ʻOku ʻi ai haku kaungāmeʻa ʻokú ne tui ʻoku ʻi ai e fakamatala fakasaienisi ki he meʻa kotoa pē— ngaahi ongo fakalaumālié, tali ki he lotú, maná moe ngaahi alā meʻa peheé. Ko e hā te u talaange ki hoku kaungāmeʻa ko ʻení?
Tā fakatātaaʻi ʻo e ʻatá ʻe Lloyd Eldredge; Fakatātā mei he iStock/Thinkstock
ʻOku ʻi ai ha ʻuhinga ʻe taha ʻoku moʻoni ai ho kaungāmeʻá—mahalo ʻe lava ke fakamatala ʻi he ngaahi lea fakasiaenisí ʻa e meʻa kotoa pē (neongo ʻoku ʻikai ke tau maʻu kotoa ai he taimí ni). ʻOku ʻikai uesia e tui fakalotú ʻe he malava ko ia ʻe he saienisí ʻo fakamatalaʻi ha meʻá. Tatau ai pē pe ʻokú ke tali ha ngaahi fakamatala fakasaienisi ki ha aʻusia fakalaumālie pe ko ha mana, ʻoku fakamatalaʻi pē ʻe he saienisí e meʻa naʻe hokó; ʻoku ʻikai ha lau ʻa e saienisí ki hono faʻunga totonú, ʻuhingá pe taumuʻá. Ko e fatongia ia ʻo e tui fakalotú. ʻOku ʻafioʻi ʻe heʻetau Tamai Hēvaní e meʻa kotoa pē pea fakahā kiate kitautolu ʻa e meʻa ʻoku tau fie maʻu kae lava ke tau foki ange kiate Ia mo fakatupulaki ʻa e tuí, ʻamanaki leleí, ʻofa faka-Kalaisí, mo e ngaahi ʻulungaanga faka-ʻOtua kotoa pē. Hangē ko e ʻikai ke fakaʻauha ʻe he tui fakalotú ʻa e saienisí, ʻoku toe moʻoni ia ʻi he tafaʻaki ʻe tahá—ʻoku ʻikai fakataʻeʻaongaʻi ʻe he fakamatala fakasaienisí ʻa e ngaahi aʻusia fakalotú.