Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit alang sa family home evening. Ang mosunod mao ang duha ka mga ideya.

“Pagkahimong Misyonaryo sa Isangyaw ang Akong Ebanghelyo,” pahina 46: Ikonsiderar ang paghisgot isip pamilya sa lima ka kinaiya sa Isangyaw ang Akong Ebanghelyo nga mga misyonaryo. Dayon paningkamuti nga sundon ang mga baruganan. Mahimong magdungan mo og ribyu og kadiyot sa usa ka seksyon sa Isangyaw ang Akong Ebanghelyo ug magpuli-puli og praktis sa mga leksyon sa misyonaryo samtang ang ubang mga sakop sa pamilya magpakaaron-ingnon nga mga investigator. Mahimo nimong hisgutan ang mga hagit sa misyonaryo nga buhat ug pag-brainstorm og mga paagi sa pagpalambo sa mga kinaiya nga gihulagway ni Elder David A. Bednar.

“Magmalig-on, Magmalagsik, Magmaigmat,” pahina 52: Human og ribyu sa artikulo ni Elder Adrián Ochoa, ikonsiderar ang pagplano og kalihokan nga motugot sa inyong mga sakop sa pamilya nga mahimong aktibo sa pisikal nga paagi. Mahimo kamong magdula og sport o manglakaw. Siguroha nga inyong ipahiangay ang inyong kalihokan sa edad ug abilidad sa mga sakop sa pamilya (sama pananglit, mahangyo ninyo ang mga magulang sa pagtabang sa ilang mga manghod aron makompleto ang kalihokan). Human sa inyong kalihokan, hisguti isip pamilya ang mga benepisyo sa kinabuhi nga aktibo sa pisikal nga paagi. Makaplano usab kamo og mga paagi nga padayong mobuhat isip pamilya sa pagsunod sa tambag sa atong buhing propeta sa pag-atiman sa atong mga lawas.

Sa Inyong Pinulongan

Ang Liahona ug ubang mga materyal sa Simbahan anaa sa daghang mga pinulongan sa languages.lds.org.

Paghulagway sa litrato pinaagi ni Cody Bell