Atong Pahina

Gitudloan ko sa akong mga ginikanan sa ebanghelyo ug maayong ehemplo nako sukad sa gamay pa ako. Nakat-on ko sa pagbasa sa istorya sa kasulatan alang sa mga bata, ug karon ganahan ko sa Basahon ni Mormon. Nagbasa ko niini matag adlaw, nag-inusara ug uban sa akong pamilya. Si Ammon mao ang akong paborito nga tawo sa Basahon ni Mormon. Talagsaon siya nga misyonaryo, nga maoy akong gusto nga mahimo inig dako nako.

Esteban M., edad 8, Colombia

Sa dihang ang akong pamilya nagbakasyon sa Panama, ang yutang natawhan sa akong inahan, ang akong mga ginikanan midala sa akong manghud nga babaye, si Yhoalibeth, ug nako aron mobisita sa Panama City Panama Templo. Gipahikap kami ni mama sa bong-bong sa templo. Sa wala madugay, sa dihang akong gisultihan ang akong mama nga nalipay ko nga didto kami sa templo, miingon siya nako nga ako mibati sa Espiritu Santo.

Sergio B. Jr., edad 7, Florida, USA

Pasha Z., edad 9, Ukraine

Sa dihang si Letícia C., edad 6, nag-edad og 3 anyos, ang Curitiba Brazil Temple nahuman. Ganahan siya nga moadto sa templo, ug miadto didto sa matag adlaw sa katapusang semana sa open house. Ganahan gihapon siya nga mobisita sa templo ug maglakaw sa matahum nga mga tanaman. Ganahan usab si Letícia nga mag-drawing ug molangoy.

Primary: Sunod ni Jesus

Si Maurizio D., edad 11, Italy, ganahan sa sakrament miting tungod kay siya makakat-on mahitungod sa Langitnong Amahan ug ni Jesukristo. Ganahan siya nga mosimba tungod kay kini makalingaw ug makapaikag ug nindot kaayo. Malipayon siya didto sa Simbahan ug adunay daghang mga higala.

Sa dihang nangandam kami sa groundbreaking sa Tijuana Mexico Temple, malipayon kaayo kami. Miadto kami isip pamilya aron sa pagserbisyo. Gilimpyohan namo ang mga nataran sa templo. Nasayud ako nga ang Ginoo mobisita sa Iyang balay kon mahuman na kini.

Jesus S., edad 6, Mexico

Ang pagtuon sa mga kasulatan nagtabang nako sa pagpili sa matarung.

“Ang Bulawan nga mga Palid,” ni P. Tuyêt Hoa, edad 10, Cambodia

Nagpili ko sa matarung kon ako mosunod sa Langitnong Amahan ug ni Jesukristo.

N. Thi LinĐa, edad 8, Cambodia

Ang akong paborito nga bahin sa Basahon ni Mormon mao ang istorya ni Nephi ug ang panaw tabok sa dagat.

Kelly C., edad 10, Philippines

Kinahanglan kitang mabugkos sa templo aron kita mabuhi isip pamilya sa kahangturan.

Shanna C., edad 8, Philippines

Ganahan ko nga mosimba uban sa akong pamilya ug magkat-on mahitungod ni Jesukristo. Diha sa balay gusto kong magbasa ug magkat-on sa mga istorya sa kasulatan, pagkanta og mga himno, ug magdula atol sa family home evening. Ang ebanghelyo nagpanalangin sa akong pamilya ug nakapalipay nako. Nakahatag na ko og Basahon ni Mormon sa tulo ka mga maestra ug sa akong labing suod nga higala, si Miguel. Ang akong paborito nga kanta sa Primary mao ang “We’ll Bring the World His Truth” (Children’s Songbook, 172).

Martim P., edad 6, Portugal

Henrique S., edad 7, Brazil