Kaotaaki n te Roo

Hérica S., Brazil

N na bon aki kona ni mwaninga te reirei are ti karekea ni botakin ara utu n te tairiki n tain maten te bwaawa. N akean te bwaawa tiaki kona ni warekea te bwai teuana, ao I taku n au iango bwa botakin te utu n te tairiki anne e na karika te kanganga.

“Ti na kanga ni karaoa ara botaki n utu n te tairiki n akean te kona ni wareka te rongorongo man te Riaona, ke ti na kanga ni kona n anene man te boki n anene ma akean te taura?” I iangoia i bon irou.

Ai tekeraoira ngaira ngke e a kamaiuira tariu man te kangaanga. Iai ana iango ibukira bwa ti na anenea te kuna n taromauri ae ti ataia bwa e mate ni kuna inanora ao imwina ti na tibwaua te reirei are ti reiakinna n te Tabati are mai mwaina. Ti bane n tibwaua te reirei ao n reireinira i bon imarenara n tatabemanira nako. N au iango, te kaai n reireinaki bon oin te kantaninga n te botak utu n te tairiki. I kakoaua raoi bwa te Uea e bon rangin kukurei bwa ti kawakina ana tua ni karaoan ara botaki n utu, e ngae ngke akea te taura.

I ataia bwa e aki tangirira te Uea bwa ti na okira mwengana n tii ngaira. E tangirira bwa ti na oki ma ara utu, ao E tangirira bwa ti na karaoi bwaai ni kabane n aron ara kona n te aro bwa e aonga n riki aei, n raonaki ma karaoan botakin te utu n te tairiki ni katoa wiiki.