosi ʻo e ʻĒseta 4:14.
-
Mamataʻi ʻa e vahe 45 ʻo e ngaahi vitiō ʻo e Fuakava Motuʻá ʻi he scripturestories.lds.org
-
Kapau ʻe pehē ʻe hoʻo ongomātuʻá ʻokú ke lahi feʻunga, ʻaukai maʻa ha taha ʻokú ke ʻofa ai.
-
Te u lava ʻo lototoʻa ʻaki haʻaku …