Ang Gasa nga si Jen
Ang tagsulat nagpuyo sa Utah, USA.
Ako nakahimo og sunod-sunod nga kasaypanan sa dihang sophomore pa ko sa high school. Kadto nga mga pagpili nakadala og bati nga mga sangputanan ug kasub-anan, ug mihukom ko sa paggamit sa panahon nga walay klase sa ting-init nga magbag-o. Kon magsugod na usab ang klase, maniudto ko sa bathroom stall o sa walay tawo nga hawanan aron makalikay sa dautang mga barkada nga nagpaabut nako.
Mibati ko nga nag-inusara pag-aayo.
Dayon ang Dios mihatag kanako og usa ka gasa: Iyang gipadala si Jen. Si Jen wala gayud mohukom sa akong mga sayop hinoon miawhag nako sa pagpadayon sa saktong direksyon. Ang kahibalo nga anaa siya sa eskwelahan nakatabang nako sa pagpadayon sa pagbasa sa akong mga kasulatan ug pag-amuma sa akong pagpamatuod. Sa dihang migradwar ko, akong napamatud-an sa akong kaugalingon nga nausab na gyud ko.
Naghunahuna ko usahay kon asa kaha ko karon kon wala pa ko tabangi ni Jen. Makapadayon kaha ko sa akong mga baruganan kon wala siya? Swerte lang, dili na nako mahibaloan kay uban sa iyang tibuok kasingkasing anaa siya, andam nga motabang kanako.