Diha sa Dalan
Naghulat sa Winter Quarters
Usa ka Bag-ong Siyudad
Human patya si Propeta Joseph Smith, ang Nauvoo, Illinois, nahimong makuyaw nga dapit. Gibiyaan sa mga Santos ang ilang mga panimalay aron sa pagpangita og mas luwas nga kapuy-an. Niadtong Pebrero 1846, ang unang grupo sa mga Santos misugod sa ilang panaw paingon sa kasadpan, apan dili maayo nga panahon ug ang sakit nakapahinay nila. Sa dihang mitabok sila sa Iowa, ulahi na kaayo nianang tuiga aron makaabut sa Rocky Mountains sa dili pa ang tingtugnaw. Mao nga ang mga lider sa Simbahan mipili og dapit nga kapuy-an sa mga Santos alang sa tingtugnaw. Ginganlan nila kini og Winter Quarters.
Pagtambayayong
Ang ubang mga tawo naghimo og balay gikan sa mga troso o yuta. Ang uban nagpuyo sa mga tolda ug langub. Naningkamot ang mga Santos nga magmalipayon atol sa taas, mabugnaw nga tingtugnaw. Nagtinabangay sila sa usag usa. Nagkonsyerto ug nanganta ug nanayaw sila. Mihimo sila og galingan sa harina, usa ka balay lungsod, ug usa ka buhatanan og basket.
Pagbalhin
Ang panahon nga gigahin sa mga Santos sa Winter Quarters lisud kaayo. Daghang mga tawo ang namatay. Apan ang mga pioneer dunay hugot nga pagtuo nga ang Ginoo mopanalangin nila ug motabang nila nga makaabut sa Zion. Sa dihang miabut na ang tingpamulak, ang unang grupo sa mga pioneer mibiya sa Winter Quarters aron mopanaw ngadto sa Walog sa Salt Lake.
Karon inyong makita ang maanindot nga Winter Quarters Nebraska Temple ug mabisitahan ang Mormon Trail Center sa Winter Quarters aron makahibalo pa og dugang mahitungod sa mga pioneer.
Kini nga pasundayag sulod sa Mormon Trail Center sa Winter Quarters nagpakita pag-usab sa kampo sa dalan sa Iowa diin si William Clayton misulat sa himno “Dali, Dali, Kamo mga Santos” (Mga Himno ug Mga Awit sa mga Bata, nu. 2).
Sa Mormon Trail Center, inyong makita ang matang sa mga suplay nga gidala sa mga Santos sa ilang biyahe paingon sa kasadpan. Ang mga lider sa Simbahan misulti nila sa pagdala og harina, mga lamas, bugas, mga batong, ug mga gatas sa baka.
Ang ubang mga Santos naghimo og mga cabin nga kapuy-an samtang sila didto sa Winter Quarters.
Ang mga Santos Nanabok sa Mississippi, ni Grant Romney Clawson © IRI; gilitratohan ni Jennifer Maddy ug Welden C.Andersen
Ang Dalan sa Iowa
Iowa
Nauvoo
Winter Quarters